സ്വിം സ്യൂട്ടിൽ തിളങ്ങി റിമ കല്ലിങ്കൽ; ചിത്രങ്ങൾ

നടി റിമ കല്ലിങ്കലിന്റെ ഗ്ലാമർ ചിത്രങ്ങൾ സമൂഹമാധ്യമങ്ങളിൽ വൈറൽ. സ്വിം സ്യൂട്ടിൽ നിൽക്കുന്ന താരത്തിന്റെ ചിത്രങ്ങളാണ് ആരാധകരുടെ ഇടയിൽ ചർച്ചയാകുന്നത്. ബോള്‍ഡ് ആയ കഥാപാത്രങ്ങളിലൂടെയും ജീവിതത്തിലെ നിലപാടുകളിലൂടെയും മലയാളികളുടെ പ്രിയങ്കരിയായി മാറിയ താരമാണ് റിമ. ബോള്‍ഡ് ആന്‍ഡ് ബ്യൂട്ടിഫുള്‍ എന്നായിരുന്നു താരത്തിന്റെ ചിത്രം കണ്ട ആരാധകരുടെ പ്രതികരണം.

അഭിനയത്തിൽ സജീവമല്ലെങ്കിലും നൃത്തപരിപാടികളുമായി താരം തിരക്കിലാണ്. റിമയുടെ തന്നെ ഉടമസ്ഥതയിലുള്ള ഡാന്‍സ് സ്‌കൂളായ മാമാങ്കത്തിലെ ഓണാഘോഷ ചിത്രങ്ങളും സമൂഹമാധ്യമങ്ങളിൽ ശ്രദ്ധനേടിയിരുന്നു. 

ഇതിനിടെ വൈറസ് എന്ന ആഷിക്ക് അബു ചിത്രത്തിലൂടെ നിർമാതാവായും റിമ മാറി. വൈറസിൽ സിസ്റ്റർ ലിനിയുടെ വേഷത്തിൽ എത്തിയ റിമയുടെ പ്രകടനം ഏറെ ശ്രദ്ധപിടിച്ചുപറ്റിയിരുന്നു. അറബിക്കടലിന്റെ റാണി: ദ് മെട്രോ വുമൻ, ജൂതൻ എന്നിവയാണ് റിമയുടെ പുതിയ ചിത്രങ്ങൾ.