‘തെറ്റ് ചെയ്യാത്തവരായി ആരുമില്ല ഗോപു’: വീണ്ടുമൊരു ഡ്രൈവിങ് സ്കൂളുമായി ഷക്കീല; വിഡിയോ

ഷക്കീലയുടെ ‘ഡ്രൈവിങ് സ്‌കൂള്‍’ അറിയില്ലേ; ഒരു കാലത്ത് കേരളത്തിലെ യുവാക്കളുടെ ഹരമായിരുന്ന പേര്? ഗോപുവിന്റെയും ഷീലയുടെയും ആ സ്‌കൂളിലേക്ക് പ്രേക്ഷകരെ കൂട്ടിക്കൊണ്ടുപോകുകയാണ് നെറ്റ്ഫ്ലിക്സ്. സെക്സ് എജ്യുക്കേഷൻ എന്ന വെബ്സീരീസിന്റെ നാലാം സീസൺ പ്രമോഷനു വേണ്ടിയാണ്, ചില ശരികളെപ്പറ്റി നമ്മെ ഓർമിപ്പിച്ച് ഷക്കീല വീണ്ടുമെത്തുന്നത്. ഷക്കീലാസ് ഡ്രൈവിങ് സ്‌കൂൾ‌ എന്ന വിഡിയോ സമൂഹമാധ്യമങ്ങളിൽ തരംഗമാകുകയാണ്.

ലൈംഗിക വിദ്യാഭ്യാസത്തിന്റെ പ്രസക്തി ഏറിയ ഒരു സമൂഹത്തിലാണ് നാമിന്ന് ജീവിക്കുന്നത്. ആ ദൗത്യവുമായി ഷക്കീല തന്നെ എത്തുമ്പോള്‍ അതിനൊരു പുതുമയും ശ്രദ്ധയുമുണ്ടാകുമല്ലോ. അതുകൊണ്ടാണ് തന്റെ പഴയ ചിത്രത്തിന്റെ പേര് അനുസ്മരിപ്പിച്ചുകൊണ്ട് ഷക്കീല ഈ ഹ്രസ്വ വിഡിയോയില്‍ എത്തിയിരിക്കുന്നത്. ഡ്രൈവിങ്ങിനെയും സെക്‌സിനെയും ചേര്‍ത്തുവച്ചാണ് ഷക്കീല അതീവ ഗൗരവമേറിയ വിഷയങ്ങള്‍ ലളിതമായി അവതരിപ്പിക്കുന്നത്.

നെറ്റ്ഫ്‌ളിക്സിന്റെ ഏറ്റവും പ്രചാരമുള്ള സീരിസുകളിലൊന്നായ സെക്സ് എജ്യുക്കേഷന്റെ പ്രമോഷന്റെ ഭാഗമായ വിഡിയോ മലയാളികളും ഏറ്റെടുത്തു കഴിഞ്ഞു. ശിവപ്രസാദ് കെ.വി.യാണ് സംവിധാനം. നീരജ് രവി ക്യാമറ ചലിപ്പിച്ചിരിക്കുന്നു.

English Summary: Shakeela's Driving School video as promotion in netflix