കോഴിക്കോട്ട് നാടകം കഴിയുന്നതിനു മുൻപ് കർട്ടൻ താഴ്ന്നു; ഏറ്റുമുട്ടി വിദ്യാർഥികൾ, ലാത്തിച്ചാർജ്

കോഴിക്കോട് ∙ ബി സോൺ നടക്കുന്ന നാദാപുരം പുളിയാവ് നാഷനൽ കോളജിൽ വിദ്യാർഥികൾ തമ്മിൽ സംഘർഷം. ഇന്നലെ രാത്രി 11.45 മുതലാണു പ്രശ്നം തുടങ്ങിയത്. വേദി മൂന്നിൽ നാടകം കഴിയുന്നതിനു മുൻപ് കർട്ടൻ താഴ്ന്നതിനെച്ചൊല്ലിയാണു വിദ്യാർഥികൾ ഏറ്റുമുട്ടിയതെന്നു പൊലീസ് പറഞ്ഞു. സംഘർഷം പുലർച്ചെ ഒന്നര വരെ തുടർന്നു.

കൂടുതൽ പൊലീസ് എത്തി ലാത്തിച്ചാർജ് നടത്തിയാണു വിദ്യാർഥികളെ പിരിച്ചുവിട്ടത്. കോളജ് ക്യാംപസിൽനിന്ന് രണ്ടു മണിയോടെ എല്ലാവരെയും പുറത്താക്കി. നൂറിലേറെ പൊലീസാണു കോളജ് ഗേറ്റ് അടച്ച് കാവൽ നിൽക്കുന്നത്.