പ്രചാരണരംഗത്ത് ‘മറഡോണ’യും

ഫോർട്ട്കൊച്ചി∙ ഫുട്ബോൾ ഇതിഹാസം മറഡോണയുടെ പത്താം നമ്പർ ജഴ്സിയണിഞ്ഞ് പന്തടിച്ചു നീങ്ങുന്ന സ്ഥാനാർഥി. ഒപ്പം അർജന്റീനയുടെ നീലയും വെള്ളയും കലർന്ന ജഴ്സിയണിഞ്ഞു പ്രവർത്തകർ. ഫോർട്ട്കൊച്ചി വെളി ഡിവിഷനിലെ എൽഡിഎഫ് സ്ഥാനാർഥി ബെനഡിക്ട് ഫെർണാണ്ടസ് ഇന്നലെ പ്രചാരണത്തിന് ഇറങ്ങിയത് താൻ ഏറെ ആരാധിക്കുന്ന മാറഡോണയ്ക്ക് ആദരാഞ്ജിലകൾ അർപ്പിച്ചായിരുന്നു. എംജി യൂണിവേഴ്സിറ്റി മുൻ ഫുട്ബോൾ ടീം ക്യാപ്റ്റൻ, കൊച്ചിൻ സാന്റോസ് ക്യാപ്റ്റൻ എന്നീ നിലകളിൽ കളിക്കളത്തിൽ തിളങ്ങിയ ബെനഡിക്ട് വെളി ലയൺസ് ഫുട്ബോൾ ടൂർണമെന്റ്, ബീച്ച് ഫുട്ബോൾ ടൂർണമെന്റ് എന്നിവയുടെ സംഘാടകൻ കൂടിയാണ്. സിറ്റിങ് കൗൺസിലറും.