മദ്യലഹരിയിൽ തർക്കം: യുവാവിന്റെ അടിയേറ്റ് സുഹൃത്ത് മരിച്ചു
Mail This Article
×
കിളിമാനൂർ ∙ മദ്യലഹരിയിൽ യുവാവിന്റെ അടിയേറ്റ് സുഹൃത്ത് മരിച്ചു. പുളിമാത്ത് പന്തടിക്കളം ആര്യാഭവനിൽ ഉണ്ണിയുടെ മകൻ അഭിലാഷ് (28) ആണ് മരിച്ചത്. സംഭവത്തിൽ പന്തടിക്കളം മണ്ണടിയിൽ അരുണിനെ(39) കിളിമാനൂർ പൊലീസ് കസ്റ്റഡിയിലെടുത്തു. ഇരുവരും മരംവെട്ട് തൊഴിലാളികളാണ്.
ഇന്നലെ വൈകിട്ട് 5.30ന് പന്തടിക്കളത്താണു സംഭവം. ജോലിക്കുപോയി മടങ്ങിയ ഇരുവരും പന്തടിക്കളത്ത് ഒരുമിച്ചിരുന്ന് മദ്യപിച്ചു. തുടർന്നുണ്ടായ തർക്കത്തിനിടെ, പ്രതി തടിക്കഷണം ഉപയോഗിച്ച് അഭിലാഷിനെ മർദിക്കുകയായിരുന്നു. പരുക്കേറ്റ അഭിലാഷിനെ കല്ലറ ഗവ.സാമൂഹിക ആരോഗ്യ കേന്ദ്രത്തിലും തുടർന്ന് വലിയകുന്നിലെ ഗവ.താലൂക്ക് ആശുപത്രിയിലും എത്തിച്ചെങ്കിലും മരിച്ചു.
English Summary:
Kilimanoor murder: A young man died following an alcohol-fueled assault by a friend. The accused, Arun, is in police custody after Abhilash succumbed to injuries sustained in the attack.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.