നിറം മാറുന്ന കണവ; പുറത്തെടുത്താൽ സുതാര്യമായ ശരീരം, അമ്പരന്ന് കാഴ്ചക്കാർ

ആഴക്കടലിൽ ഒളിഞ്ഞിരിക്കുന്ന അദ്ഭുതങ്ങൾ ഏറെയാണ്. അത്തരമൊരു ദൃശ്യമാണ് ഇപ്പോൾ സമൂഹമാധ്യമങ്ങളിൽ ശ്രദ്ധ നേടുന്നത്. നിറം മാറുന്ന കണവയുടെ ദൃശ്യമാണിത്. വെള്ളത്തിലിടുമ്പോൾ ഇരുണ്ട പച്ച നിറവും പുറത്തെടുക്കുമ്പോൾ സുതാര്യമായ ഗ്ലാസ് പോലെ ശരീരമുള്ള കണവയാണിത്. 7 സെക്കൻഡ് ദൈർഘ്യമുള്ള വിഡിയോയിൽ പല തവണ കണവയെ വെള്ളത്തിനു പുറത്തേക്കെടുക്കുകയും വെള്ളത്തിലേക്കിടുകയും ചെയ്യുന്നുണ്ട്. 

ഓരോ പ്രാവശ്യവും വെള്ളത്തിലിടുമ്പോൾ കണവ ഇരുണ്ട പച്ചനിറമാകുകയും വെള്ളത്തിനു പുറത്തെടുക്കുമ്പോൾ സുതാര്യമായ ഗ്ലാസ്സ് പോലെ ശരീരം മാറുന്നത് ദൃശ്യത്തിൽ വ്യക്തമാണ്. ശത്രുക്കളിൽ നിന്ന് രക്ഷപ്പെടാനാവാം കണവയുടെ ഈ നിറംമാറ്റമെന്നാണ് നിഗമനം. സയൻസ് ഗേൾ എന്ന ട്വിറ്റർ പേജിലാണ് ഈ ദൃശ്യം പങ്കുവച്ചത്. ലക്ഷക്കണക്കിനാളുകൾ ഇതുവരെ ഈ ദൃശ്യം കണ്ടുകഴിഞ്ഞു.

English Summary: Amazing video shows squid changing colour