ബിജെപി നേതൃയോഗം ഇന്ന് കൊച്ചിയിൽ

കൊച്ചി ∙ ബിജെപി സംസ്ഥാന നേതൃയോഗം ഇന്നു കൊച്ചിയിൽ ചേരും. സംഘടനാതിരഞ്ഞെടുപ്പുമായി ബന്ധപ്പെട്ടാണു യോഗം വിളിച്ചിട്ടുള്ളതെങ്കിലും ഉപതിരഞ്ഞെടുപ്പുഫലത്തിന്റെ വിലയിരുത്തലുണ്ടായേക്കും. പാലക്കാട്ടെ പരാജയത്തിൽ കെ.സുരേന്ദ്രനെതിരെ വിമർശനങ്ങളുയരുകയും അദ്ദേഹം പരസ്യമായി മറുപടി നൽകുകയും ചെയ്ത പശ്ചാത്തലത്തിൽ യോഗത്തിൽ അതിന്റെ അലയൊലികൾ ഉണ്ടാകുമെന്നാണു സൂചന.

∙കേരളത്തിലെ ഉപതിരഞ്ഞെടുപ്പുകളിൽ ബിജെപി നല്ല പ്രകടനം കാഴ്ചവച്ചു. ആരും രാജിവയ്ക്കുന്നില്ല, ആരുടെയും രാജി ആവശ്യപ്പെട്ടിട്ടുമില്ല.-പ്രകാശ് ജാവഡേക്കർ,ബിജെപി കേരള പ്രഭാരി