ഐടി പാർക്ക് നിയമനം: ലഹരിവിരുദ്ധ സത്യവാങ്മൂലം വാങ്ങാൻ ആലോചന
Mail This Article
×
തിരുവനന്തപുരം ∙ സംസ്ഥാനത്തെ ഐടി പാർക്കുകളിലെ കമ്പനികളിൽ ജീവനക്കാരെ നിയമിക്കുന്നതിനു മുൻപ് ലഹരിവിരുദ്ധ സത്യവാങ്മൂലം വാങ്ങാൻ ആലോചന. ‘ഞാൻ രാസലഹരിവസ്തുക്കൾ ഉപയോഗിച്ചിട്ടില്ല, ഇനി ഉപയോഗിക്കുകയുമില്ല’ എന്ന സത്യവാങ്മൂലമാണ് ആലോചനയിലുള്ളത്. ടെക്നോപാർക്ക്, ഇൻഫോപാർക്ക്, സൈബർ പാർക്ക് എന്നിവിടങ്ങളിലായുള്ള ഏകദേശം 280 കമ്പനികളുടെ കൂട്ടായ്മയായ ഗ്രൂപ്പ് ഓഫ് ടെക്നോളജി കമ്പനീസ് (ജിടെക്) ഈ ആശയം സർക്കാരിനെ അറിയിക്കുമെന്ന് ചെയർമാൻ വി.കെ.മാത്യൂസ് പറഞ്ഞു.
ഐടി ജീവനക്കാരെ അവർ പഠിച്ച സ്കൂളുകളിലും കോളജുകളിലും ലഹരിവിരുദ്ധ ബോധവൽക്കരണ പരിപാടികൾ സംഘടിപ്പിക്കാൻ പ്രേരിപ്പിക്കും. ജിടെക്കിന്റെ നേതൃത്വത്തിലുള്ള മ്യുലേൺ ഫൗണ്ടേഷനും ലഹരിവിരുദ്ധ പ്രവർത്തനം ഊർജിതമാക്കും. ഇൻഫോസിസ്, യുഎസ്ടി, ടിസിഎസ് ഉൾപ്പെടെയുള്ള കമ്പനികൾ ജിടെക്കിൽ അംഗങ്ങളാണ്.
English Summary:
Drug-Free Workplace: Anti-drug affidavits are proposed for Kerala IT jobs. The initiative, driven by G-Tech, aims to create a drug-free workplace across major IT parks in the state and will be accompanied by anti-drug awareness programs.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.