തോമസ് ഐസക്കിന് വരണാധികാരിയുടെ താക്കീത്; സർക്കാർ പരിപാടികളിൽ പങ്കെടുക്കരുതെന്ന് നിർദേശം

പത്തനംതിട്ട∙ പത്തനംതിട്ടയിലെ എൽഡിഎഫ് സ്ഥാനാർഥി തോമസ് ഐസക്കിന് ജില്ലാ വരണാധികാരിയുടെ താക്കീത്.  കുടുംബശ്രീയുടെ ഔദ്യോഗിക പരിപാടിയിൽ പങ്കെടുത്തത് ചട്ടലംഘനമെന്ന് ചൂണ്ടിക്കാട്ടിയാണ് ജില്ലാ കലക്ടർ താക്കീത് നൽകിയത്. സർക്കാർ പരിപാടികളിൽ ഇനി പങ്കെടുക്കരുതെന്ന് തോമസ് ഐസക്കിന് വരണാധികാരി നിർദേശം നൽകി. ഇതുസംബന്ധിച്ച റിപ്പോർട്ട് തിരഞ്ഞെടുപ്പ് കമ്മിഷന് കൈമാറി. 

സ്ഥാനാർഥി ചട്ടലംഘനം നടത്തിയെന്നാരോപിച്ച് യുഎഡിഎഫാണ് പത്തനംതിട്ട ജില്ലാ കലക്ടർ എസ്.പ്രേംകൃഷ്ണന് പരാതി നൽകിയത്. സ്ഥാനാർഥി സർക്കാർ സംവിധാനങ്ങളെ പ്രചാരണത്തിന് ഉപയോഗിക്കുന്നുവെന്നായിരുന്നു ആരോപണം.