കണ്ണൂരിലെ ബോംബ് രാഷ്ട്രീയം: അരുതെന്ന് പറയാൻ ആരുണ്ട്?– ടി. പത്മനാഭൻ എഴുതുന്നു...

ആളൊഴിഞ്ഞ പറമ്പിൽനിന്നു കിട്ടിയ സ്റ്റീൽ ബോംബ് പാത്രമെന്നു കരുതി തുറക്കാൻ ശ്രമിക്കുന്നതിനിടെയുണ്ടായ സ്ഫോടനത്തിൽ ഗൃഹനാഥൻ മരിച്ചെന്ന വാർത്ത വലിയ ഞെട്ടലോടെയാണു ഞാൻ കേട്ടത്. കണ്ണൂരിലെ ഈ ബോംബ് സ്ഫോടനത്തിനും കൊലപാതകത്തിനും ഒരറുതിയില്ലേ എന്ന് എല്ലാവരും ചോദിക്കുമെങ്കിലും അങ്ങനെയൊരു പ്രതീക്ഷ എനിക്കില്ല. ഇതിനെല്ലാം അറുതി വരുത്തണമെന്ന് ആരെങ്കിലും ആത്മാർഥമായി ആഗ്രഹിക്കേണ്ടേ? അരുതെന്നു പറയാൻ ആരെങ്കിലും ഉണ്ടെങ്കിലല്ലേ ഇത്തരം ദുഷ്കൃത്യങ്ങളൊക്കെ ഇല്ലാതാകൂ. എന്നാൽ, അങ്ങനെ ആത്മാർഥമായി ആഗ്രഹിച്ചൊരാൾ ഉണ്ടായിരുന്നു. കമ്യൂണിസ്റ്റ് പാർട്ടി