അടുക്കളയിൽ ഒളിപ്പിച്ച 3.32 ലക്ഷം രൂപ വളർത്തുനായ ചവച്ചരച്ച് തിന്നു; ഞെട്ടൽ മാറാതെ ദമ്പതികൾ
Mail This Article
×
പെൻസിൽവാനിയയിൽ വളർത്തുനായ ഭക്ഷണമായി കഴിച്ചത് നാലായിരം ഡോളർ. അതായത് 3.32 ലക്ഷം ഇന്ത്യൻ രൂപ. ക്ലേറ്റൺ–കാരിലോ ദമ്പതികളുടെ നായ സെസിൽ ആണ് ഈ പണി ഒപ്പിച്ചത്. അടുക്കളയിൽ ഒരു കവറിലിട്ട് സൂക്ഷിച്ച പണം നായ ഭക്ഷണമാക്കുകയായിരുന്നു.
ക്ലേറ്റൺ ആണ് സെസിൽ പണം തിന്നത് ആദ്യമായി കാണുന്നത്. അലറിവിളിച്ച അയാൾ ഉടൻതന്നെ കാരിലോയെ അറിയിക്കുകയായിരുന്നു. ഉടൻതന്നെ വെറ്റിനറി ഡോക്ടറെ വിവരമറിയിക്കുകയും അദ്ദേഹം സെസിലിന് ഛർദിക്കാനുള്ള മരുന്ന് നൽകുകയും ചെയ്തു.
ഛർദിയിലൂടെ നോട്ടുകൾ പുറത്തെത്തിയെങ്കിലും എല്ലാം പാതി മുറിഞ്ഞ നിലയിലായിരുന്നു. ബില്ല് അടയ്ക്കാനും മറ്റും അത്യാവശ്യ കാര്യങ്ങൾക്കായാണ് ആ പണം മാറ്റിവച്ചിരുന്നതെന്ന് ദമ്പതികൾ അറിയിച്ചു. നോട്ടിന്റെ സീരിയൽ നമ്പർ തപ്പിയെടുത്ത ദമ്പതികൾ ബാങ്കിൽ വിവരം അറിയിച്ചെങ്കിലും മുഴുവൻ പണം ലഭിച്ചില്ല.
English Summary:
Canine Culprit: Pet Dog Eats $4000 in Pennsylvania, Leaves Couple in Financial Woe
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
