മർബാഹ് തുറമുഖത്ത് മത്സ്യബന്ധന ബോട്ടിന് തീ പിടിച്ചു; ഒരു മരണം, രണ്ട് പേർക്ക് പരുക്ക്

ഫുജൈറ ∙ മർബാഹ് തുറമുഖത്ത് മത്സ്യബന്ധന ബോട്ടിന് തീ പിടിച്ച് ഒരാൾ മരിച്ചു. 2 പേർക്ക് പരുക്കേറ്റു. ഇന്നലെ രാത്രി 9.48നാണ് ഇതുസംബന്ധമായ വിവരം ലഭിച്ചതെന്ന് ഫുജൈറ പൊലീസ് പറഞ്ഞു. മരിച്ചയാളെക്കുറിച്ചും പരുക്കേറ്റവരെക്കുറിച്ചും കൂടുതൽ വിവരം അധികൃതർ പുറത്തുവിട്ടിട്ടില്ല.

ബോട്ടിലുണ്ടായിരുന്നവരാണ് അപകടത്തിൽപ്പെട്ടത്. പരുക്കേറ്റ മൂന്ന് പേരെയും ഉടൻ ദേശീയ ആംബുലൻസിൽ ആശുപത്രിയിലെത്തിച്ചെങ്കിലും ഒരാളുടെ ജീവൻ രക്ഷിക്കാനായില്ല.  അഗ്നിബാധയുടെ കാരണം പൊലീസ് അന്വേഷിക്കുന്നു.