മലയാളി ഖത്തറിൽ അന്തരിച്ചു; വിട പറഞ്ഞത് ദോഹയിലെ ദീർഘകാല പ്രവാസി

ദോഹ ∙ ദീർഘകാല പ്രവാസി മലയാളി ഖത്തറിൽ അന്തരിച്ചു. പത്തനംതിട്ട റാന്നി വെച്ചൂച്ചിറ കുളമാംകുഴി ഓലിക്കൽ ജോർജ് മാത്യു (66) ആണ് മരിച്ചത്. 

കഴിഞ്ഞ 40 വർഷമായി ഖത്തർ പ്രവാസിയാണ്. ഇൻഡസ്ട്രിയൽ ഏരിയയിലെ സ്വകാര്യ കമ്പനിയിൽ പി ആർ ഒ ആയി ജോലി ചെയ്യുകയായിരുന്നു. കുടുംബ സമേതമായി ഖത്തറിലാണ് താമസിക്കുന്നത്. ഭാര്യ: ജിജി. മക്കൾ : അനു (ഖത്തർ എയർവേയ്സ്), അഞ്ജു.

മൃതദേഹം നാളെ നാട്ടിലേക്ക് കൊണ്ടുപോകും.  ശനിയാഴ്ച  11 മണിക്ക് വീട്ടിലെ  ശുശ്രൂഷകൾക്ക് ശേഷം 12 ന് വെച്ചൂച്ചിറ സെൻറ് ആൻഡ്രൂസ് മാർത്തോമ്മാ പള്ളിയിൽ സംസ്കാര ശുശ്രൂഷ നടക്കുമെന്നും ബന്ധുക്കൾ അറിയിച്ചു.