ബോസ് ആയി കസറി മമ്മൂട്ടി; ഷൈലോക്ക് പ്രേക്ഷക പ്രതികരണം
Mail This Article
മെഗാസ്റ്റാർ ചിത്രം ഷൈലോക്കിന് കേരളത്തിലെങ്ങും മികച്ച പ്രതികരണം. റിലീസ് ചെയ്ത കേന്ദ്രങ്ങളിലെല്ലാം വമ്പൻ വരവേൽപ് ആണ് ലഭിക്കുന്നത്. മമ്മൂട്ടിയുടെ ഓൾ റൗണ്ടർ പ്രകടനമാണ് ചിത്രത്തിന്റെ പ്രധാനആകർഷണമെന്ന് ആദ്യ പകുതി കഴിയുമ്പോൾ ആരാധകർ പറയുന്നു.
രണ്ട് മണിക്കൂര്‍ പത്ത് മിനിറ്റാണ് സിനിമയുടെ ദൈർഘ്യം. രാജാധി രാജ, മാസ്റ്റര്‍ പീസ് എന്നീ ഹിറ്റ് ചിത്രങ്ങള്‍ക്ക് ശേഷം അജയ് വാസുദേവിന്റെ സംവിധായക മികവില്‍ മമ്മൂട്ടി പ്രധാന കഥാപാത്രമായി എത്തുന്ന ചിത്രമാണ് ഷൈലോക്ക്. മലയാളത്തിന് പുറമേ തമിഴിലും ചിത്രം പ്രദര്‍ശനത്തിനെത്തുന്നു.
മാസ് ആക്‌ഷന്‍ എന്റര്‍ടെയിനറായി ഒരുങ്ങുന്ന ചിത്രത്തില്‍ പലിശക്കാരന്റെ വേഷത്തിലാണ് മമ്മൂട്ടി എത്തുന്നത്. തമിഴ് താരം രാജ്കിരണ്‍ ചിത്രത്തിലൊരു പ്രധാനവേഷം ചെയ്യുന്നുണ്ട്. മീനയാണ് നായിക.
നവാഗതരായ അനീഷ് ഹമീദും ബിബിന്‍ മോഹനും ചേര്‍ന്നാണ് ചിത്രത്തിന്റെ കഥ തിരക്കഥ സംഭാഷണം എന്നിവ രചിച്ചിരിക്കുന്നത്. രണദിവ് ആണ് ഛായാഗ്രഹണം. സംഗീതം ഗോപി സുന്ദര്‍. ഗുഡ്‌വിൽ എന്റര്‍ടെയ്ന്‍മെന്റ്‌സിന്റെ ബാനറില്‍ ജോബി ജോര്‍ജ് ആണ് ചിത്രം നിർമിക്കുന്നത്.
ഇത്തവണത്തെ മനോരമ കലണ്ടർ ആപ്പിൽ മെഗാ സ്റ്റാറിന്റെ സ്റ്റൈലിഷ് ലുക്ക് ആരാധകരുടെ ഇടയിൽ തരംഗമായിരുന്നു. ജനുവരിയിൽ, മമ്മൂട്ടിയുടെ പുതുമയുള്ള ചിത്രം മുഖമാക്കിയ കലണ്ടറിൽ വരുന്ന ഓരോ മാസവും സൂപ്പർ സെലിബ്രിറ്റി താരങ്ങളുടെ ചിത്രങ്ങളായിരിക്കും ഇടം പിടിക്കുക. പരസ്യങ്ങളില്ലാത്ത ആപ്പ് ഡൗൺലോഡ് ചെയ്യാൻ ക്ലിക്ക് ചെയ്യുക: ആൻഡ്രോയിഡ്, ഐഒഎസ്