ദംഗൽ താരം സുഹാനി അന്തരിച്ചു

ന്യൂഡൽഹി ∙ ‘ദംഗൽ’ എന്ന ആമിർ ഖാൻ ചിത്രത്തിൽ ഗുസ്തിതാരം ബബിത ഫോഗട്ടിന്റെ ബാല്യകാലം അവതരിപ്പിച്ച സുഹാനി ഭട്നഗർ (19) അന്തരിച്ചു. വർഷങ്ങൾക്കു മുൻപുണ്ടായ അപകടത്തിൽ കാലിനു പരുക്കേറ്റ സുഹാനി ചികിത്സയുടെ പാർശ്വഫലം മൂലം ഏതാനും നാളായി രോഗബാധിതയായിരുന്നു. എയിംസ് ആശുപത്രിയിൽ ചികിത്സയിൽ കഴിയുമ്പോഴാണു മരണം. കഴിഞ്ഞ 7ന് ആണ് ആശുപത്രിയിൽ പ്രവേശിപ്പിച്ചത്. 

ഹരിയാനയിലെ ഫരീദാബാദ് സ്വദേശിയായ സുഹാനി 2016ൽ ഇറങ്ങിയ ദംഗലിൽ ആമിർ ഖാൻ അവതരിപ്പിക്കുന്ന മഹാവീ‍ർ ഫോഗട്ടിന്റെ മകളായാണ് അഭിനയിച്ചത്. ടിവി സീരിയലുകളിലും ഏതാനും പരസ്യചിത്രങ്ങളിലും അഭിനയിച്ചിട്ടുണ്ട്.