7 ഇന്ത്യൻ സ്റ്റാർട്ടപ്പുകൾക്ക് വാതിൽ തുറന്ന് യുഎസ്

ബെംഗളൂരു ∙ ബഹിരാകാശ, പ്രതിരോധ മേഖലയിൽ ഇന്ത്യ–യുഎസ് സഹകരണ പദ്ധതികളിലേക്ക് 7 ഇന്ത്യൻ സ്റ്റാർട്ടപ് കമ്പനികളെ തിരഞ്ഞെടുത്തു. സ്പേസ് ഇമേജിങ് കമ്പനി കലൈഡിയോ, റോക്കറ്റ് നിർമാണ രംഗത്തെ എത്രീയൽ എക്സ്, ആദ്യ സ്പേസ് തുടങ്ങിയവയ്ക്കാണ് പ്രതിവർഷം 150 കോടി ഡോളർ (12900 കോടിയോളം രൂപ) മൂല്യം വരുന്ന യുഎസ് വിപണിയിലേക്കു വഴി തുറന്നത്. യുഎസ് ഡിഫൻസ് ഇന്നവേഷൻ യൂണിറ്റ്, ഡിപ്പാർട്മെന്റ് ഓഫ് ഡിഫൻസ് തുടങ്ങിയ ഏജൻസികളുമായി ഈ സ്റ്റാർട്ടപ്പുകൾ ചേർന്നു പ്രവർത്തിക്കും. യുഎസ് പ്രതിരോധ നിർമാണ രംഗത്തെ അതികായന്മാരായ ലൊക്കീഡ് മാർട്ടിൻ, നോർത്രോപ് ഗ്രുമ്മൻ, ആർടിഎക്സ് എന്നിവയുമായി സഹകരിക്കാനും അവസരം ലഭിക്കും.