സാം ആൾട്മാൻ ഇന്ന് ഇന്ത്യയിൽ

ന്യൂഡൽഹി ∙ ആർട്ടിഫിഷ്യൽ ഇന്റലിജൻസ് മോഡലായ ‘ചാറ്റ് ജിപിടി’യുടെ സ്രഷ്ടാവ് സാം ആൾട്മാൻ ഇന്നു ഡൽഹിയിലെത്തുമെന്നു റിപ്പോർട്ടുകൾ. പ്രധാനമന്ത്രി നരേന്ദ്ര മോദിയെ സന്ദർശിക്കുമെന്നും സൂചനയുണ്ട്. 2023 ജൂണിലാണ് ഇതിനു മുൻപ് ആൾട്മാൻ ഇന്ത്യയിലെത്തിയത്. അന്നും പ്രധാനമന്ത്രിയെ സന്ദർശിച്ചിരുന്നു. ‘ഇന്ത്യ എഐ’ പദ്ധതിയുടെ ഭാഗമായി സ്വന്തം എഐ മോഡൽ ആരംഭിക്കുമെന്ന കേന്ദ്രസർക്കാരിന്റെ പ്രഖ്യാപനത്തിനു പിന്നാലെയാണു സന്ദർശനം.