കൊക്കയാർ ഉറുമ്പിക്കരയിൽ ചെറിയ ഉരുൾപൊട്ടൽ; ആളപായമില്ല

കൂട്ടിക്കൽ ∙ ഇടുക്കി ജില്ലയിലെ കൊക്കയാർ പഞ്ചായത്തിലെ ഉറുമ്പിക്കര ഒന്നാം പാലത്തിനുസമീപം ചെറിയ ഉരുൾപൊട്ടൽ ഉണ്ടായി. ആളപായമില്ല. പ്രദേശത്തു ആൾതാമസം ഉള്ളതല്ല. ഞായറാഴ്ച രാത്രി എട്ടരയോടെയാണു സംഭവം.

കൊക്കയാർ, കൂട്ടിക്കൽ ഭാഗത്ത് ആറ്റിൽ ജലനിരപ്പ് ഉയർന്നതോടെയാണ് നാട്ടുകാർ ഇത് ശ്രദ്ധിക്കുന്നത്. കൂട്ടിക്കൽ ചപ്പാത്ത് പാലത്തിൽ വെള്ളം കയറുമോ എന്ന ആശങ്ക നിലനിന്നെങ്കിലും കുറച്ചു സമയത്തിനു ശേഷം ജലനിരപ്പ് താഴ്ന്നു.

English Summary : Landslide in Kokkayar panchayat