Activate your premium subscription today
തിരുവനന്തപുരം∙ നെയ്യാറ്റിന്‍കരയില്‍ കെഎസ്ആര്‍ടിസി ബസ് തട്ടി സ്‌കൂട്ടറില്‍ നിന്ന് തെറിച്ചു വീണതിനെത്തുടര്‍ന്ന് വലതു കൈ മുറിച്ചു മാറ്റിയ അശ്വതി എന്ന വിധവയായ വീട്ടമ്മ സ്വകാര്യ ആശുപത്രിയിലെ ഐസിയുവില്‍ കൊടുംവേദന സഹിക്കുമ്പോള്‍ തിരിഞ്ഞുപോലും നോക്കാന്‍ തയാറാകാതെ വാര്‍ത്ത നിഷേധിക്കാനുള്ള തിടുക്കമാണ് കെഎസ്ആര്‍ടിസി അധികൃതര്‍ കാണിക്കുന്നതെന്ന് അശ്വതിയുടെ സഹോദരന്‍ അനൂപ് മനോരമ ഓണ്‍ലൈനിനോട് പറഞ്ഞു. ‘‘വലതു കൈയുടെ തോളിനു താഴെയാണ് ആദ്യം മുറിച്ചത്. മൂന്നുദിവസത്തിനു ശേഷം തുറന്നുനോക്കുമ്പോള്‍ ആ ഭാഗം കറുത്തിരിക്കുന്നു. ഇന്നലെ വീണ്ടും കുറച്ചു കൂടി കയറ്റി മുറിച്ചു.
കൊച്ചി ∙ ശബരിമല തീർഥാടനത്തിനായി അയയ്ക്കുന്ന കെഎസ്ആർടിസി ബസുകളിൽ ഫിറ്റ്നസ് സർട്ടിഫിക്കറ്റില്ലാത്ത ഒരു ബസ് പോലും ഉണ്ടാകരുതെന്ന് ഹൈക്കോടതി. തീർഥാടകരെ നിർത്തിക്കൊണ്ട് പോകരുതെന്നും ഇത് ലംഘിച്ചാൽ കർശന നടപടിയെന്നും ജസ്റ്റിസ് അനിൽ കെ.നരേന്ദ്രൻ, എസ്.മുരളീകൃഷ്ണ എന്നിവരുടെ ദേവസ്വം ബെഞ്ച് വ്യക്തമാക്കി. ശബരിമല തീർഥാടനകാലം നാളെ തുടങ്ങാനിരിക്കെ എല്ലാ ഒരുക്കങ്ങളും പൂർത്തിയായതായി തിരുവിതാംകൂർ ദേവസ്വം ബോർഡ് ഹൈക്കോടതിയെ അറിയിച്ചു.
ശബരിമല ∙ കെഎസ്ആർടിസിയുടെ പമ്പ സ്പെഷൽ സർവീസിനായി ഡിപ്പോകളിൽനിന്നു ബസുകൾ കൂട്ടത്തോടെ പിൻവലിക്കുന്നു. പല ഡിപ്പോകളിലെയും ദീർഘദൂര സർവീസുകൾ മുടങ്ങിയേക്കും. പമ്പ–നിലയ്ക്കൽ ചെയിൻ, ദീർഘദൂര സർവീസ് എന്നിവയ്ക്കായി 447 ബസാണ് വേണ്ടത്. ഇതിൽ 200 എണ്ണം പമ്പ– നിലയ്ക്കൽ ചെയിൻ സർവീസിനും ബാക്കി ദീർഘദൂര ഓട്ടത്തിനുമാണ്.
വെള്ളറട–കമ്പം ബസ് സർവീസ് ഇന്നു മുതൽ പത്തനംതിട്ട ∙ കെഎസ്ആർടിസി പത്തനംതിട്ട വഴി പുതിയതായി അനുവദിച്ച വെള്ളറട– കമ്പം സംസ്ഥാനാന്തര സർവീസ് ഇന്നു തുടങ്ങും. വെള്ളറടയിൽ നിന്നു രാവിലെ 6.25ന് പുറപ്പെടുന്ന ബസ് കാട്ടാക്കട, വെമ്പായം, വെഞ്ഞാറമൂട്, കിളിമാനൂർ, ആയൂർ, അഞ്ചൽ, പുനലൂർ, പത്തനാപുരം, കോന്നി, പത്തനംതിട്ട,
തിരുവനന്തപുരം∙ കെഎസ്ആർടിസി ബസിൽ 25% സീറ്റുകൾ സ്ത്രീകൾക്ക് സംവരണം ചെയ്തിരിക്കുന്നവ. കേരള മോട്ടർ വാഹന നിയമത്തിന്റെ 269(5) ചട്ടമനുസരിച്ചാണിത്. ബസ് സർവീസ് തുടങ്ങുമ്പോൾ സ്ത്രീകളുണ്ടെങ്കിൽ, സംവരണ സീറ്റുകൾ അവർക്ക് മാത്രമേ നൽകാവൂ. സ്ത്രീകളില്ലെങ്കിൽ പുരുഷൻമാർക്ക് ആ സീറ്റിൽ ഇരിക്കാം. രണ്ടിൽ കൂടുതൽ പേർക്ക് ഇരിക്കാവുന്ന സംവരണ സീറ്റിൽ ഒരു സ്ത്രീ മാത്രമാണ് ഇരിക്കുന്നതെങ്കിലും സമീപത്ത് പുരുഷൻ ഇരിക്കാൻ അനുമതി നൽകാൻ കണ്ടക്ടർക്ക് കഴിയില്ല. സീറ്റിലിരിക്കുന്ന സ്ത്രീയുടെ അനുമതിയോടെ മാത്രമേ പുരുഷൻ ഇരിക്കാൻ പാടുള്ളൂ എന്നാണ് വ്യവസ്ഥ.
ചങ്ങനാശേരി ∙ തമിഴ്നാട്ടിൽ തഞ്ചാവൂരിനു സമീപം കെഎസ്ആർടിസി ബസും ലോറിയും കൂട്ടിയിടിച്ച് അപകടം. ചങ്ങനാശേരി ഡിപ്പോയിലെ വേളാങ്കണ്ണി സ്വിഫ്റ്റ് ഡീലക്സ് ബസാണ് അപകടത്തിൽ പെട്ടത്. 7 പേർക്കു പരുക്കേറ്റു. ഇവരെ തഞ്ചാവൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വൈകിട്ട് 4.20നു തഞ്ചാവൂരിന് 29 കിലോമീറ്റർ അകലെ പൂണ്ടി എന്ന സ്ഥലത്തായിരുന്നു അപകടം.
ഏനാത്ത് ∙ കെഎസ്ആർടിസി ബസിൽ യാത്രചെയ്യുന്നതിനിടെ ഉപദ്രവിക്കാൻ ശ്രമിച്ച് ജനൽ വഴി പുറത്തു ചാടി കടന്നു കളയാൻ ശ്രമിച്ചയാളെ യുവതി പിന്നാലെയോടി പിടികൂടി. വൈകിട്ട് ഏഴോടെ അടൂരിൽനിന്ന് കൊട്ടാരക്കരയിലേക്കുള്ള ഓർഡിനറി ബസിൽ, അടൂരിനും പുതുശേരിഭാഗത്തിനും ഇടയിൽവച്ചാണ് സംഭവം. നാട്ടുകാർ നൽകിയ വിവരത്തെ തുടർന്ന് ഏനാത്ത് പൊലീസ് സ്ഥലത്തെത്തി ഇയാളെ കസ്റ്റഡിയിൽ എടുത്തു. യാത്രയ്ക്കിടയിൽ യുവാവ് ശരീരത്തിൽ സ്പർശിച്ച് ഉപദ്രവിക്കാൻ ശ്രമിച്ചതോടെ യാത്രക്കാരിയായ യുവതി ശക്തമായി പ്രതികരിച്ചു.
തിരുവനന്തപുരം∙ സ്വകാര്യ ബസുകള്‍ക്കു 140 കിലോ മീറ്ററില്‍ കൂടിയ ദൂരത്തിനു പെര്‍മിറ്റ് അനുവദിക്കേണ്ടതില്ലെന്ന പുതിയ മോട്ടര്‍ വാഹന സ്‌കീമിലെ വ്യവസ്ഥ റദ്ദാക്കിയ ഹൈക്കോടതി വിധിക്കെതിരെ അപ്പീല്‍ നല്‍കാനുള്ള നടപടികളുമായി കെഎസ്ആര്‍ടിസി മുന്നോട്ട്. സിംഗിള്‍ ബെഞ്ച് ഉത്തരവിനെതിരെ ഹൈക്കോടതി ഡിവിഷന്‍ ബെഞ്ചിനെ സമീപിക്കാന്‍ ഗതാഗത മന്ത്രി കെ.ബി.ഗണേഷ് കുമാര്‍ കെഎസ്ആര്‍ടിസി സിഎംഡിക്ക് നിര്‍ദേശം നല്‍കി. ദീര്‍ഘദൂര റൂട്ടുകളില്‍ പ്രീമിയം സൂപ്പര്‍ക്ലാസ് എസി ബസുകള്‍ ഇറക്കി വരുമാനം വര്‍ധിപ്പിക്കാനുള്ള കെഎസ്ആര്‍ടിസിയുടെ നീക്കങ്ങള്‍ക്കാണ് ഹൈക്കോടതി വിധി തിരിച്ചടിയായത്.
പമ്പ ∙ ശബരിമല തീർഥാടകർക്കായി വെർച്വൽ ക്യൂ ബുക്കിങ്ങിനോടൊപ്പം കെഎസ്ആർടിസി ഓൺലൈൻ ടിക്കറ്റ് സംവിധാനവും ഏർപ്പാടാക്കുമെന്ന് മന്ത്രി കെ.ബി.ഗണേഷ് കുമാർ. ദർശനം ബുക്ക് ചെയ്യുമ്പോൾ ടിക്കറ്റെടുക്കാനുള്ള ലിങ്കും അതിനൊപ്പമുണ്ടാകും. ശബരിമല ഒരുക്കങ്ങളുടെ അവലോകനത്തിനായി ചേർന്ന യോഗത്തിലാണ് തീരുമാനം. 40 പേരിൽ കുറയാത്ത സംഘത്തിന് 10 ദിവസം മുമ്പ് സീറ്റ് ബുക്ക് ചെയ്യാനാകും. സ്‌റ്റേഷനിൽനിന്നും 10 കിലോമീറ്ററിനകത്തു നിന്നുള്ള ദൂരത്താണെങ്കിൽ ബസ് അവിടെ ചെന്ന് ഭക്തരെ കയറ്റും.
കെഎസ്ആര്‍ടിസി യാത്രയ്ക്കിടയില്‍ ബസ് നിര്‍ത്തുന്ന സ്ഥലങ്ങളിലെ വിവിധ ഹോട്ടലുകളില്‍നിന്നു ലഭിക്കുന്ന ഭക്ഷണത്തെക്കുറിച്ചും സര്‍വീസിനെക്കുറിച്ചും യാത്രക്കാരില്‍നിന്നു നിരവധി പരാതികള്‍ ലഭിച്ച സാഹചര്യത്തിലാണ് ഹോട്ടലുകളുടെ അംഗീകരിച്ച പട്ടിക തയാറാക്കിയതെന്ന് കെഎസ്ആര്‍ടിസി അധികൃതര്‍. പട്ടികയില്‍ ഉള്‍പ്പെടുത്താത്തതും മോശം ഗുണനിലവാരമുള്ളതുമായ ഹോട്ടലുകളില്‍ ഒരു കാരണവശാലും ബസുകള്‍ നിര്‍ത്തി ഭക്ഷണം കഴിക്കാനുള്ള സാഹചര്യം ഉണ്ടാകരുതെന്ന് ഉത്തരവില്‍ കര്‍ശനമായി നിര്‍ദേശിച്ചിട്ടുണ്ട്.
Results 1-10 of 905
