ഈ സിനിമയിൽ നായകനില്ല, പകരം രണ്ട് നായികമാർ; നിഗൂഢതകളുമായി ‘ഉള്ളൊഴുക്ക്’ ട്രെയിലര്‍

പാർവതി തിരുവോത്ത്, ഉർവശി എന്നിവർ പ്രധാന വേഷങ്ങളിലെത്തുന്ന ‘ഉള്ളൊഴുക്ക്’ സിനിമയുടെ ടീസർ എത്തി. ഏറെ നിഗൂഢതകൾ നിറഞ്ഞ നിമിഷങ്ങൾ കോർത്തിണക്കിയ ടീസർ സമൂഹ മാധ്യമങ്ങളിൽ ശ്രദ്ധനേടി കഴിഞ്ഞു. കരുത്തുറ്റ വേഷത്തിൽ ഉർവശിയും പാർവതിയും എത്തുന്നു എന്നതാണ് സിനിമയുടെ പ്രത്യേകത. ഏറെ നാളുകൾക്കു ശേഷം മലയാളത്തിൽ നിന്നും സ്ത്രീകഥാപാത്രങ്ങൾ കേന്ദ്ര വേഷത്തിലെത്തുന്ന സിനിമകൂടിയാണിത്. കൂടത്തായി കൊലക്കേസുകളെ അടിസ്ഥാനമാക്കി ‘കറി ആൻഡ് സയനൈഡ്’ എന്ന ഡോക്യുമെന്ററി സംവിധാനം ചെയ്ത ക്രിസ്റ്റോ ടോമിയാണ് സംവിധാനം.

റോണി സ്ക്രൂവാലയും ഹണി തെഹറാനും അഭിഷേക് ചൗബേയും ചേര്‍ന്ന് ആര്‍എസ്‌വിപിയുടെയും മക്ഗഫിന്‍ പിക്ചേഴ്സിന്റെയും ബാനറുകളില്‍ നിർ‍മിക്കുന്ന ഉള്ളൊഴുക്കിന്റെ സഹനിര്‍മാണം റെവറി എന്റര്‍ടെയ്ന്‍മെന്റ്സിന്റെ ബാനറില്‍ സഞ്ജീവ് കുമാര്‍ നായര്‍ നിര്‍വഹിക്കുന്നത്. ജൂൺ 21-ന് ചിത്രം തിയറ്ററുകളിലെത്തും.

അസോ. പ്രൊഡ്യൂസര്‍: പഷന്‍ ലാല്‍, സംഗീതം: സുഷിന്‍ ശ്യാം, ഛായാഗ്രഹണം: ഷെഹനാദ് ജലാൽ, എഡിറ്റർ: കിരൺ ദാസ്, സിങ്ക് സൗണ്ട് ആൻഡ് സൗണ്ട് ഡിസൈൻ: ജയദേവൻ ചക്കാടത്ത് –അനിൽ രാധാകൃഷ്ണൻ, പ്രൊഡക്‌ഷൻ കൺട്രോളർ: ഡിക്സൺ പൊടുതാസ്, കലാസംവിധാനം: മുഹമ്മദ് ബാവ, വസ്ത്രാലങ്കാരം: ധന്യ ബാലകൃഷ്ണൻ, മേക്കപ്പ്: റോണക്സ് സേവ്യർ, സൗണ്ട് റീ-റെക്കോർഡിങ്ങ് മിക്സർ: സിനോയ് ജോസഫ്.