കനിവുകള്‍ക്ക് കാത്തില്ല; തവസി വിട‌ പറഞ്ഞു: കണ്ണീരോടെ തമിഴകം

ചെന്നൈ∙ സഹായങ്ങൾക്ക് കാത്തുനിൽക്കാതെ തമിഴ് സിനിമാതാരം തവസി വിടവാങ്ങി. കാൻസർ ബാധിച്ച് ചികിത്സയിലായിരുന്ന അദ്ദേഹം മധുരയിലെ സ്വകാര്യ ആശുപത്രിയിൽവച്ചാണ് അന്തരിച്ചത്. ചികിത്സയ്ക്ക് പണമില്ലാതെ ദുരിതത്തിലായ തവസി സിനിമാലോകത്തോട് സഹായം ചോദിച്ച് ദിവസങ്ങൾക്ക് മുൻപ് രംഗത്തെത്തിയിരുന്നു.

ഇതിന് പിന്നാലെ രജനീകാന്ത് അടക്കമുള്ള താരങ്ങൾ സഹായം നൽകിയിരുന്നു. തമിഴിൽ നിരവധി കോമഡി റോളുകളിലൂടെ ശ്രദ്ധേയനായ താരമാണ് തവസി.

കാൻസർ രോഗം അദ്ദേഹത്തെ തിരിച്ചറിയാൻ പോലും സാധിക്കാത്ത അവസ്ഥയിലാക്കിയിരുന്നു. ശിവകാർത്തിയേകന്റെ വരുത്തപെടാത്ത വാലിബർ സംഘം, അഴകർ സാമിയിൻ കുതിരെ എന്നിവയിലെ തവസിയുടെ പ്രകടനം ഏറെ ജനപ്രീതി നേടിയിരുന്നു.

English Summary: Tamil actor Thavasi passed away