പ്രഭാത ഭക്ഷണത്തിന് നുറുക്കു ഗോതമ്പ് കൊണ്ട് ഇഡ്ഡലിയും തേങ്ങാ ചമ്മന്തിയും

പ്രഭാത ഭക്ഷണത്തിനൊരുക്കാം നുറുക്കു ഗോതമ്പ് കൊണ്ട് ഇഡ്ഡലിയും കൂടെ റസ്റ്ററന്റ് സ്റ്റൈൽ ചട്ണിയും.

ചേരുവകൾ

• നുറുക്കു ഗോതമ്പ് – 1/2 കപ്പ്‌
• ഉഴുന്ന് – 1/4 കപ്പ്‌
• ഉപ്പ് – ആവശ്യത്തിന്

ഉഴുന്നും ഗോതമ്പും നന്നായി വെള്ളത്തിൽ കുതിർത്തതിനു ശേഷം  ആവശ്യത്തിന് ഉപ്പ്‌ ചേർത്ത് അരച്ചെടുക്കുക.

മാവ് നന്നായി പൊങ്ങിവന്നതിനു ശേഷം ഇഡ്ഡലി തട്ടിൽ എണ്ണ പുരട്ടിയതിനു ശേഷം ഓരോ തട്ടിലും ഒഴിച്ച് ഇഡ്ഡലി ഉണ്ടാക്കുക.

തേങ്ങാ ചട്നി

• തേങ്ങാ – 1/2 കപ്പ്
• ചുവന്നുള്ളി – 1
• വെളുത്തുള്ളി – 1 അല്ലി
• ഇഞ്ചി – 1 ചെറിയ കഷ്ണം
• പൊട്ടുകടല – 1 ടീസ്പൂൺ
• ജീരകം – 1നുള്ള്
• ഉപ്പ് – ആവശ്യത്തിന്

വറുത്തിടാൻ

• കടുക് – 1 ടീസ്പൂൺ
• മുളക്‌ – 1
• കറിവേപ്പില
• വെളിച്ചെണ്ണ

തേങ്ങയും, ബാക്കി എല്ലാ ചേരുവകളും ചേർത്ത്  അരച്ചതിനു ശേഷം കടുക് വറുത്ത് ചേർത്താൽ ചമ്മന്തി തയാർ.

English Summary : Broken wheat idli with Coconut chutney