മീനമാസത്തിലെ വെയിലേറ്റ് വാടാതിരിക്കാൻ മാമ്പഴ രുചിയിലൊരു മധുരം

ഇപ്പോൾ മാമ്പഴക്കാലമാണല്ലോ, ചുട്ടുപൊള്ളുന്ന വേനലിൽ ശരീരത്തിന് കുളിർമയും ഊർജ്ജസ്വലതയും നൽകുന്ന ഒരു മാംഗോ ഡിസേർട്ട് ഒരുക്കാം.

ചേരുവകൾ:

• പാൽ          - 3 കപ്പ്
• പഞ്ചസാര    - 3 ടേബിൾസ്പൂൺ 
• കോൺഫ്ളോർ  - 3 ടേബിൾസ്പൂൺ
• പാൽപ്പൊടി      - 24 ഗ്രാം
• ബട്ടർ           - 1 ടേബിൾസ്പൂൺ
• മാങ്ങാ പൾപ്പ്    - ഒരു മാങ്ങയുടെ(പഴുത്തത്)

തയാറാക്കുന്ന വിധം:

• ഒരു സോസ്പാനിൽ പാൽ ഒഴിച്ച് അതിലേക്ക് കോൺഫ്ളോർ, പഞ്ചസാര, പാൽപ്പൊടി എന്നിവ ചേർത്ത് ഇളക്കി മീഡിയം തീയിൽ കുറുക്കിയെടുക്കുക.
• കട്ടിയായി വന്നാൽ സ്റ്റൗവിൽ നിന്ന് ഇറക്കിവെച്ച് ബട്ടർ ചേർത്ത് ഇളക്കുക, അതിനുശേഷം ഇത് അല്പം ചൂടാറാൻ മാറ്റിവയ്ക്കാം.
• ഇനി ഈ മിശ്രിതത്തിന്റെ മൂന്നിലൊരുഭാഗം വേറൊരു പാത്രത്തിലേക്ക് ഒഴിച്ച് കൊടുക്കാം, അതിലേക്ക് മാങ്ങ പൾപ്പ് ചേർത്ത് ഇളക്കി എടുക്കാം.
• ഇനി സെർവ് ചെയ്യാനുള്ള ഗ്ലാസ്സിലേക്ക് പാലിന്റെ മിശ്രിതം മുക്കാൽ ഭാഗത്തോളം ഒഴിച്ച് ഫ്രിജിൽ വച്ച് 15 മിനിറ്റ് തണുപ്പിച്ച് എടുക്കാം.
• ഇനി ഇതിനു മുകളിലേക്ക് മാങ്ങയുടെ മിശ്രിതം പതുക്കെ ഒഴിച്ചു കൊടുക്കാം. ശേഷം വീണ്ടും ഫ്രിജിൽ വച്ച് 20 മിനിറ്റ് നേരം തണുപ്പിച്ച് എടുക്കാം.

English Summary : This is the perfect seasonal dessert with mango.