അയ്യങ്കാളിയുടെ 160-ാമത് ജന്മദിനം ആഘോഷിച്ചു

കൊച്ചി∙ നവോഥാന നായകൻ അയ്യങ്കാളിയുടെ 160-ാമത് ജന്മദിനം ദലിത് കോൺഗ്രസ് (എസ്) എറണാകുളം ജില്ലാ കമ്മിറ്റിയുടെ നേതൃത്വത്തിൽ കോൺഗ്രസ് (എസ്) വൈപ്പിൻ ബ്ലോക്ക് കമ്മിറ്റിയുമായി സഹകരിച്ചു ആഘോഷിച്ചു. ദലിത് കോൺഗ്രസ് എസ്. ജില്ലാ പ്രസിഡന്റ് എൻ.എസ്. ശ്യാംലാൽ അധ്യക്ഷത വഹിച്ച യോഗം യൂത്ത് കോൺഗ്രസ് എസ്. സംസ്ഥാന വൈസ് പ്രസിഡന്റ് ജെയ്സൻ ജോസഫ് ഉദ്ഘാടനം ചെയ്തു. വി.ആർ. വിഷ്ണു സ്വാഗതം പറഞ്ഞു. ബ്ലോക്ക് പ്രസിഡന്റ് പി.സി. പരമേശ്വരൻ, സെക്രട്ടറി ടി.പി. കലേഷ്, കെ.ഷിബിൻ, ദിലീപ് അയ്യമ്പിള്ളി, ഗോപകുമാർ, നിഷാദ് മാവത്ത് എന്നിവർ ആശംസകൾ അറിയിച്ചുകൊണ്ട് സംസാരിച്ചു. അപ്രേഷ്ജി യോഗത്തിന് നന്ദി പറഞ്ഞു.