കടലോരമണഞ്ഞ് അക്ഷരപുണ്യം; ഹോർത്തൂസ് അക്ഷരപ്രയാണത്തിന് പ്രൗഢ സമാപ്തി, അക്ഷരങ്ങൾ കടപ്പുറത്തു സ്ഥാപിച്ചു

കോഴിക്കോട്∙ ഹോർത്തൂസ് കടലിൽ അലിയാൻ അക്ഷരങ്ങളൊഴുകിയെത്തി. ഇന്നലെ കോഴിക്കോട് നഗരത്തിലെ ചരിത്രമുറങ്ങുന്ന വായനശാലകളിൽ പര്യടനം നടത്തി അക്ഷരപ്രയാണം സമാപിച്ചു. വിവിധ ജില്ലകൾ കടന്ന് ക്യാംപസുകളിലൂടെയും വായനശാലകളിലൂടെയും സഞ്ചരിച്ചാണ് അക്ഷര പ്രയാണം കോഴിക്കോട് നഗരത്തിൽ സമാപിച്ചത്. വിവിധയിടങ്ങളിൽ നിന്നു സ്വീകരിച്ച അക്ഷരങ്ങൾ മലയാള മനോരമയുടെ കലാ സാഹിത്യോൽസവമായ ഹോർത്തൂസ് വേദിയായ കോഴിക്കോട് കടപ്പുറത്തു സ്ഥാപിച്ചു.

കലയും സാഹിത്യവും ആഘോഷമാക്കാൻ മനോരമ ഹോർത്തൂസ് രാജ്യാന്തര സാഹിത്യ, സാംസ്കാരികോത്സവം 2024 നവംബർ 1 മുതൽ 3 വരെ കോഴിക്കോട് ബീച്ചിൽ. സാന്റാമോണിക്ക, ജെയിൻ യൂണിവേഴ്സിറ്റി തുടങ്ങിയവരാണ് പ്രായോജകർ. സന്ദർശിക്കുക: https://manoramahortus.com/