കോഴിക്കോട്∙ ക്വിസ് സംഘാടകരായ ക്യു ഫാക്ടറി ജെഡിടി ഇസ്‌ലാമുമായി ചേർന്ന് മലയാള മനോരമയുടെ സഹകരണത്തോടെ സംഘടിപ്പിക്കുന്ന ക്യൂ പോസിറ്റീവ് ശിൽപശാല ഏപ്രിൽ 28, 29, 30 തീയതികളിൽ കോഴിക്കോട് വെള്ളിമാടുകുന്ന് ജെഡിടി ഇസ്‍ലാം നഴ്സിങ് കോളജിൽ നടക്കും. സ്നേഹജ് ശ്രീനിവാസ് നേതൃത്വം നൽകുന്ന ക്വിസ് കളരിയിൽ പന്ത്രണ്ടിലേറെ പ്രഗൽഭ ക്വിസ് മാസ്റ്റർമാരും സിവിൽ സർവീസ് ഓഫിസർമാരും സെഷനുകൾ നയിക്കും. കളരിയിലെ മൂന്നു ദിവസത്തെ ഓഫ് ലൈൻ പരിശീലനത്തെ തുടർന്ന് ഒരു വർഷം നീളുന്ന ഓൺലൈൻ സെഷനുകൾ മാസത്തിൽ ഒരെണ്ണം വീതം ഉണ്ടാകും. ഒന്നു മുതൽ എട്ടു വരെ ക്ലാസുകളിലെ വിദ്യാർഥികളെ സബ് ജൂനിയർ, ജൂനിയർ, സീനിയർ എന്നിങ്ങനെ മൂന്ന് വിഭാഗങ്ങളായി തിരിച്ചാണ് ഓരോ വിഭാഗത്തിനും ഒരു വർഷത്തേക്ക് മെന്റർമാർ തുടർ പരിശീലനം നൽകുക. ശിൽപശാലയിൽ നടക്കുന്ന ക്വിസ് മത്സരത്തിൽ വിജയികളാവുന്നവർക്ക് ക്യാഷ് പ്രൈസുകളും മറ്റു സമ്മാനങ്ങളുമുണ്ടാകും. റജിസ്ട്രേഷന് : www.qfactory.in, 7907635399, 9495669086, quiztraining@gmail.com
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
