നാട്ടുകുരങ്ങുകളെ വിരട്ടി ഓടിക്കും ഗ്രേ ലംഗൂർ: ഇന്ത്യൻ ഉപഭൂഖണ്ഡത്തിന്റെ ഇലതീനി കുരങ്ങന്മാർ
![grey-langr (Photo: Twitter/@thevegansnuts, @OldWonk)](https://img-mm.manoramaonline.com/content/dam/mm/mo/environment/wild-life/images/2023/9/12/grey-langr.jpg?w=1120&h=583)
Mail This Article
ജി 20 ഉച്ചകോടി നടന്ന സമയം ന്യൂഡൽഹി നഗരത്തിലെ ചില ഭാഗങ്ങളിൽ കുരങ്ങൻമാരെ വിരട്ടിയോടിക്കാനായി മറ്റൊരു കുരങ്ങുവർഗമായ ലംഗൂറുകളുടെ ചിത്രങ്ങൾ സ്ഥാപിച്ചിരുന്നു. റീസസ് മക്കാക്ക് ഇനത്തിൽപെട്ട നാട്ടുകുരങ്ങൻമാരുടെ ശല്യം നേരിടാനാണ് അധികൃതർ ഇത് പരീക്ഷിച്ചത്.
![langur ഡൽഹി നഗരത്തിൽ പലയിടത്തായി സ്ഥാപിച്ചിരിക്കുന്ന ലങ്കൂർ കുങ്ങന്മാരുടെ കട്ടൗട്ടുകൾ (Photo: Twitter/@saliltripathi,@ABC)](https://img-mm.manoramaonline.com/content/dam/mm/mo/config-assets/mo-default.jpg)
ലംഗൂറുകളുടെ കട്ടൗട്ടുകൾ വച്ചതിനു പുറമേ, ഇവയുടെ ശബ്ദം അനുകരിക്കാനായി 40 ഓളം ജീവനക്കാരെയും ന്യൂഡൽഹി നഗരസഭ നിയമിച്ചിരുന്നു. കുരങ്ങുകളെ വിരട്ടാനായി ഇതാദ്യമായല്ല ലംഗൂറുകളെ ഡൽഹിയിൽ ഇറക്കുന്നത്. 2010ൽ കോമൺവെൽത്ത് ഗെയിംസ് നടന്ന സമയത്ത് ജീവനുള്ള ലംഗൂറുകളെ നഗരത്തിൽ എത്തിച്ചിരുന്നു.
![grey-langur-madhyapradesh ഗ്രേ ലംഗൂർ. മധ്യപ്രദേശ് നാഷനൽ പാർക്കിൽ നിന്നുള്ള കാഴ്ച (Photo: Twitter/@OrientalEnigma)](https://img-mm.manoramaonline.com/content/dam/mm/mo/config-assets/mo-default.jpg)
എന്താണ് ഈ ലംഗൂറുകൾ?, എന്തിനാണ് സാധാരണ കുരങ്ങൻമാർ ഇവയെ ഭയക്കുന്നത്?. കുരങ്ങുവർഗത്തിൽ ഉൾപ്പെട്ട, ആകാരത്തിൽ സാധാരണ കുരങ്ങുകളെക്കാൾ വലുപ്പമുള്ള ഏഷ്യൻ കുരങ്ങുകളാണ് ലംഗൂറുകൾ.
![grey-langur-2 മധ്യപ്രദേശ് നാഷനൽ പാർക്കിൽ നിന്നുള്ള കാഴ്ച (Photo: Twitter/@OrientalEnigma)](https://img-mm.manoramaonline.com/content/dam/mm/mo/config-assets/mo-default.jpg)
ഇലതീനിക്കുരങ്ങൻമാർ എന്ന വിഭാഗത്തിൽപ്പെട്ടവയാണ് ഇവ. മെലിഞ്ഞ ശരീരവും നീളമുള്ള വാലുകളും ഇവയ്ക്കുണ്ട്. ചാരനിറത്തിലാണ് പ്രധാനമായും ഇവ കാണപ്പെടുന്നത്.
![grey-langur-3 ഗ്രേ ലംഗൂർ കുഞ്ഞിനൊപ്പം (Photo: Twitter/@ramapics)](https://img-mm.manoramaonline.com/content/dam/mm/mo/config-assets/mo-default.jpg)
ചുവപ്പ്, ബ്രൗൺ, കറുപ്പ് വിഭാഗങ്ങളിലുള്ളവയുമുണ്ട്. 20 മുതൽ 30 വരെയുള്ള സംഘങ്ങളായാണ് ഗ്രേ ലംഗൂറുകൾ കഴിയുന്നത്. ഇന്ത്യയിലും നേപ്പാളിലും ബംഗ്ലദേശിലും പാക്കിസ്ഥാനിലും ഇവയെ കാണാം. ചില സംഘങ്ങളിൽ നൂറിലധികം അംഗങ്ങളുണ്ടാകും.
![grey-langur-hd (Photo: Twitter/@wpamansarda)](https://img-mm.manoramaonline.com/content/dam/mm/mo/config-assets/mo-default.jpg)
ലംഗൂറുകളെ സാധാരണ കുരങ്ങൻമാർക്ക് പേടിയാണെന്നാണ് പൊതുവെയുള്ള വിശ്വാസം. എന്നാൽ ഇക്കാര്യത്തിൽ ശാസ്ത്രജ്ഞർക്കിടയിൽ ഭിന്നതയുണ്ട്. ഏതായാലും ഗ്രാമപ്രദേശങ്ങളിലും മറ്റും കൃഷിയിടങ്ങളും വീടുകളും കുരങ്ങുകളിൽ നിന്ന് സംരക്ഷിക്കാനായി ലംഗൂറുകളെ വളർത്തുന്നവരുണ്ട്. പലരുടെയും അഭിപ്രായത്തിൽ ലംഗൂറുകൾ ഉണ്ടെങ്കിൽ നാട്ടുകുരങ്ങുകൾ അങ്ങോട്ട് അടുക്കുകയില്ലത്രേ.
![langur ഗ്രേ ലംഗൂർ (Photo: Twitter/@contentbirder)](https://img-mm.manoramaonline.com/content/dam/mm/mo/config-assets/mo-default.jpg)
കോളോബിനെ എന്ന ഉപകുടുംബത്തിൽപെട്ടതാണ് ലംഗൂറുകൾ. ആഫ്രിക്കയിലെ കുരങ്ങിനമായ ബ്ലാക് ആൻഡ് വൈറ്റ് കൊളോബസ്, ഇന്തൊനീഷ്യയിലെ പ്രോബോസിസ് കുരങ്ങൻമാർ എന്നിവയുമായി ഇവയ്ക്കു ബന്ധമുണ്ട്.
![grey-langr (Photo: Twitter/@thevegansnuts, @OldWonk)](https://img-mm.manoramaonline.com/content/dam/mm/mo/config-assets/mo-default.jpg)
ശരാശരി 18 കിലോ വരെ ഭാരം ഇവയ്ക്കു വയ്ക്കാം. കടുവകൾ, ധോൾ എന്നയിനം കാട്ടുനായ, പുലികൾ, ചെന്നായ്ക്കൾ, കുറുക്കൻമാർ, കരടികൾ, മലമ്പാമ്പുകൾ തുടങ്ങിയ മൃഗങ്ങൾ ലംഗൂറുകളെ വേട്ടയാടാറുണ്ട്.
Content Highlights: Monkey | Grey Langur | New Delhi | Manorama News