രേഖകളില്ലാതെ മരുന്ന് കൈ​വ​ശം വച്ചതിന് സൗദിയിൽ പി​ടി​യി​ലാ​യ മലയാളി മോ​ചി​ത​നാ​യി

ഹാ​ഇ​ൽ ∙ ആവശ്യമായ രേഖകൾ ഇല്ലാതെ  മ​രു​ന്ന് കൈ​വ​ശം വെ​ച്ച​തി​ന് സൗദിയിൽ പി​ടി​യി​ലാ​യ മലയാളി 60 ദി​വ​സ​ത്തി​ന്​ ശേ​ഷം മോ​ചി​ത​നാ​യി. നാ​ട്ടി​ലെ ഡോ​ക്​​ട​റു​ടെ നി​ർ​ദേ​ശ​പ്ര​കാ​രം ക​ഴി​ച്ചി​രു​ന്ന മ​രു​ന്നാ​ണെ​ന്ന് ലാ​ബ് പ​രി​ശോ​ധ​ന​യി​ൽ തെ​ളി​യു​ക​യും അ​ത്​ പ​ബ്ലി​ക് പ്രോ​സി​ക്യൂ​ട്ട​ർ​ക്ക് ബോ​ധ്യ​പ്പെ​ടു​ക​യും ചെ​യ്‌​ത​തോ​ടെ​യാ​ണ് പാ​ല​ക്കാ​ട് സ്വ​ദേ​ശി പ്ര​ഭാ​ക​ര​ൻ ഇ​സാ​ക്ക്​​ മോ​ചി​ത​നാ​യ​ത്. വേ​ദ​ന സം​ഹാ​രി​യാ​യി ഉ​പ​യോ​ഗി​ക്കു​ന്ന മ​രു​ന്നാ​ണി​തെ​ന്ന് അന്വേഷണസംഘം മു​മ്പാ​കെ പ​റ​ഞ്ഞ​ങ്കി​ലും അ​ത്​ തെ​ളി​യി​ക്കു​ന്ന​തി​നാ​വ​ശ്യ​മാ​യ മ​തി​യാ​യ രേ​ഖ​ക​ൾ കൈവശമില്ലാതി​രു​ന്ന​തി​നാ​ൽ അ​റ​സ്​​റ്റ്​ ചെയ്യ​പ്പെ​ടു​ക​യാ​യി​രു​ന്നു.

ത​ബൂ​ക്കി​ൽ വ​ലി​യ വാ​ഹ​ന​ങ്ങ​ളു​ടെ മെക്കാനി​ക്കാ​യി ജോ​ലി ചെ​യ്യു​ന്ന ഇ​ദ്ദേ​ഹം അ​വ​ധി ക​ഴി​ഞ്ഞ് ജോ​ലി​സ്ഥ​ല​ത്തേ​ക്ക് പോകും​വ​ഴി​യാ​ണ് ല​ഗേ​ജ് പ​രി​ശോ​ധ​ന​യി​ൽ മ​രു​ന്നു​ക​ൾ ക​ണ്ടെ​ത്തി​യ​ത്. നാ​ർ​കോ​ട്ടി​ക് വി​ഭാ​ഗ​ത്തി​ന്റെ സ്പെ​ഷ​ൽ സ്ക്വാ​ഡ് ഇദ്ദേ​ഹം സ​ഞ്ച​രി​ച്ചി​രു​ന്ന ബ​സി​ൽ നടത്തിയ പ​രി​ശോ​ധ​ന​യി​ൽ കൈ​വ​ശം നാട്ടി​ൽ​നി​ന്ന് കൊ​ണ്ടു​വ​ന്ന മ​രു​ന്ന് കണ്ടെത്തു​ക​യാ​യി​രു​ന്നു. ഹാ​ഇ​ൽ കെഎംസിസി വെ​ൽ​ഫെ​യ​ർ വി​ഭാ​ഗം ഭാരവാ​ഹി പി.​എ. സി​ദ്ദീ​ഖ് മ​ട്ട​ന്നൂ​ർ ശ്ര​മി​ക്കു​ക​യും ഇ​ന്ത്യ​ൻ എം​ബ​സി​യു​ടെ അ​നു​മ​തി പ​ത്ര​ത്തോ​ടു​കൂ​ടി അ​ധി​കാ​രി​ക​ളു​മാ​യി ബ​ന്ധ​പ്പെ​ട്ട് മോ​ചി​പ്പി​ക്കു​ക​യാ​യി​രു​ന്നു.