വിശുദ്ധ പുസ്തകത്തിലെ ഗാനം ശ്രദ്ധേയം; കയ്യടി നേടി സുമേഷ് കൂട്ടിക്കൽ

പുതുമുഖങ്ങളെ അണി നിരത്തി ഷാബു ഉസ്മാൻ സംവിധാനം ചെയ്യുന്ന വിശുദ്ധ പുസ്തകത്തിലെ സ്വപ്നങ്ങൾ തൻ എന്ന ഗാനം ശ്രദ്ധേയമാകുന്നു. വിധുപ്രതാപും അന്ന ബേബിയും ചേർന്നാണ് ഗാനം ആലപിച്ചിരിക്കുന്നത്. പൂവച്ചൽ ഖാദറിന്റെ വരികൾക്ക് സംഗീതം ഒരുക്കിയിരിക്കുന്നത് സുമേഷ് കൂട്ടിക്കൽ ആണ്.

ബാദുഷാ, മനോജ് കെ ജയൻ, ജനാർദ്ധനൻ, മാമുക്കോയ, ഭീമൻ രഘു, കലാഭവൻ നവാസ്, ഉല്ലാസ് പന്തളം, കനകലത എന്നിവരും ചിത്രത്തിൽ വേഷമിടുന്നു. വിശുദ്ധ പുസ്തകത്തിലെ പാട്ടുകൾ സംബന്ധിച്ച് സംഗീത സംവിധായകൻ സുമേഷ് കൂട്ടിക്കലിന്റെ വാക്കുകൾ ഇങ്ങനെ: ‘എന്റെ മൂന്നാമത്തെ ചിത്രമാണ്.പൂവച്ചൽ ഖാദർ, എസ്. രമേശൻ നായർ എന്നിവർ വർഷങ്ങൾക്കു ശേഷം ഗാനരചന നിർവഹിക്കുന്ന ചിത്രം. അവരുടെ വരികൾക്ക് സംഗീതമൊരുക്കാൻ കഴിഞ്ഞതിൽ വലിയ സന്തോഷമുണ്ട്.’ ഇടുക്കി മുണ്ടക്കയം സ്വദേശിയായ സുമേഷ് മികച്ച കീറ്റാർ പെർഫോർമർ കൂടിയാണ്. 

മൂന്നുഗാനങ്ങളുണ്ട് ചിത്രത്തിൽ. ശ്രേയ ജയദീപും അഭിജിത്ത് കൊല്ലവും ചിത്രത്തില്‍ ഗാനങ്ങൾ ആലപിച്ചിട്ടുണ്ട്. ചിത്രത്തിലേതായി പുറത്തിറങ്ങിയ ഗാനങ്ങളെല്ലാം തന്നെ ഇതിനോടകം ശ്രദ്ധ നേടിക്കഴിഞ്ഞു. ഈ മാസം 31ന് ചിത്രം തീയറ്ററിലെത്തും.