വാഹനാപകടം: കെഎസ്ഇബി സീനിയർ സൂപ്രണ്ട് മരിച്ചു

കളമശേരി ∙ എച്ച്എംടി ജംക്‌ഷനിൽ ലോറി സ്കൂട്ടറിൽ തട്ടിയുണ്ടായ അപകടത്തിൽ കെഎസ്ഇബി എറണാകുളം ഡിവിഷൻ ഓഫിസിലെ സീനിയർ സൂപ്രണ്ട് എടത്തല കുഴിവേലിപ്പടി കരിയാമ്പുറം തേക്കിലക്കാട്ടിൽ വി.എം. മീന (52) മരിച്ചു. വൈകിട്ട് 5.30നാണ് അപകടം. മീന സഞ്ചരിച്ചിരുന്ന സ്കൂട്ടറിൽ ഗ്യാസ് സിലിണ്ടറുകൾ കയറ്റിപ്പോവുകയായിരുന്ന ലോറി തട്ടിയതിനെത്തുടർന്നു നിയന്ത്രണംവിട്ട് സ്കൂട്ടർ മറിയുകയും മീന ലോറിക്കടിയിൽ വീഴുകയുമായിരുന്നു.   മൃതദേഹം പോസ്റ്റ്മോർട്ടത്തിന് എറണാകുളം ഗവ. മെഡിക്കൽ കോളജ് ആശുപത്രി മോർച്ചറിയിലേക്കു മാറ്റി. വിദ്യാഭ്യാസ വകുപ്പിലെ റിട്ട. സീനിയർ സൂപ്രണ്ട് സുനിൽകുമാറാണു മീനയുടെ ഭർത്താവ്. മക്കൾ: ഹരിശങ്കർ, ജയശങ്കർ.