റോസ് സിറപ്പ്, സ്വാദിഷ്ടമായി വീട്ടിൽ തയാറാക്കാം

പനിനീർ പൂക്കളുടെ നറുമണം നിറഞ്ഞ സിറപ്പ് വീട്ടിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ

• റോസാപ്പൂ - 20 (പനീർ റോസ)
• വെള്ളം - 2 കപ്പ് ( 500 മില്ലിലിറ്റർ)
• പഞ്ചസാര - 1 കപ്പ് (250 ഗ്രാം)
• ബീറ്റ്‌റൂട്ട് ജ്യൂസ് - 1 ടേബിൾ സ്പൂൺ
• റോസ് എസ്സൻസ് - 1/2 ടീ സ്പൂൺ

തയാറാക്കുന്ന വിധം

• റോസ് ദളങ്ങൾ 10 മിനിറ്റ് ഉപ്പ് വെള്ളത്തിൽ ഇട്ടു വയ്ക്കുക. 
• ശേഷം 3 പ്രാവശ്യം കഴുകി എടുക്കുക. 
• ഒരു പാനിൽ വെള്ളം ഒഴിച്ച്, പൂവിതളുകൾ ചേർത്തു 15 മിനിറ്റ് ചെറുതീയിൽ തിളപ്പിക്കുക. 
• ദളങ്ങൾ വെള്ള കളർ ആകുമ്പോൾ ഗ്യാസ് ഓഫ് ചെയ്യുക. 
• അരിപ്പയിൽ അരിച്ചെടുക്കുക.
• അതിലേക്കു പഞ്ചസാരയും ബീറ്റ്‌റൂട്ട് ജ്യൂസും ചേർത്ത് ഇടത്തരം തീയിൽ 5 മിനിറ്റ് തിളപ്പിക്കുക. 
• തീ ഓഫ് ചെയ്യുക. റോസ് എസ്സൻസ് ചേർക്കുക. 
• തണുത്ത ശേഷം ഗ്ലാസ് ബോട്ടിലിൽ നിറച്ച് ഫ്രിജിൽ സൂക്ഷിക്കുക. 
• ആവശ്യാനുസരണം എടുത്ത് ഉപയോഗിക്കാം.

English Summary : Rose Syrup is made with natural rose extract and natural rose water.