മാഹി ബൈപാസിൽ വീണ്ടും അപകടം; കാർ ഓട്ടോറിക്ഷയിൽ ഇടിച്ച് ഓട്ടോ ഡ്രൈവർ മരിച്ചു

കണ്ണൂർ∙ മാഹി ബൈപാസിൽ സിഗ്നൽ പോസ്റ്റിൽ വീണ്ടും അപകടം. കാർ ഓട്ടോറിക്ഷയിൽ ഇടിച്ച് ഓട്ടോ ഡ്രൈവർ മരിച്ചു. പള്ളൂർ ശ്രീ നാരായണ മഠത്തിന് സമീപം പാലോട്ടുമ്മൽ മുത്തുവാണ് മരിച്ചത്. തലശ്ശേരി ഭാഗത്ത് നിന്നും വന്ന കാറാണ് ഓട്ടോറിക്ഷയിൽ ഇടിച്ചത്. മാഹി റെയിൽവേ സ്റ്റേഷനിൽ യാത്രക്കാരെ ഇറക്കി ബൈപാസിൽ അഴിയൂർ ഭാഗത്തുനിന്നും വന്ന ഓട്ടോറിക്ഷ സിഗ്നൽ എത്തിയപ്പോൾ ബൈപാസിന് കുറുകെ ചൊക്ലി റോഡിൽ പ്രവേശിക്കാൻ ശ്രമിച്ചപ്പോഴാണ് അപകടമുണ്ടായത്.