എൻഎംഎംഎസ്എസ്: 31 വരെ അപേക്ഷിക്കാം
![scholarship Representative image.Photocredit : VSanandhakrishna/iStock](https://img-mm.manoramaonline.com/content/dam/mm/mo/education/education-news/images/2023/12/2/scholarship.jpg?w=1120&h=583)
Mail This Article
×
ന്യൂഡൽഹി ∙ 2023–24 അധ്യയന വർഷത്തിലെ കേന്ദ്രസർക്കാരിന്റെ നാഷനൽ മീൻസ് കം മെറിറ്റ് സ്കോളർഷിപ്പിന് (എൻഎംഎംഎസ്എസ്) അപേക്ഷിക്കാനുള്ള സമയപരിധി 31 വരെ നീട്ടി. നവംബർ 30നു സമയം അവസാനിക്കുമെന്നാണ് നേരത്തെ അറിയിച്ചിരുന്നത്.
9 മുതൽ 12 വരെ ക്ലാസിൽ പഠിക്കുന്ന വിദ്യാർഥികൾക്കു നാഷനൽ സ്കോളർഷിപ് പോർട്ടൽ വഴി അപേക്ഷിക്കാം. 9–ാം ക്ലാസ് വിദ്യാർഥികൾക്ക് ഒരു ലക്ഷം പുതിയ സ്കോളർഷിപ്പുകളാണു നൽകുക. 10 മുതൽ 12 വരെ ക്ലാസുകളിലെ വിദ്യാർഥികൾക്ക് ഇതു പുതുക്കാനും അവസരമുണ്ട്. മാതാപിതാക്കളുടെ വാർഷിക വരുമാനം 3.5 ലക്ഷം രൂപയിൽ കവിയാൻ പാടില്ല.
ആദ്യഘട്ട പരിശോധന ജനുവരി 15നുള്ളിലും രണ്ടാംഘട്ടം ജനുവരി 30നുള്ളിലും പൂർത്തിയാക്കും. ഇതിനു ശേഷമാകും അന്തിമ പട്ടിക പ്രസിദ്ധീകരിക്കുക. വിവരങ്ങൾക്ക് https://scholarships.gov.in/
Content Summary:
NMMSS scholarship deadline extended
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.