മാംസകഷണം വായിൽവച്ച് യുവാവ് മുതലയ്ക്കരികിൽ; ത്രസിപ്പിക്കുന്ന കാഴ്ച

ജീവനുള്ള മുതലയ്ക്കരികിൽ പോയി നിൽക്കാൻ തന്നെ പേടിയുള്ളവരാണ് ഭൂരിഭാഗം ആളുകളും. എന്നാലിവിടെ ഒരാൾ മാംസകഷണവുമായി തൊട്ടരികിൽ നിന്ന് മുതലയ്ക്കൊപ്പം കളിക്കുകയാണ്. ഭയാനകവും ത്രസിപ്പിക്കുന്നതുമായ വിഡിയോ എക്സ് പ്ലാറ്റ്​ഫോമിൽ വൈറലാണ്.

മാംസകഷണം കടിച്ചുപിടിച്ച് വെള്ളത്തിൽ കിടക്കുന്ന മുതലയുടെ അടുത്തേക്ക് യുവാവ് പോവുകയും അതിന് കൊടുക്കാനെന്ന പോലെ മുന്നോട്ട് നീങ്ങുകയും ചെയ്തു. മുതലയാകട്ടെ വാ പിളർന്ന് യുവാവിന്റെ വായിലെ മാംസം കടിച്ചെടുക്കാൻ നോക്കി. എന്നാൽ യുവാവ് പിന്നോട്ട് മാറുകയായിരുന്നു. വീണ്ടും ഇതുതന്നെ ആവർത്തിച്ചു. പിന്നീട് തമാശകളെല്ലാം വിട്ട് യുവാവ് മാംസം മുതലയ്ക്ക് നൽകി.

Read Also: അരിക്കൊമ്പൻ മദപ്പാടിൽ; വാഴക്കൃഷി നശിപ്പിച്ചു, വീടുകൾക്ക് കേടുപാട്: 2 തവണ വെടിയുതിർത്തു

ഇത്തരം കളികളൊന്നും ഒരിക്കലും അംഗീകരിക്കാൻ ആകില്ലെന്നും ഇവന് ഭ്രാന്താണോയെന്നും ആളുകൾ ചോദിക്കുന്നു. തനിക്ക് മാംസം കഷണം കിട്ടാത്തതിനെ തുടർന്ന് യുവാവിനെ തന്നെ തിന്നാൻ മുതല തയാറാവാത്തത് നന്നായെന്നും ചിലർ വ്യക്തമാക്കി.

Content Highlights: Crocodile | Meat | Animal