Activate your premium subscription today
സൗദി കിരീടാവകാശി മുഹമ്മദ് ബിൻ സൽമാൻ രാജകുമാരനും റഷ്യൻ പ്രസിഡന്റ് വ്ലാഡിമിർ പുട്ടിനും റഷ്യ-യുക്രെയ്ൻ സംഘർഷത്തിലെ സംഭവവികാസങ്ങൾ ഫോണിലൂടെ ചർച്ച ചെയ്തതായി സൗദി പ്രസ് ഏജൻസി റിപ്പോർട്ട് ചെയ്തു.
നിയുക്ത പ്രസിഡന്റ് ഡോണള്‍ഡ് ട്രംപിന്റെ തിരഞ്ഞെടുപ്പ് വാഗ്ദാനങ്ങളില്‍ പ്രധാമായിരുന്നു റഷ്യയും യുക്രെയ്നും തമ്മിലുള്ള യുദ്ധം അവസാനിപ്പിക്കും എന്നുള്ളത്. വെറും ഒറ്റ ദിവസം കൊണ്ട് താന്‍ യുദ്ധം അവസാനിപ്പിക്കും എന്നാണ് ട്രംപ് നല്‍കിയ വാഗ്ദാനം. തിരഞ്ഞെടുപ്പില്‍ വിജയിച്ചതോടെ ഇതിനുള്ള സാധ്യതകള്‍ തയാറാക്കും എന്നാണ് സൂചനകള്‍.
ഷ്യ-യുക്രെയ്ൻ യുദ്ധത്തിനിടയിൽ, നിയുക്ത യുഎസ് പ്രസിഡന്റ് ഡോണൾഡ് ട്രംപും റഷ്യൻ പ്രസിഡന്റ് വ്ളാഡിമിർ പുട്ടിനും തമ്മിൽ നടന്ന ചർച്ചയില്‍ വെടിനിർത്തലിനെക്കുറിച്ച് സംസാരിച്ചതായി റിപ്പോർട്ട്. അതേസമയം ക്രെംലിൻ വക്താവ് ഈ വാർത്ത നിഷേധിച്ചു.
മോസ്കോ ∙ തിരഞ്ഞെടുപ്പു വിജയത്തിനു ശേഷം ഡോണൾഡ് ട്രംപ് വ്ലാഡിമിർ പുട്ടിനുമായി യുക്രെയ്ൻ യുദ്ധത്തെപ്പറ്റി ഫോണിൽ സംസാരിച്ചെന്ന യുഎസ് മാധ്യമ റിപ്പോർട്ടുകൾ ഒന്നാന്തരം ഭാവനയെന്ന് റഷ്യ വ്യക്തമാക്കി.
വാഷിങ്ടൺ∙ യുക്രെയ്നിലെ യുദ്ധം കൂടുതൽ വഷളാക്കരുതെന്നു റഷ്യൻ പ്രസിഡന്റ് വ്ളാഡിമിർ പുട്ടിനോട് നിയുക്ത യുഎസ് പ്രസിഡന്റ് ഡോണൾഡ് ട്രംപ്. ഫ്ലോറിഡയിൽനിന്നു ഫോണിലൂടെയാണു ട്രംപ് ഇക്കാര്യം പുട്ടിനോട് ആവശ്യപ്പെട്ടതെന്നു രാജ്യാന്തര മാധ്യമങ്ങൾ റിപ്പോർട്ട് ചെയ്തു. വ്യാഴാഴ്ചയായിരുന്നു ഇരുവരുടെയും സംഭാഷണം.
കീവ് ∙ റഷ്യൻ തലസ്ഥാനമായ മോസ്കോയിൽ ഞായറാഴ്ച പുലർച്ചെ യുക്രെയ്നിന്റെ കനത്ത ഡ്രോൺ ആക്രമണം. ഇവയിലേറെയും വെടിവച്ചിട്ടു. യുദ്ധം ആരംഭിച്ചതിനുശേഷം യുക്രെയ്ൻ മോസ്കോയിൽ നടത്തുന്ന ഏറ്റവും വലിയ വ്യോമാക്രമണമാണിത്.
32 മാസം പിന്നിടുന്ന റഷ്യ-യുക്രെയ്ൻ യുദ്ധം മറ്റു ലോക രാഷ്ട്രങ്ങളുടെയും മാധ്യമങ്ങളുടെയും ശ്രദ്ധ ആകര്‍ഷിക്കുന്ന കാര്യത്തില്‍ പശ്ചിമേഷ്യയിലെ സംഘര്‍ഷത്തിനേക്കാള്‍ പിന്നിലാണ്‌. ഇസ്രയേലും ഹമാസും തമ്മില്‍ ഗാസയില്‍ തുടങ്ങിയ യുദ്ധം ലെബനനിലേക്കും ഇറാനിലേക്കും വ്യാപിച്ചതും ദിനംപ്രതി എന്നോണം ഈ പ്രദേശത്തു പുതിയ സംഭവവികാസങ്ങള്‍ ഉടലെടുക്കുന്നതുമാണ്‌ ഒരു വര്‍ഷത്തിലേറെ പിന്നിട്ടിട്ടും ഈ യുദ്ധം ഇന്നും വാര്‍ത്തകളില്‍ നിറഞ്ഞുനില്‍ക്കുവാനുള്ള കാരണം. എന്നാല്‍ ഇറാനും ഇസ്രയേലും അങ്ങോട്ടുമിങ്ങോട്ടും മിസൈല്‍ വര്‍ഷം നടത്തുമ്പോള്‍ റഷ്യ- യുക്രെയ്ൻ പോര്‍മുഖത്ത്‌ ലോക രാഷ്ട്രീയത്തില്‍ ദൂരവ്യാപകമായ അനന്തരഫലങ്ങള്‍ ഉണ്ടായേക്കാവുന്ന ഒരു സംഭവം അരങ്ങേറി. ഇത് വരെ റഷ്യയുടെ സുഹൃത്തുക്കളായ രാജ്യങ്ങള്‍ അവര്‍ക്ക്‌ രഹസ്യമായാണ്‌ സഹായം നല്‍കിയിരുന്നത്‌. എന്നാല്‍ തങ്ങളുടെ പട്ടാളത്തെ യുദ്ധഭൂമിയില്‍ ഇറക്കുക വഴി നിലവിലെ സ്ഥിതി ഉത്തര കൊറിയ മാറ്റിമറിക്കുന്ന കാഴ്ചയാണ്‌ ഇന്ന് ലോകം കാണുന്നത്‌. ഈ വാര്‍ത്ത യുഎസിന്റെയും നാറ്റോയുടെയും ഔദ്യോഗിക വക്താക്കള്‍ സ്ഥിരീകരിച്ചതിനാല്‍ ഇത് അവിശ്വസിക്കേണ്ട കാര്യവുമില്ല. ലോക രാഷ്ട്രങ്ങളുടെ കൂട്ടത്തില്‍ താരതമ്യേന ഒറ്റപ്പെട്ടു കഴിയുന്ന ഒരു രാജ്യമാണ്‌ ഉത്തര കൊറിയ. ഐക്യരാഷ്ട്ര സഭ ഉൾപ്പെടെ പല രാജ്യാന്തര സംഘടനകളിലും അംഗമാണെങ്കിലും ഉത്തര കൊറിയക്ക്‌ വളരെ കുറച്ചു രാജ്യങ്ങളുമായി മാത്രമേ സജീവ നയതന്ത്ര ബന്ധമുള്ളൂ. യുഎസ്, ജപ്പാന്‍ മുതലായ ചില രാജ്യങ്ങളുമായി ഈ രാഷ്ട്രത്തിനു നയതന്ത്ര ബന്ധമില്ല എന്നതും ശ്രദ്ധേയമാണ്‌. ഇന്ത്യയും ഉത്തര കൊറിയയും തമ്മില്‍ 1962 മുതല്‍ നയതന്ത്രബന്ധമുണ്ട്‌. ഇവരുടെ തലസ്ഥാനമായ യോങ്യാങില്‍ ഇന്ത്യയുടെ എംബസി പ്രവര്‍ത്തിക്കുന്നുമുണ്ട്‌.
മോസ്കോ ∙ യുക്രെയ്ൻ യുദ്ധമുഖത്ത് റഷ്യയ്ക്കൊപ്പം എണ്ണായിരത്തിലേറെ ഉത്തര കൊറിയൻ സൈനികരുമുണ്ടെന്ന യുഎസ് ആരോപണത്തിനു പിന്നാലെ, ഉത്തര കൊറിയയുടെ വിദേശകാര്യമന്ത്രി ചോം സൺ ഹുയി മോസ്കോയിലെത്തി.
മോസ്കോ ∙ യുക്രെയ്ൻ യുദ്ധമുഖത്ത് റഷ്യയ്ക്കൊപ്പം എണ്ണായിരത്തിലേറെ ഉത്തര കൊറിയൻ സൈനികരുമുണ്ടെന്ന യുഎസ് ആരോപണത്തിനു പിന്നാലെ, ഉത്തര കൊറിയയുടെ വിദേശകാര്യമന്ത്രി ചോം സൺ ഹുയി മോസ്കോയിലെത്തി. ഇന്നലെ റഷ്യൻ വിദേശകാര്യമന്ത്രി സെർഗെയ് ലാവ്റോവുമായി ഹുയി കൂടിക്കാഴ്ച നടത്തി. കൂടുതൽ ഉത്തര കൊറിയൻ സൈനികരെ യുക്രെയ്നിലേക്ക് അയയ്ക്കുന്നതും പകരം റഷ്യയിൽനിന്ന് എന്തു കിട്ടുമെന്നതും സംബന്ധിച്ചായിരുന്നു ചർച്ചയെന്നാണു ദക്ഷിണ കൊറിയയുടെ ചാരസംഘടനയുടെ നിഗമനം. കഴിഞ്ഞ ദിവസം ഉത്തര കൊറിയ ഭൂഖണ്ഡാന്തര ബാലിസ്റ്റിക് മിസൈൽ പരീക്ഷിച്ചത് റഷ്യൻ മിസൈൽ സാങ്കേതിക വിദ്യയുടെ സഹായത്തോടെയായിരുന്നുവെന്നാണ് പാശ്ചാത്യശക്തികളുടെ ആരോപണം.
വാഷിങ്ടൻ ∙ യുക്രെയ്നിലെ യുദ്ധത്തിനു റഷ്യയ്ക്ക് യുദ്ധസാമഗ്രികളടക്കം നൽകിയതിന് ഇന്ത്യയും ചൈനയുമടക്കം ഡസനിലേറെ രാജ്യങ്ങളിലെ 398 കമ്പനികൾക്കും 120 വ്യക്തികൾക്കും യുഎസ് ഉപരോധം ഏർപ്പെടുത്തി. പട്ടികയിൽ 19 ഇന്ത്യൻ കമ്പനികളും 2 ഇന്ത്യക്കാരുമുണ്ട്. പാശ്ചാത്യ ഉപരോധത്തിനു കീഴിലായ റഷ്യയെ ഉപരോധം മറികടക്കാൻ മറ്റുരാജ്യങ്ങൾ സഹായിക്കുന്നതു തടയുന്നതിന്റെ ഭാഗമാണു നടപടി. ഇതിൽ 274 കമ്പനികളും റഷ്യയ്ക്കു നവീന പ്രതിരോധ സാങ്കേതികവിദ്യയും വെടിക്കോപ്പുകളും വിൽപന നടത്തി. ഇതിനൊപ്പം ഒട്ടേറെ മുതിർന്ന റഷ്യൻ പ്രതിരോധ ഉദ്യോഗസ്ഥർക്കു യാത്രാവിലക്കും യുഎസ് ഏർപ്പെടുത്തി. മലേഷ്യ,യുഎഇ, തുർക്കി എന്നീ രാജ്യങ്ങളിലെ കമ്പനികളും വിലക്കുപട്ടികയിലുണ്ട്.
വാഷിങ്ടൻ ∙ യുക്രെയ്നിനെതിരെ പോരാടാൻ റഷ്യൻ സൈനിക യൂണിഫോമിൽ ഉത്തര കൊറിയൻ സൈനികർ റഷ്യയുടെ പടിഞ്ഞാറൻ പ്രവിശ്യയായ കർസ്കിലേക്ക് നീങ്ങുന്നതായി യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിൻ. അപകടകരവും മേഖലയിൽ അസ്ഥിരത സൃഷ്ടിക്കുന്നതുമായ നീക്കമാണിതെന്നും അദ്ദഹം പറഞ്ഞു. ദക്ഷിണ കൊറിയൻ പ്രതിരോധ മന്ത്രി കിം യോങ് ഹ്യുനൊപ്പം പെന്റഗണിൽ മാധ്യമപ്രവർത്തകരെ കാണുകയായിരുന്നു ലോയ്ഡ് ഓസ്റ്റിൻ.
മോസ്കോ∙ യുക്രെയ്നുമായുള്ള യുദ്ധം രൂക്ഷമായിരിക്കെ ആണവ മിസൈലുകൾ പരീക്ഷിച്ച് റഷ്യ. ഇന്റർ കോണ്ടിനെന്റൽ ബാലിസ്റ്റിക് മിസൈലുകളാണ് റഷ്യ പരീക്ഷിച്ചത്. പ്രസിഡന്റ് വ്ലാഡിമിർ പുട്ടിന്റെ നേരിട്ടുള്ള നിരീക്ഷണത്തിലായിരുന്നു പരീക്ഷണം. നിരവധി തവണ പരീക്ഷണം ഉണ്ടായതായാണ് രാജ്യാന്തര മാധ്യമങ്ങൾ റിപ്പോർട്ട് ചെയ്യുന്നത്.
പ്രശസ്ത ഹോളിവുഡ് താരം ലിയനാർഡോ ഡികാപ്രിയോയുടെ അപരനായ റഷ്യക്കാരൻ റോമൻ ബർട്സേവ് പട്ടാളത്തിൽ ചേർന്നു.
കസാൻ∙ റഷ്യ–യുക്രെയ്ൻ പ്രശ്നത്തിന് സമാധാനപരമായ പരിഹാരമുണ്ടാകണമെന്ന് പ്രധാനമന്ത്രി നരേന്ദ്ര മോദി. ബ്രിക്സ് ഉച്ചകോടി നടക്കുന്ന റഷ്യയിലെ കസാനിൽ റഷ്യൻ പ്രസിഡന്റ് വ്ലാഡിമിർ പുട്ടിനുമായി നടത്തിയ കൂടിക്കാഴ്ചയിലാണ് മോദി ഇക്കാര്യം ആവശ്യപ്പെട്ടത്.
കീവ് ∙ രണ്ടര വർഷം പിന്നിടുന്ന യുദ്ധത്തിൽ പോരാടാൻ റഷ്യയ്ക്ക് ഉത്തര കൊറിയയിൽനിന്ന് ആയുധം മാത്രമല്ല, ആൾസഹായവുമുണ്ടെന്ന ആരോപണങ്ങൾക്കു തെളിവുമായി യുക്രെയ്ൻ. സഖ്യരാജ്യമായ റഷ്യയ്ക്കൊപ്പംനിന്നു പൊരുതാൻ ഉത്തര കൊറിയയിൽനിന്നെത്തിയവർ സൈനിക യൂണിഫോമും ബാഗുകളും കൈപ്പറ്റാനായി വരിനിൽക്കുന്നതിന്റെ വിഡിയോയാണു യുക്രെയ്ൻ സാംസ്കാരിക,വാർത്താവിതരണ മന്ത്രാലയത്തിനു കീഴിലുള്ള സ്ട്രാറ്റജിക് കമ്യൂണിക്കേഷൻസ് കേന്ദ്രം പുറത്തുവിട്ടത്. റഷ്യൻ സൈനികരിലൊരാൾ പകർത്തിയ ദൃശ്യങ്ങളാണെന്നാണ് യുക്രെയ്ൻ പറയുന്നത്. സ്ഥലം ഏതെന്നു വ്യക്തമല്ല.
മോസ്കോ∙ യുക്രെയ്ൻ സംഘർഷം സമാധാനപരമായി പരിഹരിക്കാൻ റഷ്യയ്ക്ക് താൽപര്യമുണ്ടെന്ന് പ്രസിഡന്റ് വ്ലാഡിമിർ പുട്ടിൻ. ചർച്ചകൾ അവസാനിപ്പിച്ചത് തങ്ങളല്ല, യുക്രെയ്ൻ പക്ഷമാണെന്നും അദ്ദേഹം പറഞ്ഞു. ചർച്ചകളിൽ ഇന്ത്യൻ പ്രധാനമന്ത്രി നരേന്ദ്ര മോദി നിരന്തരം വിഷയം ഉന്നയിക്കാറുണ്ടെന്നും അദ്ദേഹത്തിന്റെ ആശങ്കകളെ റഷ്യ അഭിനന്ദിക്കുന്നുവെന്നും പുട്ടിൻ പറഞ്ഞു. ‘‘പ്രധാനമന്ത്രി മോദിയുമായി സംസാരിക്കുമ്പോൾ, ഓരോ തവണയും അദ്ദേഹം ഇക്കാര്യം ഉന്നയിക്കുകയും തന്റെ പരിഗണനകൾ പ്രകടിപ്പിക്കുകയും ചെയ്യുന്നു. അതിന് ഞങ്ങൾ അദ്ദേഹത്തോട് നന്ദിയുള്ളവരാണ്’’ – പുട്ടിൻ പറഞ്ഞു.
ബർലിൻ∙ യൂറോപ്യൻ നേതാക്കളുമായുള്ള ചർച്ചകളുടെ ഭാഗമായി യുക്രെയ്ൻ പ്രസിഡന്റ് വൊളോഡിമിർ സെലെൻസ്കി വെള്ളിയാഴ്ച ജർമൻ ചാൻസലർ ഒലാഫ് ഷോൾസിനെ കണ്ടു. ബര്‍ലിനിലെ ചാന്‍സലറിയില്‍ സംയുക്ത പത്രസമ്മേളനം നടത്തി. ഈ കൂടിക്കാഴ്ചയിൽ യുക്രെയ്ൻ അഭിമുഖീകരിക്കുന്ന കടുത്ത ശൈത്യകാലത്തെ മുന്നിൽക്കണ്ട്, ജർമനിയിൽ നിന്ന് കൂടുതൽ
2014ൽ തുടക്കമിട്ട് 2022 ഫെബ്രുവരിയിൽ റഷ്യയുടെ പൂർണ തോതിലുള്ള അധിനിവേശത്തോടെ രൂക്ഷമായ യുക്രെയ്ൻ– റഷ്യ സംഘർഷം പൂര്‍ണതോതിൽ തുടരുകയാണ്. ഇപ്പോഴിതാ ഡ്രോണുകൾ അടങ്ങിയ റഷ്യയിലെ ഒരു സങ്കേതം തകർത്തിരിക്കുകയാണ് യുക്രെയ്ൻ സൈന്യം. റഷ്യയുടെ തെക്കൻ ക്രാസ്‌നോദർ മേഖലയിലെ ഒക്‌ത്യാബ്രസ്‌കി ഗ്രാമത്തിനടുത്തുള്ള
ഏതു യുദ്ധവാർഷികവും ദുഃഖവാർഷികം കൂടിയാണ്. യുദ്ധത്തെ ദുഃഖം എന്നു മാറ്റിവിളിച്ചത് വിഖ്യാത എഴുത്തുകാരൻ ഒ.വി.വിജയനാണ്. വീണ്ടുമൊരു വലിയ ദുഃഖം ഒരു വർഷം പിന്നിട്ട് കനത്ത നാശനഷ്ടങ്ങളായി പെയ്യുകയാണിപ്പോൾ.
ന്യൂഡൽഹി ∙ ലോകത്തു രണ്ടു പ്രധാന സംഘർഷങ്ങൾ നടക്കുമ്പോൾ യുഎൻ (ഐക്യരാഷ്ട്രസംഘടന) വെറും കാഴ്ചക്കാരായി മാറിനിൽക്കുകയാണെന്നു വിദേശകാര്യമന്ത്രി എസ്.ജയശങ്കർ വിമർശിച്ചു. യുക്രെയ്ൻ–റഷ്യ സംഘർഷവും, പശ്ചിമേഷ്യൻ സംഘർഷവുമാണു ജയശങ്കർ പരാമർശിച്ചത്.
കീവ് ∙ കിഴക്കൻ യുക്രെയ്നിലെ കൽക്കരി ഖനി പട്ടണമായ വുലേദർ റഷ്യ നിയന്ത്രണത്തിലാക്കി. യുക്രെയ്നും റഷ്യയും സ്ഥിരീകരിച്ചിട്ടില്ലെങ്കിലും വുലേദറിലെ കെട്ടിടങ്ങളുടെ മുകളിൽ റഷ്യൻ പതാക പാറുന്നതിന്റെ ചിത്രങ്ങൾ മാധ്യമങ്ങൾ പുറത്തുവിട്ടു. ഡോൺബാസ് മേഖലയിലെ വ്യവസായ സമൃദ്ധമായ ഡോണെറ്റ്സ്ക്, ലുഹാൻസ്ക് പ്രവിശ്യകളുടെ 80 ശതമാനവും ഇതോടെ റഷ്യയുടെ നിയന്ത്രണത്തിലായി.
റഷ്യ– യുക്രെയ്ൻ യുദ്ധം തുടങ്ങി രണ്ടു വർഷം കഴിഞ്ഞിരിക്കുന്നു. ഇരു രാജ്യങ്ങളും യുദ്ധം നിർത്താൻ തയാറല്ല. യുദ്ധത്തിന്റെ ഗുണഭോക്താക്കളായിരിക്കുന്ന രാജ്യങ്ങൾക്കാകട്ടെ ഇടപെട്ട് യുദ്ധം നിർത്തിക്കാനും ഒരു താൽപര്യവും ഇല്ല. ഇത്രയേറെ മനുഷ്യജീവനുകള്‍ നഷ്ടപ്പെട്ടിട്ടും നാശനഷ്ടങ്ങൾ സംഭവിച്ചിട്ടും ലോകം എന്തുകൊണ്ടാകും യുദ്ധത്തിന്റെ കെടുതികൾക്കു നേരെ കണ്ണടയ്ക്കുന്നത്? അതൊരു പണമൊഴുകുന്ന ബിസിനസ് ആയതു കൊണ്ടാണ് എന്ന അഭിപ്രായങ്ങളും പല കോണുകളിൽ നിന്നും ഉയരുന്നുണ്ട്. മാനവരാശിക്ക് അതിരുകളില്ലാത്ത ദുരിതങ്ങൾ നൽകുന്ന യുദ്ധങ്ങൾ പണക്കൊതിയുടെ ബിസിനസ് ആണെന്ന് പറയാനാകുമോ? മനുഷ്യാവകാശം, ജനാധിപത്യം, സ്വാതന്ത്ര്യം തുടങ്ങിയ കാര്യങ്ങളുടെ മറപിടിച്ചാണ് അമേരിക്ക പല യുദ്ധങ്ങൾക്കും തുടക്കമിട്ടത്. ഇക്കാര്യം ലോകത്തെ ബോധ്യപ്പെടുത്താൻ പലപ്പോഴും സാധിച്ചിട്ടുമുണ്ട് (പ്രതിഷേധങ്ങളെ മറക്കുന്നില്ല). ഇതോടൊപ്പംതന്നെ സ്വന്തം ‘ബിസിനസ്’ വളർത്താനും മേൽപ്പറഞ്ഞ മൂന്ന് കാര്യങ്ങളും അമേരിക്ക ഇപ്പോഴും പ്രയോജനപ്പെടുത്താറുണ്ടെന്നതാണ് യാഥാർഥ്യം.
കീവ് ∙ യുക്രെയ്ൻ ആക്രമണത്തിനയച്ച 125 ഡ്രോണുകൾ വെടിവച്ചിട്ടതായി റഷ്യയുടെ പ്രതിരോധ മന്ത്രാലയം അറിയിച്ചു. വോൾഗോഗ്രാഡിൽ മാത്രം 67 ഡ്രോണുകൾ വീഴ്ത്തി. വൊറോണസ് മേഖലയിൽ 17 എണ്ണവും റോസ്റ്റോവിൽ 18 എണ്ണവും വീഴ്ത്തി. വെടിവച്ചിട്ട ഡ്രോണുകൾ പലയിടത്തും തീപിടിത്തത്തിനു കാരണമായി.
റഷ്യൻ സൈന്യത്തിനൊപ്പം പ്രവർത്തിക്കവേ, യുക്രെയ്നിൽ കൊല്ലപ്പെട്ട കല്ലൂര്‍ നായരങ്ങാടി സ്വദേശി കാങ്കില്‍ സന്ദീപ് ചന്ദ്രന്റെ മൃതദേഹം ഞായറാഴ്ച നാട്ടിലെത്തിക്കും
ലോകം ഒരു ചതുരംഗപലകയാണെങ്കിൽ അതിലെ കറുത്ത കുതിരയാണ് ഉത്തരകൊറിയ. അപ്രതീക്ഷിത നീക്കങ്ങളിലൂടെ എതിരാളിയുടെ കണക്കുകൂട്ടലുകൾ ആകെ തെറ്റിക്കുന്ന കറുത്ത കുതിര. റഷ്യ- യുക്രെയ്ൻ യുദ്ധത്തിനു പിന്നാലെ ലോകത്തിന്റെ പലഭാഗത്തും യുദ്ധങ്ങളും സംഘർഷങ്ങളും തുടർക്കഥയാകുമ്പോൾ അതിലെ കേന്ദ്രകഥാപാത്രമാകുകയാണ് ഉത്തരകൊറിയ. ഈ വർഷം ജൂണിൽ റഷ്യൻ പ്രസിഡന്റ് വ്ലാഡിമിർ പുട്ടിന്റെ ഉത്തരകൊറിയൻ സന്ദർശനത്തിനു പിന്നാലെ കിഴക്കൻ ഏഷ്യയിലെ ശാക്തിക സമവാക്യങ്ങൾ ആകെ തകിടം മറിഞ്ഞിരുന്നു. റഷ്യയുമായുള്ള യുദ്ധത്തിൽ തങ്ങൾക്ക് ഏറ്റവും പ്രതിസന്ധി സൃഷ്ടിക്കുന്നത് ഇറാനോ ചൈനയോ അല്ലെന്നും മറിച്ച് ഉത്തരകൊറിയ ആണെന്നും യുക്രെയ്ൻ ഇന്റലിജൻസ് മേധാവി കിറിലോ ബുധനോവ് സെപ്റ്റംബർ 14ന് തലസ്ഥാനമായ കീവിൽ നടന്ന സുരക്ഷാ കോൺഫറൻസിൽ ആരോപിച്ചിരുന്നു. ഏഴു മാസം മുൻപു ദക്ഷിണ കൊറിയയെ പ്രധാന ശത്രുവായി പ്രഖ്യാപിച്ചു ഉത്തര കൊറിയൻ നേതാവ് കിം ജോങ് ഉൻ യുദ്ധത്തിന് ഒരുക്കം തുടങ്ങിയതു മുതൽ കൊറിയൻ ഉപദ്വീപിലും ലോകമെങ്ങും ആശങ്കയുടെ വേലിയേറ്റമാണ്. 13 ലക്ഷം സജീവ അംഗങ്ങളുള്ള ഉത്തരകൊറിയൻ സൈന്യം അംഗബലം കൊണ്ട് ലോകത്തെ ഏറ്റവും വലിയ സൈന്യമായാണു പരിഗണിക്കപ്പെടുന്നത്. യുദ്ധത്തിന് ഒരുക്കങ്ങൾ പൂർത്തിയാക്കിയെന്ന ഉത്തരകൊറിയയുടെ അവകാശവാദം,
ന്യൂയോർക്ക്∙ യുഎസ് സന്ദർശനത്തിനിടെ യുക്രെയ്ൻ പ്രസിഡന്റ് വൊളോഡിമിർ സെലൻസ്കിയുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി. റഷ്യൻ–യുക്രെയ്ൻ യുദ്ധത്തിന് എത്രയും വേഗം പരിഹാരം കാണുന്നതിനുള്ള എല്ലാ സഹായവും ഉറപ്പുനൽകുന്നതായി മോദി ആവർത്തിച്ചു.
പാരിസ് ∙ റഷ്യ–യുക്രെയ്ൻ യുദ്ധത്തിന്റെ പശ്ചാത്തലത്തിൽ യൂറോപ്പിന്റെ ആയുധ നിർമാണ ശേഷി വർധിപ്പിക്കുക എന്ന ലക്ഷ്യത്തോടെ യൂറോപ്യൻ യൂണിയന് ആദ്യമായി പ്രതിരോധ കമ്മിഷണറെ നിയമിച്ചു. ലിത്വാനിയയിൽ നിന്നുള്ള ആന്ദ്ര്വിസ് കുബിലിയസിനെയാണ് യൂറോപ്യൻ കമ്മിഷന് ചീഫ് ഉർസുല വോൺ ദെർ ലെയെൻ പ്രതിരോധ കമ്മിഷണറായി നിയമിച്ചത്.
ന്യൂഡൽഹി ∙ യുക്രെയ്നിലെ സംഘർഷത്തിനു പരിഹാരം തേടി ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവൽ റഷ്യൻ പ്രസിഡന്റ് വ്ലാഡിമിർ പുട്ടിനുമായി കൂടിക്കാഴ്ച നടത്തി. സെന്റ് പീറ്റേഴ്സ്ബർഗിൽ ബ്രിക്സ് (ബ്രസീൽ, റഷ്യ, ഇന്ത്യ, ചൈന, ദക്ഷിണാഫ്രിക്ക) രാജ്യങ്ങളിലെ ദേശീയ സുരക്ഷാ ഉപദേഷ്ടാക്കളുടെ സമ്മേളനത്തിനിടെ ആയിരുന്നു കൂടിക്കാഴ്ച. അടുത്ത മാസം റഷ്യയിലെ കസാനിൽ നടക്കുന്ന ബ്രിക്സ് ഉച്ചകോടിയിൽ പ്രധാനമന്ത്രി നരേന്ദ്ര മോദി പങ്കെടുക്കുമെന്നും അപ്പോൾ കൂടുതൽ ചർച്ച നടത്താമെന്നും പ്രതീക്ഷിക്കുന്നതായി പുട്ടിൻ പറഞ്ഞു. രണ്ടര ആഴ്ച മുൻപ് മോദി യുക്രെയ്ൻ സന്ദർശിച്ചിരുന്നു. അതിനും ആറാഴ്ച മുൻപ് റഷ്യയും. റഷ്യയുടെ സുരക്ഷാ ഉപദേഷ്ടാവ് സെർഗെയ് ഷൊയ്ഗുവുമായും ഡോവൽ ചർച്ച നടത്തി.
ന്യൂഡൽഹി∙ റഷ്യ–യുക്രെയ്ൻ സംഘർഷം അവസാനിപ്പിക്കുന്നതിനുള്ള ചർച്ചകൾക്കായി ദേശീയ സുരക്ഷാ ഉപദേഷ്ടാവ് അജിത് ഡോവൽ അടുത്തയാഴ്ച മോസ്കോ സന്ദർശിക്കുമെന്ന് ദേശീയ മാധ്യമങ്ങൾ. പ്രധാനമന്ത്രി നരേന്ദ്ര മോദി റഷ്യയും യുക്രെയ്നും സന്ദർശിച്ച് രണ്ട് രാജ്യങ്ങളിലെയും പ്രസിഡന്റുമാരുമായി ചർച്ച നടത്തിയതിനു പിന്നാലെയാണ് അജിത് ഡോവലിന്റെ സന്ദർശനം.
കീവ് ∙ യുഎസും സഖ്യകക്ഷികളും യുക്രെയ്നിന് കൂടുതൽ സഹായം വാഗ്ദാനം ചെയ്തു. എന്നാൽ, റഷ്യയുടെ ഭീഷണി അവഗണിച്ച് മികച്ച ദീർഘദൂര മിസൈലുകൾ നൽകിയാൽ മാത്രമേ യുദ്ധത്തിൽ നിന്ന് അവരെ പിന്തിരിപ്പിക്കാനാവൂ എന്ന് യുക്രെയ്ൻ പ്രസിഡന്റ് വൊളോഡിമിർ സെലെൻസ്കി പറഞ്ഞു. ജർമനിയിലെ റാംസ്റ്റീൻ വ്യോമത്താവളത്തിൽ നടന്ന യുക്രെയ്നിന്റെ സഖ്യകക്ഷികളുടെ യോഗത്തിലാണ് സെലെൻസ്കി ദീർഘദൂര മിസൈലുകൾ നൽകണമെന്ന് അഭ്യർഥിച്ചത്.
കല്ലൂർ (തൃശൂർ)∙ റഷ്യയിൽ യുദ്ധത്തിൽ കൊല്ലപ്പെട്ട നായരങ്ങാടി സ്വദേശി കാങ്കിൽ സന്ദീപിന്റെ വീട്ടിൽ കേന്ദ്രമന്ത്രി സുരേഷ്ഗോപി സന്ദർശനം നടത്തി.
മോസ്കോ ∙ യുക്രെയ്ൻ സംഘർഷം പരിഹരിക്കാനുള്ള മധ്യസ്ഥതയ്ക്കായി ഇന്ത്യ അടക്കം 3 രാജ്യങ്ങളുമായി നിരന്തര ആശയവിനിമയത്തിലാണെന്നു റഷ്യയുടെ പ്രസിഡന്റ് വ്ളാഡിമിർ പുട്ടിൻ പറഞ്ഞു. ചർച്ചയ്ക്ക് യുക്രെയ്നിനു താൽപര്യമുണ്ടെങ്കിൽ സന്നദ്ധനാണെന്ന് ഈസ്റ്റേൺ ഇക്കണോമിക് ഫോറം (ഇഇഎഫ്) പ്ലീനറി സെഷനിൽ പുട്ടിൻ പറഞ്ഞതായും റിപ്പോർട്ടുണ്ട്.
കീവ് ∙ യുക്രെയ്ൻ സർക്കാരിൽ പ്രസിഡന്റ് വൊളോഡിമിർ സെലെൻസ്കി വൻ അഴിച്ചുപണിക്കൊരുങ്ങുന്നു. വിദേശകാര്യ മന്ത്രി ദിമിത്രോ കുലേബ അടക്കം 6 മന്ത്രിമാർ രാജി നൽകി. ഇവരിൽ 4 പേരുടെ രാജി പാർലമെന്റ് അംഗീകരിച്ചു. കുലേബയുടെ രാജി ഇന്നു പരിഗണിക്കും. റഷ്യയെ നേരിടാൻ പുതു ഉൗർജം തേടിയാണ് മാറ്റമെന്ന് സെലെൻസ്കി പറഞ്ഞു.
യുക്രെയ്ൻ യുദ്ധത്തിൽ റഷ്യൻ പ്രസിഡന്റ് വ്ലാഡിമിർ പുട്ടിൻ വരച്ച അവസാന ചുവപ്പുവരയും യുക്രെയ്നും നാറ്റോ സഖ്യകക്ഷികളും മറികടന്നതോടെ യൂറോപ്പിൽ ആശങ്കയുടെ വേലിയേറ്റം. 2024 ഓഗസ്റ്റ് ആറിന് റഷ്യയിലെ കുർസ്ക് പ്രവശ്യ ആക്രമിച്ചു 1300ൽ അധികം ചതുരശ്രകിലോമീറ്റർ ഭൂമി പിടിച്ചെടുക്കുകയും അതിർത്തിയിൽ നിന്നു 35 കിലോമീറ്റർ ഉള്ളിലേക്ക് കടന്നുകയറുകയും ചെയ്ത യുക്രെയ്ൻ സേന റഷ്യയ്ക്ക് ഏൽപ്പിച്ചത് കനത്ത ആഘാതം. 2022ൽ തുടങ്ങിയ റഷ്യ – യുക്രെയ്ൻ യുദ്ധത്തിനിടെ പലതവണ റഷ്യയ്ക്കു നേരെ, റഷ്യൻ വിമതരെ ഉപയോഗിച്ചു യുക്രെയ്ൻ ആക്രമണം നടത്തിയിട്ടുണ്ടെങ്കിലും യുക്രെയ്ൻ സേന നേരിട്ട് റഷ്യൻ മണ്ണിൽ ആക്രമണം നടത്തുന്നതും അതിന്റെ ഉത്തരവാദിത്തം ഏറ്റെടുക്കുന്നതും ഇതാദ്യം. കുർസ്ക് മേഖലയിലേക്കുള്ള യുക്രെയ്നിന്റെ കടന്നുകയറ്റത്തെ തന്ത്രപരമായ നേട്ടമായി പ്രസിഡന്റ് വൊളോഡിമിർ സെലെൻസ്കി വിശേഷിപ്പിക്കുമ്പോൾ ആത്മഹത്യാപരമായ നീക്കമായാണു പല സൈനിക വിദഗ്ധരും വിലയിരുത്തുന്നത്. കുർസ്ക് മേഖല പിടിച്ചെടുക്കുന്നതിലൂടെ യുക്രെയ്ൻ ലക്ഷ്യമിടുന്നതെന്താണ്? റഷ്യൻ പ്രതിരോധത്തെ തകർത്ത് മിന്നൽ വിജയം നേടാൻ യുക്രെയ്നിനു സാധിച്ചതെങ്ങനെയാണ്? കുർസ്ക് പ്രവശ്യയിലെ യുദ്ധം എങ്ങനെയാണ് യുക്രെയ്നിന്റെ വിധി നിർണയിക്കുക? ഇന്ത്യൻ പ്രധാനമന്ത്രി നരേന്ദ്രമോദി
കീവ് ∙ ക്രൂസ്, ബാലിസ്റ്റിക് മിസൈലുകളുമായി യുക്രെയ്ൻ തലസ്ഥാനം ലക്ഷ്യമിട്ട് റഷ്യ ആക്രമണം ശക്തമാക്കുന്നു. തിങ്കളാഴ്ച പുലർച്ചെയാണ് കീവ് ഉന്നമിട്ട് 10 ക്രൂസ് മിസൈലുകളും 10 ബാലിസ്റ്റിക് മിസൈലുകളും ഡ്രോണും റഷ്യ പ്രയോഗിച്ചത്. ഇവയെല്ലാം യുക്രെയ്ൻ സേന തകർത്തെങ്കിലും കീവിലെമ്പാടും ഇടതടവില്ലാതെ സ്ഫോടനശബ്ദം മുഴങ്ങിയതോടെ ജനം ബോംബ് ഷെൽട്ടറുകളിൽ അഭയം തേടി. തകർന്ന മിസൈലുകളുടെ അവശിഷ്ടങ്ങൾ പതിച്ച് കീവിൽ വിവിധയിടങ്ങളിലായി 3 പേർക്കു പരുക്കേറ്റു. 2 കിൻഡർ ഗാർട്ടനുകൾക്കും കേടുപാടുണ്ടായി.
ലോക നേതാക്കളുടെ പന്തിയില്‍ വസ്ത്രധാരണംകൊണ്ട്‌ മാത്രം വേറിട്ടു നില്‍ക്കുന്നൊരു രാഷ്ട്ര തലവനാണ്‌ യുക്രെയ്ൻ പ്രസിഡന്റ് വൊളോഡിമിർ സെലെന്‍സ്കി. പുരുഷന്മാരായ രാഷ്ട്ര നേതാക്കള്‍ ഒന്നുകില്‍ കോട്ടും ടൈയുമോ അല്ലെങ്കില്‍ തങ്ങളുടെ രാജ്യത്തിന്റെ പ്രത്യേക വേഷമോ ധരിക്കുമ്പോള്‍ സെലെന്‍സ്കി ഒരു തവിട്ട്‌, പച്ച നിറമുള്ള ഷർട്ടിനൊപ്പമോ ടീഷർട്ടിനൊപ്പമോ കാര്‍ഗോ പാന്റ് ധരിച്ചാണ്‌ പൊതു വേദികളിലും രാജ്യാന്തര സമ്മേളനങ്ങളിലും പങ്കെടുക്കാറുള്ളത്‌. ഒരു തഴക്കം ചെന്ന രാഷ്ട്രീയക്കാരനല്ല 46 വയസ്സുള്ള സെലെന്‍സ്കി. നിയമ ബിരുദം നേടിയതിനു ശേഷം ടെലിവിഷനില്‍ തമാശയില്‍ ഊന്നിയുള്ള പരിപാടികള്‍ നടത്തുകയും ഹാസ്യ ചിത്രങ്ങള്‍ നിർമിക്കുകയും ചെയ്ത് ഉപജീവനം കഴിച്ചിരുന്ന സെലെന്‍സ്കി 2018ൽ മാത്രമാണ്‌ യുക്രെയ്ൻ രാഷ്ട്രീയത്തിലേയ്ക്കു കാലെടുത്തു വയ്ക്കുന്നത്‌. ‘സെര്‍വന്റ്‌ ഓഫ്‌ ദ് പീപ്പിള്‍’ (ജനങ്ങളുടെ സേവകര്‍) എന്ന പേരില്‍ സെലെൻസ്കി 2018 മാര്‍ച്ചില്‍ രാഷ്ട്രീയ പാർട്ടി ആരംഭിച്ചു. അതേ പാര്‍ട്ടിയുടെ സ്ഥാനാർഥിയായി 2019ലെ പ്രസിഡന്റ് തിരഞ്ഞെടുപ്പിൽ ആദ്യ മത്സരം. രാജ്യത്ത്‌ നിലനിന്നിരുന്ന വ്യവസ്ഥിതിക്കും അഴിമതിക്കും എതിരെ ശബ്ദമുയര്‍ത്തി സെലെന്‍സ്കി വളരെ വേഗം ജനങ്ങള്‍ക്കിടയില്‍ ഓളം സൃഷ്ടിക്കുകയായിരുന്നു. നിലവിലെ പ്രസിഡന്റ് ആയിരുന്ന പോറോ പൊറോഷെങ്കോയെ രാഷ്ട്രീയത്തില്‍ ആദ്യ ചുവട് വയ്ക്കുന്ന സെലെന്‍സ്കി വിജയകരമായി നേരിട്ടു എന്ന് മാത്രമല്ല തിരഞ്ഞെടുപ്പില്‍ മലര്‍ത്തിയടിക്കുകയും ചെയ്തു. ആകെ പോള്‍ ചെയ്ത വോട്ടുകളില്‍ 73 ശതമാനത്തില്‍ കൂടുതല്‍ നേടി ഐതിഹാസിക വിജയത്തോടെ 2019 മേയ് മാസത്തില്‍ പ്രസിഡന്റ് ആയി സ്ഥാനമേറ്റു.
മോസ്കോ ∙ റഷ്യയിലെ ഊർജനിലയങ്ങൾ ലക്ഷ്യമിട്ട് യുക്രെയ്നിന്റെ ഡ്രോൺ ആക്രമണങ്ങൾ. മോസ്കോ ഓയിൽ റിഫൈനറി പരിസരത്ത് ഡ്രോൺ അവശിഷ്ടങ്ങൾ വീണു തീപിടിത്തമുണ്ടായി. മധ്യറഷ്യയിൽ ടിവിർ മേഖലയിലെ കനാകവ ഊർജനിലയത്തിനു സമീപവും ഉഗ്രസ്ഫോടനങ്ങളുണ്ടായി. ഒറ്റ രാത്രിയിൽ വിവിധ പ്രവിശ്യകളിലായി 158 ഡ്രോണുകൾ വെടിവച്ചിട്ടതായി റഷ്യൻ
റഷ്യൻ പട്ടാളത്തിൽ ചേർന്ന മലയാളി യുവാക്കൾ സഹായമഭ്യർഥിക്കുന്ന വിഡിയോ പ്രചരിക്കുന്നു. ചാലക്കുടിയിലെ ഏജന്റ് മുഖേന റഷ്യയിലേക്ക് പോയവരുടെ ദൃശ്യമാണ് പ്രചരിക്കുന്നത്.
കീവ് ∙ വടക്കു കിഴക്കൻ യുക്രെയ്നിലെ ഹർകീവിൽ റഷ്യ നടത്തിയ ബോംബാക്രമണത്തിൽ ഒരു കുഞ്ഞ് ഉൾപ്പെടെ 6 പേർ കൊല്ലപ്പെട്ടു. 55 പേർക്കു പരുക്കേറ്റു. 20 പേരുടെ നില ഗുരുതരമാണ്. റഷ്യൻ അധിനിവേശത്തിലുള്ള ഹർകീവിലെ ഒരു പാർപ്പിട സമുച്ചയത്തിനു നേരെ ആയിരുന്നു ആക്രമണം. സമുച്ചയത്തിലെ കളിസ്ഥലത്താണു കുഞ്ഞ് കൊല്ലപ്പെട്ടത്. 12 നില പാർപ്പിട സമുച്ചയം സ്ഫോടനത്തിൽ തകർന്നു കത്തി. വിമാനത്തിൽ നിന്ന് ഗ്ലൈഡ് ബോംബുകൾ ഉപയോഗിച്ചായിരുന്നു ആക്രമണം.
കീവ് ∙ യുക്രെയ്നിൽ 4 ദിവസത്തിനിടെ മൂന്നാമതും റഷ്യ കനത്ത മിസൈൽ, ഡ്രോൺ ആക്രമണം നടത്തി. 5 ദീർഘദൂര മിസൈലുകളും 74 ഷഹീദ് ഡ്രോണുകളും ഉപയോഗിച്ച് റഷ്യ ആക്രമിച്ചെന്നും അതിൽ 2 മിസൈലുകളും 60 ഡ്രോണുകളും വീഴ്ത്തിയെന്നും യുക്രെയ്ൻ വ്യോമസേന അറിയിച്ചു. 14 ഡ്രോണുകൾ ലക്ഷ്യത്തിലെത്തുന്നതിനു മുൻപ് വീണു. 3 ജില്ലകളിലായി വീണ ഇവയുടെ അവശിഷ്ടങ്ങൾ ചെറിയതോതിലുള്ള തീപിടിത്തത്തിന് ഇടയാക്കിയെങ്കിലും കാര്യമായ നാശനഷ്ടമില്ല.
മോസ്കോ ∙ തലസ്ഥാനമായ കീവ് നഗരം ഉൾപ്പെടെ യുക്രെയ്നിലെ 15 കേന്ദ്രങ്ങളിൽ റഷ്യ നടത്തിയ വൻ മിസൈൽ ആക്രമണത്തിൽ 7 പേർ കൊല്ലപ്പെട്ടു. രാജ്യത്തെ അടിസ്ഥാന സൗകര്യങ്ങളെയും ഊർജ മേഖലയെയും ലക്ഷ്യം വച്ചായിരുന്നു ആക്രമണം. നൂറിലധികം മിസൈലുകളും ഡ്രോണുകളും ഉപയോഗിച്ചുള്ള ആക്രമണത്തിൽ ഊർജമേഖലയ്ക്കു കനത്ത നഷ്ടമുണ്ടായതായി പ്രസിഡന്റ് വൊളോഡിമിർ സെലെൻസ്കി പറഞ്ഞു.
കീവ് ∙ യുക്രെയ്ൻ നടത്തിയ ഷെല്ലാക്രമണത്തിൽ റഷ്യൻ അതിർത്തിയിലെ ബെൽഗൊറോദ് മേഖലയിൽ 5 പേർ കൊല്ലപ്പെട്ടു. റക്കിടോൺ ഗ്രാമത്തിൽ 12 പേർക്കു പരുക്കേറ്റു. കിഴക്കൻ യുക്രെയ്നിലെ ഡോണെറ്റ്സ്ക് മേഖലയിലെ ക്രമറ്റോർസ്ക് നഗരത്തിലെ ഹോട്ടൽ സഫയറിൽ റഷ്യ നടത്തിയ മിസൈൽ ആക്രമണത്തിൽ വാർത്താ ഏജൻസിയായ റോയിട്ടേഴ്സിന്റെ രണ്ടു മാധ്യമപ്രവർത്തകർക്കു പരുക്കേറ്റു. ഒരാളെ കാണാതായി.
ന്യൂഡൽഹി ∙റഷ്യ–യുക്രെയ്ൻ യുദ്ധത്തിൽ ഇന്ത്യയുടെ നിലപാടു വ്യക്തമാക്കാൻ പ്രധാനമന്ത്രി നരേന്ദ്ര മോദിയുടെ സന്ദർശനത്തിനു സാധിച്ചുവെങ്കിലും കൂടുതൽ ക്രിയാത്മകമായ നിലപാട് യുക്രെയ്ൻ ആവശ്യപ്പെട്ടുകൊണ്ടിരിക്കുമെന്നു വ്യക്തം. റഷ്യയോടുള്ള ഇന്ത്യയുടെ നിലപാടു മാറ്റുകയാണെങ്കിൽ യുദ്ധം അവസാനിക്കുമെന്ന യുക്രെയ്ൻ പ്രസിഡന്റ് വൊളോഡിമിർ സെലെൻസ്കിയുടെ പ്രസ്താവന അതാണു വ്യക്തമാക്കുന്നത്.
യുക്രെയ്ൻ–റഷ്യ സംഘർഷം വലിയൊരു യുദ്ധമായി മാറിക്കൊണ്ടിരിക്കുകയാണോയെന്ന ആശങ്കയിലാണ് ലോകം. യുക്രെയ്നും റഷ്യയും ഒരു മേശയ്ക്ക് ഇരുവശവും ഇരുന്ന് യുദ്ധത്തിനു പരിഹാരം കാണണമെന്ന് ഇന്ത്യയുടെ പ്രധാനമന്ത്രി നരേന്ദ്ര മോദി പറഞ്ഞിടത്തു വരെയെത്തി നില്‍ക്കുന്നു കാര്യങ്ങൾ. യുക്രെയ്ൻ പ്രസിഡന്റ് വൊളോഡിമിർ സെലെൻസ്കിയുമായുള്ള കൂടിക്കാഴ്ചയിലാണ് മോദി ഇക്കാര്യം നിർദേശിച്ചത്. അതേസമയം യുക്രെയ്ന് 12.5 കോടി ഡോളർ (ഏകദേശം 1048 കോടി രൂപ) മൂല്യമുള്ള പുതിയ സൈനിക പാക്കേജ് പ്രഖ്യാപിച്ച് എരിതീയിൽ എണ്ണപകരുന്ന നയമാണ് യുഎസ് സ്വീകരിച്ചത്. യുക്രെയ്ൻ ജനതയ്‌ക്കുള്ള യുഎസിന്റെ സുസ്ഥിരമായ പിന്തുണയാണിതെന്നാണ് വൈറ്റ് ഹൗസിന്റെ ഭാഷ്യം. സംഘർഷം തുടങ്ങി മാസങ്ങൾ പിന്നിട്ടിട്ടും ഇതുവരെ ഇരുപക്ഷത്തിനും വ്യക്തമായ വിജയം നേടാൻ കഴിഞ്ഞിട്ടില്ല. സമാധാന ശ്രമങ്ങൾ ഏറെ നടന്നിട്ടും, കൂടുതൽ അത്യാധുനിക പോർവിമാനങ്ങളും ആയുധങ്ങളും പ്രയോഗിക്കാൻ ഒരുങ്ങുകയാണ് ഇരു രാജ്യങ്ങളും. വ്യോമശക്തിയുടെ കാര്യത്തിൽ യുക്രെയ്ൻ ഏറെ പിന്നിലാണെങ്കിലും യുഎസ് ഉൾപ്പെടുന്ന നാറ്റോ രാജ്യങ്ങളിൽ നിന്ന് കൂടുതൽ പോർവിമാനങ്ങളും എഐ ഡ്രോണുകളും മറ്റു ആയുധങ്ങളും എത്തുന്നതോടെ സംഘർഷത്തിന്റെ രൂപത്തിലും ഭാവത്തിലും മാറ്റംവരും. അത്യാധുനിക പാശ്ചാത്യ പോർവിമാനങ്ങൾ, പ്രത്യേകിച്ച് യുഎസ് നിർമിത എഫ്-16 ഫൈറ്റിങ് ഫാൽക്കൺ ഏറെകാലമായി യുക്രെയ്ൻ ആവശ്യപ്പെടുന്നുണ്ട്. രണ്ട് വർഷത്തോളം നീണ്ട ചർച്ചകൾക്ക് ശേഷമാണ് യുഎസും സഖ്യകക്ഷികളും യുക്രെയ്നിന് എഫ്–16 വിമാനങ്ങൾ നൽകാൻ സമ്മതിച്ചത്, തുടർന്ന് ചില പോർവിമാനങ്ങൾ എത്തിക്കുകയും ചെയ്തു. ഇതിനിടെ എഫ്-16 വെടിവച്ച് വീഴ്ത്തുന്ന ആദ്യത്തെ റഷ്യൻ പൈലറ്റിന് 1.5 കോടി റൂബിൾ (ഏകദേശം 13.76 കോടി രൂപ) നൽകുമെന്ന് റഷ്യൻ കമ്പനിയായ ഫോറസ് പ്രഖ്യാപിക്കു വരെ ചെയ്തു. എന്നാൽ എഫ്-16 വിമാനങ്ങളുടെ വരവ് യുക്രെയ്നിന് അനുകൂലമായി മാറുമോ? യുദ്ധത്തിന്റെ ഗതിയിൽ മാറ്റം വരുത്തുന്ന ഒരു ‘ഗെയിം ചെയ്ഞ്ചർ’ ആയിരിക്കുമോ എഫ്–16? പരിശോധിക്കാം.
മോഹനവാഗ്ദാനങ്ങൾ നൽകി റഷ്യൻ സൈന്യത്തിലേക്കു മലയാളികളെ കടത്തിയോ...
യുക്രെയ്ൻ പ്രസിഡന്റ് വോളോഡിമിർ സെലൻസ്കിയുമായി ഊഷ്മളമായ കൂടിക്കാഴ്ച നടത്തി പ്രധാനമന്ത്രി നരേന്ദ്രമോദി. കൈകൂപ്പി സെലൻസ്കിയെ അഭിവാദ്യം ചെയ്ത മോദി ഹസ്തദാനം നൽകി അദ്ദേഹത്തെ ആശ്ലേഷിച്ചു. അടുത്തസുഹൃത്തിനോടെന്ന പോലെ സെലൻസ്കിയുടെ തോളിൽ കയ്യിട്ടുകൊണ്ടാണ് തുടർന്ന് മോദി മുന്നോട്ടുനീങ്ങിയതും. യുക്രെയ്ൻ റിപ്പബ്ലിക് സ്ഥാപിതമായതിനുശേഷം ആദ്യമാണ് ഒരു ഇന്ത്യൻ പ്രധാനമന്ത്രി യുക്രെയ്നിൽ സന്ദർശനം നടത്തുന്നത്.
ഇന്ത്യൻ പ്രധാനമന്ത്രി നരേന്ദ്ര മോദി യുക്രെയ്ൻ തലസ്ഥാനമായ കീവിലെത്തി.
കീവ് ∙ രണ്ടര വർഷം പിന്നിട്ട റഷ്യൻ അധിനിവേശത്തിനു കടന്നാക്രമണത്തിലൂടെ തിരിച്ചടിക്ക് യുക്രെയ്ൻ ശ്രമം. രാജ്യത്തിന്റെ കിഴക്കൻ മേഖലയിൽ റഷ്യയുടെ മുന്നേറ്റത്തെ ചെറുക്കുന്നതിൽ പരാജയപ്പെട്ട യുക്രെയ്ൻ ആ മാസം 6 ന് റഷ്യയുടെ കർസ്ക് മേഖലയിൽ അപ്രതീക്ഷിത ആക്രമണം നടത്തി നേട്ടമുണ്ടാക്കിയിരുന്നു. റഷ്യൻ അതിർത്തിയിലെ
വാഴ്സ ∙ റഷ്യ-യുക്രെയ്ൻ യുദ്ധം പരിഹരിക്കുന്നതിൽ ഇന്ത്യയ്ക്കു സുപ്രധാനവും ക്രിയാത്മകവുമായ പങ്കു വഹിക്കാനാകുമെന്നു പോളണ്ട് പ്രധാനമന്ത്രി ഡൊണാൾഡ് ടസ്ക്. ഇന്ത്യൻ പ്രധാനമന്ത്രി നരേന്ദ്ര മോദി യുക്രെയ്നിലേക്കു പോകുന്നതിനു തൊട്ടു മുൻപായിരുന്നു ടസ്കിന്റെ പ്രതികരണം. മോദിയുടെ യുക്രെയ്ൻ സന്ദർശനം
മോസ്കോ ∙ റഷ്യൻ തലസ്ഥാനമായ മോസ്കോയിലേക്ക് രാത്രിയിൽ യുക്രെയ്നിൽനിന്നു പാഞ്ഞെത്തിയത് 45 ഡ്രോണുകൾ. എല്ലാം തകർത്തതായി റഷ്യൻ പ്രതിരോധ മന്ത്രാലയം അറിയിച്ചു. മോസ്കോ ലക്ഷ്യമിട്ടുള്ള ഏറ്റവും വലിയ ഡ്രോൺ ആക്രമണം ആയിരുന്നു ഇതെന്ന് റഷ്യ ആരോപിച്ചു.
ന്യൂഡൽഹി∙ ദ്വിദിന സന്ദർശനത്തിനായി പ്രധാനമന്ത്രി നരേന്ദ്ര മോദി പോളണ്ടിലേക്ക് തിരിച്ചു. ഇന്ത്യ – പോളണ്ട് നയതന്ത്ര ബന്ധത്തിന്റെ 70-ാം വാർഷികാഘോഷ വേളയിലാണ് പ്രധാനമന്ത്രിയുടെ സന്ദർശനം. 45 വർഷത്തിനുശേഷം ആദ്യമായാണ് ഇന്ത്യൻ പ്രധാനമന്ത്രി പോളണ്ടിലെത്തുന്നത്. 1979ൽ മൊറാർജി ദേശായിയാണ് അവസാനമായി പോളണ്ട് സന്ദർശിച്ചത്.
ഇതിനു പിന്നാലെയാണ് എംബസിയുടെ മറുപടിയെത്തിയത്.
ന്യൂഡൽഹി∙ പ്രധാനമന്ത്രി നരേന്ദ്ര മോദി ഈ മാസം 23ന് യുക്രെയ്ൻ സന്ദർശിക്കുമെന്ന് സ്ഥിരീകരിച്ച് വിദേശകാര്യ മന്ത്രാലയം. ആഴ്ചകളോളം നീണ്ടുനിന്ന ഊഹാപോഹങ്ങൾക്ക് ശേഷമാണ് മോദിയുടെ യുക്രെയ്ൻ സന്ദർശനം വിദേശകാര്യ മന്ത്രാലയം ഔദ്യോഗികമായി സ്ഥിരീകരിച്ചത്. 2022 ഫെബ്രുവരിയിൽ യുക്രെയ്നിൽ റഷ്യൻ അധിനിവേശം ആരംഭിച്ചതിന് ശേഷം അവിടം സന്ദർശിക്കുന്ന മുതിർന്ന ഇന്ത്യൻ നേതാവാണ് മോദി. 30 വർഷത്തിനിടെ ഒരു ഇന്ത്യൻ പ്രധാനമന്ത്രിയുടെ ആദ്യ യുക്രെയ്ൻ സന്ദർശനം കൂടിയാണ് ഇത്.
ന്യൂഡൽഹി ∙ പ്രധാനമന്ത്രി നരേന്ദ്രമോദി 23ന് യുക്രെയ്ൻ തലസ്ഥാനമായ കീവ് സന്ദർശിക്കും. 30 വർഷത്തിനിടെ, ഇ ന്ത്യൻ പ്രധാനമന്ത്രിയുടെ ആദ്യ യുക്രെയ്ൻ സന്ദർശനമാണിത്. കഴിഞ്ഞ മാസം മോദി റഷ്യ സന്ദർശിച്ചിരുന്നു. യുക്രെയ്ൻ പ്രസിഡന്റ് വൊളോഡിമിർ സെലെൻസ്കിയുടെ ക്ഷണപ്രകാരമാണു സന്ദർശനമെന്നും ചില കരാറുകൾ ഒപ്പിടുമെന്നും പറഞ്ഞ വിദേശകാര്യ സെക്രട്ടറി തന്മയ ലാൽ, സന്ദർശനത്തിന്റെ പ്രധാന ലക്ഷ്യമെന്തെന്നു വ്യക്തമാക്കിയില്ല.
കീവ് ∙ യുക്രെയ്ൻ സൈന്യം റഷ്യയുടെ കർസ്ക് മേഖലയിലെ 1,250 ചതുരശ്ര കിലോമീറ്ററിലധികം പ്രദേശങ്ങളും 92 സെറ്റിൽമെന്റുകളും നിയന്ത്രണത്തിലാക്കിയെന്ന് യുക്രെയ്ൻ പ്രസിഡന്റ് വൊളോഡിമിർ സെലെൻസ്കി. റഷ്യയുടെ ഉൾപ്രദേശങ്ങളിൽ പാശ്ചാത്യ ആയുധങ്ങൾ ഉപയോഗിച്ച് ആക്രമണം നടത്താൻ യുക്രെയ്ന്റെ സഖ്യകക്ഷികൾ അനുമതി നൽകണമെന്ന് അദ്ദേഹം ആവശ്യപ്പെട്ടു. ഈ അനുമതി ലഭിക്കാത്തതാണ് കിഴക്കൻ മേഖലയിൽ റഷ്യൻ സൈന്യത്തെ തടയാൻ യുക്രെയ്നു കഴിയാത്തതിന് പ്രധാന കാരണമെന്നും അദ്ദേഹം കൂട്ടിച്ചേർത്തു.
സ്റ്റെയിൻലെസ് സ്റ്റീൽ എക്സോസ്കെലിറ്റണും ബുള്ളറ്റ്പ്രൂഫ് രൂപകൽപ്പനയുമുള്ള ഇലോൺ മസ്കിന്റെ സൈബർ ട്രക് ഇതിനകം തന്നെ വിവിധ വിവാദങ്ങളിൽ ഉൾപ്പെട്ടിരിക്കുന്നു. എന്നാൽ ഇപ്പോഴിതാ മസ്കിനെ ആകെ കുഴപ്പത്തിലാക്കി ചെച്‌നിയൻ യുദ്ധപ്രഭു സൈബർട്രക്കിൽ മൌണ്ട് ചെയ്ത ഒരു യന്ത്രത്തോക്ക് സമൂഹമാധ്യമത്തിൽ പ്രദർശിപ്പിച്ചു
തൃശൂർ∙ റഷ്യന്‍ സൈനിക സംഘത്തിനു നേരെയുണ്ടായ യുക്രെയ്ൻ ഷെല്ലാക്രമണത്തില്‍ കല്ലൂര്‍ സ്വദേശി കൊല്ലപ്പെട്ടതായി ബന്ധുക്കള്‍ക്ക് വിവരം ലഭിച്ചു. എംബസിയില്‍ നിന്നുള്ള ഔദ്യോഗിക സ്ഥിരീകരണം തിങ്കളാഴ്ച ലഭിക്കുമെന്ന് റഷ്യയില്‍ നിന്നുള്ള മലയാളി സംഘടനകള്‍ അറിയിച്ചു.
മോസ്കോ ∙ റഷ്യയുടെ പടിഞ്ഞാറൻ അതിർത്തിപ്രവിശ്യയായ കർസ്കിൽ യുക്രെയ്ൻ സൈനികമുന്നേറ്റം തുടരവേ, യുക്രെയ്ൻ നഗരങ്ങളിൽ റഷ്യ ആക്രമണം ശക്തമാക്കി. വടക്കുകിഴക്കൻ യുക്രെയ്ൻ നഗരമായ സുമിയിൽ മിസൈലാക്രമണത്തിൽ വീടുകളും വാഹനങ്ങളും തകർന്നു. വൻതീപിടിത്തവുമുണ്ടായി.
യുക്രെയ്നിനെതിരെ യുദ്ധത്തിനിറങ്ങിയ റഷ്യൻ പ്രസിഡന്റ് വ്ളാഡിമിർ പുട്ടിന് ഇതിലും വലിയൊരു തിരിച്ചടി കിട്ടാനില്ല. കഴിഞ്ഞ ദിവസങ്ങളിൽ പുറത്തുവന്ന റിപ്പോർട്ടുകൾ പ്രകാരം, റഷ്യയുടെ പരിധിയിലുള്ള വലിയൊരു പ്രദേശം യുക്രെയ്ൻ സൈന്യം കീഴടക്കിയിരിക്കുന്നു. യുക്രെയ്ൻ സൈന്യം പിടിച്ചെടുത്ത കസ്കിൽ (Kursk) നിന്നും ബെൽഗൊറാദ് മേഖലയിൽ നിന്നും ആയിരക്കണക്കിന് പൗരന്മാരോട് ഒഴിഞ്ഞുപോകാൻ റഷ്യയ്ക്ക് ആവശ്യപ്പെടേണ്ടി വന്നു. കസ്‌കിൽനിന്ന് 102 റഷ്യൻ സൈനികർ യുക്രെയ്നിന്റെ പിടിയിലായി. അവിടെ ഒരു മിലിറ്ററി കമൻഡാന്റ്സ് ഓഫിസും യുക്രെയ്ൻ ആരംഭിച്ചു. 2022 ഫെബ്രുവരിയിൽ റഷ്യ കീവ് ആക്രമിച്ചതിന് ശേഷമുള്ള, ഏറ്റവും വലിയ അതിർത്തി കടന്നുള്ള ആക്രമണമാണിതെന്ന് പറഞ്ഞാൽ തെറ്റില്ല. അന്നത്തെ ആക്രമണത്തിന് ശക്തമായ തിരിച്ചടിയാണിപ്പോൾ യുക്രെയ്ൻ സൈന്യം നൽകിയിരിക്കുന്നത്. 2014ൽ തുടക്കമിട്ട് 2022 ഫെബ്രുവരിയിൽ റഷ്യയുടെ പൂർണ തോതിലുള്ള അധിനിവേശത്തോടെ രൂക്ഷമായ യുക്രെയ്ൻ– റഷ്യ സംഘർഷം ഇതോടുകൂടി മറ്റൊരു തലത്തിലേക്ക് നീങ്ങുകയാണ്. പടിഞ്ഞാറൻ റഷ്യയിലെ അതിർത്തി പ്രദേശമായ കസ്‌ക് മേഖലയ്ക്ക് തന്ത്രപ്രധാനമായും ചരിത്രപരമായും ഏറെ പ്രാധാന്യമുണ്ട്. റഷ്യൻ പ്രദേശങ്ങൾ കീഴടക്കാനുള്ള യുക്രെയ്നിന്റെ തീരുമാനം നിലവിലെ സംഘർഷ രീതി മാറ്റുന്നതിന്റെ ഭാഗമായിട്ടായിരിക്കാം. മൂന്ന് യുക്രെയ്ൻ ബ്രിഗേഡുകൾ ആണ് ഇപ്പോൾ റഷ്യൻ പ്രദേശങ്ങൾ കീഴടക്കി മുന്നേറുന്നത്. ഈ സംഘത്തിൽ ആറായിരം മുതൽ എണ്ണായിരം വരെ സൈനികർ ഉണ്ടെന്നാണ് റിപ്പോർട്ട്. ഓഗസ്റ്റ് 10ന് ശനിയാഴ്ച രാത്രി, യുക്രെയ്ൻ പ്രസിഡന്റ് വൊളോഡിമിർ സെലെൻസ്കി തന്റെ സൈന്യം റഷ്യൻ പ്രദേശത്ത് പ്രവേശിച്ചതായി സ്ഥിരീകരിച്ചിരുന്നു. റഷ്യയെ നാണംകെടുത്തിയ നീക്കമായിരുന്നു അത്. റഷ്യൻ പ്രദേശങ്ങളായ കർസ്ക്, ബ്രയാൻസ്ക്, ബെൽഗൊറാദ് എന്നിവിടങ്ങളിൽ അധികൃതർ അടിയന്തരാവസ്ഥ പ്രഖ്യാപിച്ചിരിക്കുകയാണ്. എന്തിനാണ് യുക്രെയ്ൻ സൈന്യം ഇപ്പോൾ റഷ്യൻ പ്രദേശങ്ങൾ പിടിച്ചെടുക്കുന്നത്? ഇത്ര പെട്ടെന്ന് റഷ്യൻ പ്രദേശങ്ങൾ പിടിച്ചെടുക്കാനുള്ള ശേഷിയും സംവിധാനങ്ങളും യുക്രെയ്ൻ സൈന്യത്തിന് എവിടെ നിന്ന് ലഭിച്ചു? പരിശോധിക്കാം.
കീവ്∙ റഷ്യൻ മണ്ണിൽ സ്വയം പ്രതിരോധത്തിനായി യുക്രെയ്ന് തങ്ങൾ നൽകിയ ആയുധങ്ങൾ ഉപയോഗിക്കാമെന്ന് ബ്രിട്ടീഷ് പ്രതിരോധ മന്ത്രാലയം. യുക്രെയ്ൻ റഷ്യക്കുള്ളിൽ നടത്തുന്ന പ്രവർത്തനങ്ങളെ ബ്രിട്ടൺ തടയുന്നില്ലെന്നും പ്രതിരോധ മന്ത്രാലയ വക്താവ് അറിയിച്ചു. റഷ്യയുടെ ഭാഗമായ കുർസ്ക് മേഖലയ്ക്കുള്ളിൽ യുക്രെയ്ൻ സൈനികർ
ന്യൂ ഒർലിയൻസ് ∙ റഷ്യയിലേക്കുള്ള യുക്രെയ്ന്റെ സൈനിക കടന്നുകയറ്റം റഷ്യൻ പ്രസിഡന്റ് വ്ലാഡിമിർ പുട്ടിന് യഥാർഥ പ്രതിസന്ധി സൃഷ്ടിച്ചിരിക്കുകയാണെന്ന് യുഎസ് പ്രസിഡന്റ് ജോ ബൈഡൻ. യുക്രെയ്ന്റെ നീക്കങ്ങൾ സംബന്ധിച്ച് യുഎസ് അധികൃതർ അവരുമായി നിരന്തരം ബന്ധപ്പെടുന്നുണ്ടെന്നും അദ്ദേഹം പറഞ്ഞു. കഴിഞ്ഞ ആറു മുതൽ എട്ടു ദിവസമായി യുക്രെയ്ന്റെ നടപടിയെക്കുറിച്ച് നാലോ അഞ്ചോ മണിക്കൂർ ഇടവിട്ട് തനിക്ക് വിവരങ്ങൾ ലഭിക്കുന്നുണ്ടെന്ന് ബൈഡൻ പറഞ്ഞു. ഓഗസ്റ്റ് 6 ന് പുലർച്ചെയാണ് ആയിരത്തോളം യുക്രെയ്ൻ സൈനികർ ടാങ്കുകളും കവചിത വാഹനങ്ങളുമായി റഷ്യൻ അതിർത്തി കടന്ന് കുർസ്ക് മേഖലയിൽ തമ്പടിച്ചത്.
കീവ് ∙ റഷ്യയുടെ ഭാഗമായ കുര്‍സ്ക് മേഖലയ്ക്കുള്ളിൽ യുക്രെയ്ൻ സൈനികർ പ്രവർത്തിക്കുന്നുണ്ടെന്ന് യുക്രെയ്ൻ പ്രസിഡന്റ് വൊളോഡിമിര്‍ സെലന്‍സ്കി. റഷ്യൻ മേഖലയിൽ കടന്നുകയറിയതു സംബന്ധിച്ച് ആദ്യമായാണ് യുക്രെയ്ൻ സ്ഥിരീകരിക്കുന്നത്. സമൂഹ മാധ്യമത്തിൽ പോസ്റ്റ് ചെയ്ത കുറിപ്പിലാണ് സെലന്‍സ്കി സ്ഥിരീകരിച്ചത്.
ചണ്ഡിഗഡ് ∙ യുക്രെയ്നെതിരെ യുദ്ധം ചെയ്യാൻ റഷ്യൻ സേന നിർബന്ധിച്ചയച്ച ഹരിയാന സ്വദേശി കൊല്ലപ്പെട്ടു. കൈത്തൽ ജില്ലയിലെ മാതൗർ സ്വദേശിയായ രവി മൗൻ (22) മരിച്ചതായി വിവരം ലഭിച്ചെന്ന് അദ്ദേഹത്തിന്റെ സഹോദരൻ അറിയിച്ചു. മോസ്കോയിലെ ഇന്ത്യൻ എംബസി മരണം സ്ഥിരീകരിച്ചു. കഴിഞ്ഞ ജനുവരി 13ന് ആണ് ഗതാഗതമേഖലയിലെ ജോലിക്കായി
ന്യൂഡൽഹി ∙ പ്രധാനമന്ത്രി നരേന്ദ്ര മോദി ഓഗസ്റ്റ് അവസാനവാരം യുക്രെയ്ൻ സന്ദർശിച്ചേക്കും. ഓഗസ്റ്റ് 24ന് യുക്രെയ്ൻ ദേശീയ ദിനമാണ്. ഇതിനോടനുബന്ധിച്ചാകും സന്ദർശനമെന്നാണു സൂചന. ഇക്കാര്യത്തിൽ ഔദ്യോഗിക അറിയിപ്പൊന്നും വന്നിട്ടില്ല. റഷ്യ–യുക്രെയ്ൻ യുദ്ധം ആരംഭിച്ചശേഷം ഈ മാസാദ്യം പ്രധാനമന്ത്രി നരേന്ദ്ര മോദി റഷ്യ സന്ദർശിച്ചിരുന്നു. ഇറ്റലിയിൽ ജി–7 ഉച്ചകോടിക്കിടെ യുക്രെയ്ൻ പ്രസിഡന്റ് വൊളോഡിമിർ സെലെൻസ്കി മോദിയെ യുക്രെയ്നിലേക്ക് ക്ഷണിച്ചിരുന്നു. സമീപരാജ്യമായ പോളണ്ടും മോദി സന്ദർശിച്ചേക്കും.
രണ്ടാം ലോക മഹായുദ്ധത്തിന്‌ ശേഷം യൂറോപ്പില്‍ സമാധാനം ഉറപ്പാക്കുന്നതിന്‌ വേണ്ടി ഉണ്ടാക്കിയ സൈനിക സഖ്യമാണ്‌ നോര്‍ത്ത്‌ അറ്റ്ലാന്റിക്‌ ട്രീറ്റി ഓര്‍ഗനൈസേഷന്‍ (നാറ്റോ– NATO). 1949ല്‍ യൂറോപ്പിലെ പത്തു രാജ്യങ്ങളും അമേരിക്കയും കാനഡയും അടക്കമുള്ള പന്ത്രണ്ട്‌ രാഷ്ട്രങ്ങളും ചേര്‍ന്നാണ്‌ ഇതിനു തുടക്കം കുറിച്ചത്‌. ഒരു യുദ്ധം പൊട്ടിപ്പുറപ്പെടുകയാണെങ്കില്‍ ഈ സഖ്യത്തിലെ അംഗരാജ്യങ്ങള്‍ പരസ്പരം സഹായിക്കുമെന്ന മിനിമം ധാരണയുടെ അടിസ്ഥാനത്തിലാണ്‌ ഇത് നിലവില്‍ വന്നത്‌. നാറ്റോയ്ക്കു വേണ്ടി പാരിസില്‍ സ്ഥാപിച്ച സൈനിക കാര്യാലയം 1950ല്‍ ഇതിന്റെ മുഴുവന്‍ സമയ ഓഫിസായി വളരെ വേഗം പരിണാമം പ്രാപിച്ചു. ചില അഭിപ്രായവ്യത്യാസങ്ങളെ തുടര്‍ന്ന്‌ ഫ്രാന്‍സ്‌ സൈനിക സഹകരണത്തില്‍ നിന്നും പിന്‍വാങ്ങിയതിനെ തുടര്‍ന്ന്‌ കൂടുതല്‍ വിപുലമായ ഒരു സ്ഥിരകാര്യാലയം 1967ല്‍ ബ്രസ്സൽസിൽ നിലവില്‍ വന്നു. 1991ല്‍ സോവിയറ്റ് യൂണിയന് തകരുന്നത്‌ വരെ യൂറോപ്പില്‍ സമാധാനം നിലനിര്‍ത്തുന്നതില്‍ വലിയ പങ്കു വഹിക്കുവാന്‍ ഈ സഖ്യത്തിന്‌ കഴിഞ്ഞിട്ടുണ്ട്‌. നാറ്റോയുടെ പട്ടാള സംബന്ധമായ കാര്യങ്ങള്‍ നോക്കുവാനും ആവശ്യമുള്ളപ്പോള്‍ വിന്യസിക്കുവാനും വേണ്ട നേതൃത്വം നല്‍കുന്നതിനായി ഒരു മിലിട്ടറി കമാന്‍ഡ്‌ (Military Command) ഉണ്ട്‌. 1991നു ശേഷം യൂറോപ്പിലെ ബാല്‍ക്കന്‍ തുരുത്തില്‍ ഉടലെടുത്ത ദേശീയവാദത്തെ നിയന്ത്രിക്കുന്നതില്‍ യുഎൻ സേനയെ സഹായിക്കുവാനും അതിനു ശേഷം ഉയര്‍ന്ന ഭീകരതയെ
കീവ്∙ യുക്രെയ്നിൽ മുൻ നാഷനലിസ്റ്റ് എംപി ഐറിന ഫാരിയോൺ (60) വെടിയേറ്റ് മരിച്ചു. പടിഞ്ഞാറൻ നഗരമായ ലിവിവിലെ തെരുവിലാണ് ഐറിനയ്ക്ക് നേരെ ആക്രമണമുണ്ടായത്. യുക്രെയ്നിലെ 'യഥാർത്ഥ ദേശസ്നേഹികൾ' ഒരു സാഹചര്യത്തിലും റഷ്യൻ ഭാഷ സംസാരിക്കരുതെന്ന് നിലപാട് സ്വീകരിച്ച് ഐറിന കഴിഞ്ഞ വർഷം വിവാദത്തിൽ അകപ്പെട്ടിരുന്നു.
റഷ്യയും യുക്രെയ്നുമായുള്ള യുദ്ധത്തിനു ഒത്താശ ചെയ്തത് ചൈനയെന്നു കുറ്റപ്പെടുത്തി നാറ്റോ. ബുധനാഴ്ച യുഎസിലെ വാഷിങ്ടനില്‍ ചേർന്ന നാറ്റോയുടെ 75–ാം വാർഷിക ഉച്ചകോടിയിലാണ് റഷ്യ–യുക്രെയ്ൻ യുദ്ധത്തിൽ ആദ്യമായി ചൈയ്ക്കെതിരെ പരസ്യമായ ആരോപണം ഉന്നയിച്ചത്. യുക്രെയിന് എതിരായ റഷ്യൻ ആക്രമണങ്ങളിൽ ചൈന നിര്‍ണായക ശക്തിയാണെന്നും ആയുധങ്ങളും സാങ്കേതികവിദ്യയും കയറ്റുമതി ചെയ്യുന്നതിൽനിന്നും ചൈനയെ തടയണമെന്നും നാറ്റോ ആവശ്യപ്പെട്ടു. നാറ്റോ സെക്രട്ടറി ജനറല്‍ ജെന്‍സ് സ്റ്റോള്‍ട്ടന്‍ബെര്‍ഗ് അവതരിപ്പിച്ച പ്രസ്താവന 32 രാജ്യങ്ങൾ അംഗീകരിച്ചു.
വാഷിങ്ടനിൽ യുഎസ് നേതൃത്വത്തിലുള്ള സൈനിക സഖ്യമായ നാറ്റോയുടെ ഉച്ചകോടി ആരംഭിക്കവേ, മോസ്കോയിൽ ഇന്ത്യയുടെ പ്രധാനമന്ത്രി നരേന്ദ്ര മോദിയെ നാറ്റോയുടെ മുഖ്യശത്രുവായ റഷ്യൻ പ്രസിഡന്റ് വ്ളാഡിമിർ പുട്ടിൻ ആലിംഗനം ചെയ്തു സ്വീകരിച്ചതു ലോകശ്രദ്ധ നേടി. പാശ്ചാത്യലോകത്തുനിന്നു വിമർശനം പ്രതീക്ഷിച്ചുതന്നെയാണ് ഇന്ത്യ സന്ദർശനവുമായി മുന്നോട്ടുപോയതെന്നു വ്യക്തമാണ്. നാറ്റോ ഉച്ചകോടിയുമായി സന്ദർശനത്തിനു ബന്ധമില്ലെന്ന് ഇന്ത്യയുടെ വിദേശകാര്യ മന്ത്രാലയം നേരത്തേതന്നെ വ്യക്തമാക്കിയിരുന്നു. നാറ്റോ രൂപീകരണത്തിന്റെ 75–ാം വാർഷികത്തോടനുബന്ധിച്ച് നടത്തുന്ന ഉച്ചകോടിയുടെ പശ്ചാത്തലത്തിൽ, മോദിയുടെ സന്ദർശനം മുതലെടുക്കാൻ പുട്ടിൻ ആവുന്നത്ര ശ്രമിക്കുമെന്നും പാശ്ചാത്യലോകത്തിനു ബോധ്യമുണ്ടായിരുന്നു. റഷ്യയുടെ പരമോന്നത ബഹുമതി മോദിക്കു സമ്മാനിക്കുമെന്നു നേരത്തേ മോസ്കോ അറിയിച്ചിരുന്നു.
വാഷിങ്ടൻ ∙ യുക്രെയ്നുമായുള്ള യുദ്ധം അവസാനിപ്പിക്കാൻ ഇന്ത്യയ്ക്കു സാധിക്കുമെന്നു യുഎസ്. റഷ്യൻ പ്രസിഡന്റ് വ്ളാഡിമിർ പുട്ടിനെ യുദ്ധം അവസാനിപ്പിക്കുന്നതിനു പ്രേരിപ്പിക്കാൻ ഇന്ത്യയുടെ ബന്ധം സഹായിക്കുമെന്നു വൈറ്റ് ഹൗസ് വക്താവ് കരീൻ ജീൻ പിയറി പറഞ്ഞു. യുക്രെയ്ൻ തലസ്ഥാനമായ കീവിൽ കുട്ടികളുടെ ആശുപത്രിയിൽ
ഹൂസ്റ്റണ്‍∙ യുഎസ് മുന്‍ പ്രസിഡന്റ് ഡോണള്‍ഡ് ട്രംപിന് അനുകൂലമായി തിരഞ്ഞെടുപ്പ് കാറ്റ് മാറി വീശുമ്പോള്‍ രാജ്യാന്തര രാഷ്ട്രീയ സമവാക്യങ്ങള്‍ മാറുമോ എന്നാണ് നയതന്ത്ര വിദഗ്ധര്‍ ഉറ്റുനോക്കുന്നത്. ഇതിനു കാരണമായിരിക്കുന്നത് യുക്രെയ്ൻ യുദ്ധവുമായി ബന്ധപ്പെട്ട് ട്രംപിന്റെ നിര്‍ദ്ദേശങ്ങള്‍ പരിഗണിക്കുമെന്ന
പാശ്ചാത്യലോകവുമായും റഷ്യയുമായും അടുത്ത ബന്ധം നിലനിർത്തുന്ന ഏക ശക്തിയെന്ന നിലയിൽ ഇന്ത്യൻ പ്രധാനമന്ത്രിയുടെ നാളെ ആരംഭിക്കുന്ന മോസ്കോ സന്ദർശനം ലോകം വളരെ ശ്രദ്ധയോടെയാവും നിരീക്ഷിക്കുക. യുക്രെയ്ൻ യുദ്ധമാരംഭിച്ചശേഷം മോദി നടത്തുന്ന ആദ്യത്തെ റഷ്യ സന്ദർശനമാണിത്. പ്രശ്നം രമ്യമായി പരിഹരിക്കുന്നതിന് തന്നാലാവുന്നത് ചെയ്യാമെന്ന്് മോദി യുക്രെയ്ൻ പ്രസിഡന്റിനു വാക്കുനൽകിയതിന്റെ പശ്ചാത്തലത്തിൽ ഇരുനേതാക്കളുടെയും പരസ്യപ്രസ്താവനകൾക്കതീതമായ നയതന്ത്ര നീക്കങ്ങൾ അറിയാൻ ലോകം കാത്തിരിക്കുന്നു.
മനോരമ ഓൺലൈനിൽ പോയവാരം പ്രസിദ്ധീകരിച്ച ശ്രദ്ധേയവും വായിക്കപ്പെട്ടതുമായ പത്തു സ്റ്റോറികൾ ഒപ്പം പോയവാരത്തിലെ മികച്ച വിഡിയോയും പോഡ്കാസ്റ്റും.
രണ്ടാം ലോക മഹായുദ്ധത്തിലെ ഭീകരമായ രക്തച്ചൊരിച്ചിലിനു ശേഷം ഏകദേശം ഏഴു ദശാബ്ദത്തോളം യുദ്ധകാഹളം മുഴങ്ങാതിരുന്ന യൂറോപ്പ് ഭൂഖണ്ഡത്തിൽ അശാന്തിയുടെ കാർമേഘം സൃഷ്ടിച്ച സംഭവമാണ് യുക്രെയ്ന്റെ നേരെയുള്ള റഷ്യയുടെ ആക്രമണം. 2022 ഫെബ്രുവരി മാസത്തില്‍ തുടങ്ങിയ യുദ്ധം 28 മാസങ്ങൾ പിന്നിട്ടിട്ടും അവസാനിക്കാറായ ലക്ഷണമൊന്നും കാണുന്നില്ല. സമാധാനം പുനഃസ്ഥാപിക്കാൻ ഐക്യരാഷ്ട്ര സംഘടന തുടങ്ങി പല രാഷ്ട്രങ്ങൾ വരെ മുൻകൈയെടുത്തു നടത്തിയ ശ്രമങ്ങൾ ഇതു വരെ വിജയം കണ്ടിട്ടില്ല. ഈ രീതിയിലുള്ള വിഫലമായ ശ്രമങ്ങളിൽ അവസാനത്തേതാണ് 2024 ജൂണിൽ സ്വിറ്റ്സർലൻഡിലെ ബർജിൻസ്റ്റോക്കിൽ ഇന്ത്യയടക്കം തൊണ്ണൂറോളം രാജ്യങ്ങൾ പങ്കെടുത്ത ഉച്ചകോടി. ഈ യുദ്ധത്തിന്റെ മൂലകാരണം അറിയണമെങ്കിൽ നമ്മൾ ചരിത്രത്തിൽ അല്‍പം പിറകോട്ട് സഞ്ചരിക്കണം. 1980കളുടെ അവസാന വർഷങ്ങൾ വരെ യുഎസിനോട് കിടപിടിക്കുന്ന ഒരു ആഗോളശക്തിയായിരുന്നു ഇന്നത്തെ റഷ്യ ഉൾപ്പെടുന്ന അന്നത്തെ സോവിയറ്റ് യൂണിയൻ. റഷ്യ അടക്കമുള്ള 15 രാജ്യങ്ങൾ (Republics) ചേർന്നുണ്ടായ, കമ്യൂണിസ്റ്റ് പാർട്ടി ഭരിച്ചിരുന്ന ഈ രാഷ്ട്രം ലോകത്തിലെ ഏറ്റവും വലിയ രാജ്യം മാത്രമല്ല സൈനിക ശക്തിയിൽ ഒരു ഭീമൻ കൂടിയായിരുന്നു. ഇതിനു പുറമേ കിഴക്കൻ യൂറോപ്പിലെ രാഷ്ട്രങ്ങളെയെല്ലാം കമ്യൂണിസ്റ്റ് പാർട്ടിയുടെ കുടക്കീഴിൽ നിർത്തി വാർസാ ഉടമ്പടി (Warsaw Pact) എന്ന പേരിൽ അമേരിക്കയെയും പാശ്ചാത്യ രാജ്യങ്ങളെയും വെല്ലുവിളിക്കുന്ന ഒരു മുന്നണി ഉയർത്തുവാനും സോവിയറ്റ് യൂണിയന് കഴിഞ്ഞു. എന്നാൽ 1985ൽ മോസ്കോയിൽ അധികാരത്തിൽ വന്ന മിഖായേൽ ഗോർബച്ചേവ് കൊണ്ടു വന്ന ഭരണ പരിഷ്കാരങ്ങളായ സുതാര്യത (glasnost), പൊളിച്ചെഴുത്ത് (perestroika) എന്നിവയും സോവിയറ്റ് യൂണിയൻ നേരിട്ട കടുത്ത സാമ്പത്തിക പ്രതിസന്ധിയും മൂലം ഈ മുന്നണിയില്‍ വിള്ളലുകൾ വന്നു. ഒന്നിനു പിറകെ ഒന്നായി കിഴക്കൻ യൂറോപ്പിലെ രാഷ്ട്രങ്ങൾ കമ്യൂണിസ്റ്റ് ഭരണത്തിൽനിന്നും പുറത്തു വന്നു. ഇതിനെ തുടർന്ന്, സോവിയറ്റ് യൂണിയന്റെ ഭാഗമായിരുന്ന രാജ്യങ്ങളും മോസ്കോയുടെയും കമ്യൂണിസ്റ്റ് പാർട്ടിയുടെയും അധീശത്തിൽനിന്നും വിമുക്തരായി സ്വയംഭരണാവകാശമുള്ള സ്വതന്ത്ര രാഷ്ട്രങ്ങളായി ജനനം കുറിച്ചു. റഷ്യയിലും കമ്യൂണിസ്റ്റ് ഭരണം അവസാനിച്ചു; അവിടെ തിരഞ്ഞെടുപ്പിലൂടെ ബോറിസ് യെൽസിൻ പ്രസിഡന്റ് ആയി 1991 ഡിസംബറിൽ സ്ഥാനമേറ്റു.
പ്യോങ്യാങ് ∙ ഇരുരാജ്യങ്ങളും തമ്മിലുള്ള വാണിജ്യ – സുരക്ഷാ ബന്ധം ശക്തിപ്പെടുത്താന്‍ റഷ്യൻ പ്രസിഡന്റ് വ്ളാഡിമിർ പുട്ടിൻ ഉത്തര കൊറിയയിലെത്തും. 24 വർഷത്തിനു ശേഷമാണു ഒരു റഷ്യൻ പ്രസിഡന്റ് ഉത്തര കൊറിയ സന്ദർശിക്കുന്നത്. യാത്രയ്ക്കു മുൻപ്, യുക്രെയ്നുമായുള്ള യുദ്ധത്തില്‍ ഉത്തര കൊറിയ റഷ്യയ്ക്ക് നൽകിയ സഹായങ്ങളെ
ബർഗൻസ്റ്റോക്ക്∙ യുക്രെയ്ന്റെ ഭൂമിശാസ്ത്രപരമായ അഖണ്ഡതയെ അടിസ്ഥാനമാക്കിയുള്ളതാകണം റഷ്യയുമായുള്ള സമാധാനക്കരാർ എന്ന ആവശ്യമുയർത്തി രണ്ടു ദിവസത്തെ യുക്രെയ്ൻ സമാധാന ഉച്ചകോടി അവസാനിച്ചു. തൊണ്ണൂറിലേറെ രാജ്യങ്ങൾ പങ്കെടുത്ത ഉച്ചകോടിയുടെ സംയുക്ത പ്രസ്താവനയിൽ ഒപ്പു വയ്ക്കുന്നതിൽനിന്ന് ഇന്ത്യ, സൗദി അറേബ്യ,
റഷ്യ– യുക്രെയ്ൻ യുദ്ധം അതിന്റെ ഏറ്റവും കടുത്ത പോരാട്ടത്തിലേക്കു കടക്കുകയാണ്. യുദ്ധത്തിന്റെ ആദ്യനാളുകളിൽ റഷ്യൻ പ്രസിഡന്റ് വ്ലാഡിമിർ പുട്ടിൻ യുക്രെയ്നിനും സഖ്യരാജ്യങ്ങൾക്കും മുന്നിൽ വരച്ച ചുവപ്പുവരകളിൽ അവസാനത്തേതും അവർ മറികടന്നതോടെ യൂറോപ്പിൽ മറ്റൊരു മഹായുദ്ധത്തിനും, ശീതയുദ്ധകാലത്തിലെന്ന പോലെ ക്യൂബയിൽ മറ്റൊരു മിസൈൽ പ്രതിസന്ധിക്കും കളമൊരുങ്ങുന്നു. അമേരിക്കയും ഇംഗ്ലണ്ടും മറ്റു നാറ്റോ സഖ്യരാജ്യങ്ങളും നൽകിയ ആയുധങ്ങളുപയോഗിച്ച് റഷ്യൻ ഭൂപ്രദേശങ്ങൾക്കു നേർക്ക് യുക്രെയ്ൻ ആക്രമണം തുടങ്ങിയതോടെ ശക്തമായ പ്രതികാര നടപടികൾക്ക് റഷ്യ ഒരുക്കവും തുടങ്ങി. യുക്രെയ്ൻ സൈന്യത്തിന് പിന്തുണയുമായി എത്തിയ ഫ്രഞ്ച് സൈനികരെ ലക്ഷ്യമിടുകയാണെന്ന് വ്യക്തമാക്കിയ റഷ്യ, യുക്രെയ്നിലൂടനീളം മിസൈൽ, ഡ്രോൺ ആക്രമണങ്ങളും പതിവാക്കി കഴിഞ്ഞു. റഷ്യൻ ഗ്രേറ്റ് സമ്മർ ഒഫൻസീവിന്റെ ഭാഗമായി ഹർകീവ് മേഖലയിൽ യുക്രെയ്നിയൻ പ്രതിരോധം തകർത്ത് അതിവേഗം മുന്നേറ്റം നടത്തിയ റഷ്യൻ സേന വൻ ഭൂപ്രദേശവും പിടിച്ചെടുത്തു. കൂടാതെ കിഴക്കൻ യുക്രെയ്നിലെ ഡോൺബാസ് മേഖലയിലും ബാഖ്മുതിന്റെ പടിഞ്ഞാറൻ മേഖലയിലെ ചാസിവീയാറിലും യുക്രെയ്നിയൻ പ്രതിരോധത്തെ കൂടുതൽ ദുർ‌ബലമാക്കി റഷ്യൻ സേന മുന്നേറ്റവും തുടരുകയാണ്. സഖ്യകക്ഷികൾ സംഭാവന നൽകിയ എഫ് 16 യുദ്ധവിമാനങ്ങൾ ഏതു നിമിഷവും യുദ്ധക്കളത്തിൽ ഇറങ്ങുമെന്നും യുദ്ധഗതി മാറ്റിമറിക്കുമെന്ന വിശ്വാസത്തിൽ മറ്റൊരു കൗണ്ടർ ഒഫൻസീവിനായി (പ്രത്യാക്രമണം) യുക്രെയ്ൻ സേനയും ഒരുക്കം തുടരുന്നു. നാറ്റോയില്‍ ചേരാമെന്നുള്ള സ്വപ്നം യുക്രെയ്ൻ അവസാനിപ്പിക്കുകയും റഷ്യ പിടിച്ചെടുത്ത നാലു മേഖലകൾ പൂർണമായും വിട്ടുതരികയും ചെയ്താൽ യുദ്ധം അവസാനിപ്പിക്കുന്നതിനെപ്പറ്റി ആലോചിക്കാമെന്നും പുട്ടിൻ കഴിഞ്ഞ ദിവസം പറഞ്ഞിരുന്നു. അതു നടക്കില്ലെന്ന് യുക്രെയ്നും വ്യക്തമാക്കി. യുദ്ധം തുടരുമെന്നതു വ്യക്തം. യുക്രെയ്നിലെ യുദ്ധഭൂമിയിലും പുറത്തും എന്താണ് സംഭവിക്കുന്നത്?. റഷ്യ – യുക്രെയ്ൻ യുദ്ധം വളർന്നു യൂറോപ്പിന്റെ മഹായുദ്ധമായി മാറുമോ? അമേരിക്കയ്ക്കും റഷ്യയ്ക്കുമിടയിൽ രണ്ടാം ക്യൂബൻ മിസൈൽ പ്രതിസന്ധി രൂപപ്പെടുമോ? യുദ്ധഗതി എങ്ങോട്ടാണ്...? വിശദമായി പരിശോധിക്കാം.
ന്യൂഡൽഹി∙ റഷ്യ–യുക്രെയ്ൻ സംഘർഷത്തിൽ രണ്ട് ഇന്ത്യക്കാർ കൊല്ലപ്പെട്ടു. റഷ്യൻ സൈന്യം റിക്രൂട്ട് ചെയ്തവരാണ് കൊല്ലപ്പെട്ടതെന്ന് വിദേശകാര്യമന്ത്രാലയം സ്ഥിരീകരിച്ചു. റഷ്യൻ സൈന്യത്തോടൊപ്പമുള്ള ഇന്ത്യക്കാരുടെ മോചനത്തിനായി ഇടപെട്ടിട്ടുണ്ടെന്നും ഇന്ത്യക്കാരെ റിക്രൂട്ട് ചെയ്യരുതെന്ന് ആവശ്യപ്പെട്ടതായും
മെയ് 31നാണ് അമേരിക്കന്‍ നിര്‍മിത ആയുധങ്ങള്‍ റഷ്യന്‍ മണ്ണില്‍ ഉപയോഗിക്കാന്‍ യുക്രെയ്‌നുള്ള നിരോധനം അമേരിക്കന്‍ പ്രസിഡന്റ് ജോ ബൈഡന്‍ എടുത്തു കളഞ്ഞത്. ഇതിനെ തുടര്‍ന്നാണ് യുക്രെയ്നുമായുള്ള യുദ്ധം ആണവ ദുരന്തത്തില്‍ അവസാനിച്ചേക്കാമെന്ന മുന്നറിയിപ്പുമായി മുന്‍ റഷ്യന്‍ പ്രസിഡന്റ് ദിമിത്രി മെദ്‌വദേവ്
തണുപ്പിന്റെ തലസ്ഥാനമാണ് അന്റാർട്ടിക്ക. ആർക്കും ഭരണമില്ലാത്ത ആ വൻകരയിൽ സമാധാനത്തിനും ശാസ്ത്രഗവേഷണത്തിനുമുള്ള രാജ്യാന്തര സഹകരണം മാത്രമാണുള്ളത്. അവിടത്തെ പരിസ്ഥിതിസംരക്ഷണത്തിന്റെ അടിസ്ഥാനം 1961ൽ നിലവിൽവന്ന അന്റാർട്ടിക്ക ഉടമ്പടിയാണ്. അതാണ് അന്റാർട്ടിക്കയുടെ ഭരണഘടന. ഉടമ്പടിയിലുൾപ്പെട്ട 57 രാജ്യങ്ങൾ എല്ലാവർഷവും യോഗം ചേർന്നു സ്ഥിതിഗതികൾ വിലയിരുത്തുകയും പരിസ്ഥിതിസംരക്ഷണവും ശാസ്ത്രഗവേഷണവും മുൻനിർത്തിയുള്ള നയരൂപീകരണം നടത്തുകയും ചെയ്യുന്നു. ഇത്തവണത്തെ അന്റാർട്ടിക്ക ഉടമ്പടി കൂടിയാലോചനാ യോഗത്തിന് (എടിസിഎം) ആതിഥ്യം വഹിച്ചതു കൊച്ചിയാണ്. അന്റാർട്ടിക്കയുടെ സംരക്ഷണത്തിൽ ലോകത്തിന്റെ പ്രതിജ്ഞാബദ്ധത തെളിയിക്കുന്നതായി ഈ നിർണായക സമ്മേളനം.
മോസ്കോ ∙ യുക്രെയ്നുമായുള്ള യുദ്ധം നിർത്തിവയ്ക്കാൻ റഷ്യൻ പ്രസിഡന്റ് വ്ലാഡിമർ പുട്ടിൻ തയാറായതായി റിപ്പോർട്ട്. നിലവിൽ പിടിച്ചെടുത്ത പ്രദേശങ്ങൾ അംഗീകരിച്ചുകൊണ്ടും പോരാട്ടം നടക്കുന്ന മേഖലകളിൽ സാന്നിധ്യം നിലനിർത്തിക്കൊണ്ടുമുള്ള വെടിനിർത്തലിനാണ് പുട്ടിൻ തയാറാകുന്നതെന്ന് റഷ്യൻ കേന്ദ്രങ്ങളെ ഉദ്ധരിച്ചുകൊണ്ട് വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു.
യുദ്ധം തുടങ്ങിയതിൽ പിന്നെ റഷ്യയിലെ സാധാരണക്കാരുടെ വരുമാനം 20 ശതമാനം വരെ കൂടിയിട്ടുണ്ട് എന്നാണ് റിപ്പോർട്ടുകൾ. റഷ്യൻ സർക്കാർ കൂടുതൽ പണം സമ്പദ് വ്യവസ്ഥയിലേക്ക് ഒഴുക്കിയതാണ് ഇതിനു കാരണം. ഇത് റഷ്യൻ സമ്പദ് വ്യവസ്ഥയിൽ ജനങ്ങൾക്കുള്ള വിശ്വാസം ഉയർത്താനും സഹായിച്ചിട്ടുണ്ട്. ഇന്ത്യയെ പോലുള്ള സൗഹൃദ
ബെൽഗൊറോദ് നഗരത്തിൽയുക്രെയ്ൻ ആക്രമണം നടത്തിയതായി റഷ്യ . ഒരു പാർപ്പിടസമുച്ചയം മൊത്തത്തിൽ നശിപ്പിക്കപ്പെട്ടു. നിരവധിപ്പേർ കൊല്ലപ്പെട്ടു. നൂറിലേറെപ്പേർക്ക് പരുക്ക് പറ്റി.റഷ്യ–യുക്രെയ്ൻ യുദ്ധം യുക്രെയ്നിൽ കനത്ത നാശനഷ്ടങ്ങൾ ഉണ്ടായെങ്കിലും റഷ്യൻ മേഖലകളിൽ യുദ്ധത്തിന്റെ കഠിനത കാര്യമായി
കീവ് ∙ യുക്രെയ്നിൽ രൂക്ഷയുദ്ധം നടക്കുന്ന ഹർകീവ് മേഖലയിലെ ഹറ്റിഷ, ക്രാസ്നേ, മോറോഖൊവെറ്റ്സ്, ഒളിനിക്കോവ് എന്നീ ഗ്രാമങ്ങൾ പിടിച്ചെടുത്തതായി റഷ്യ പ്രതിരോധവകുപ്പ് അറിയിച്ചു. കഴിഞ്ഞ ദിവസം വേറെ 5 ഗ്രാമങ്ങൾ പിടിച്ചെടുത്തതായും റഷ്യ പറഞ്ഞിരുന്നു. യുദ്ധം കനത്തതോടെ നാലായിരത്തിലധികം നാട്ടുകാർ പലായനം ചെയ്തു.
തിരുവനന്തപുരം∙ യുക്രെയ്ൻ സൈന്യത്തിന്റെ ഡ്രോൺ ആക്രമണത്തിൽനിന്നു രക്ഷപ്പെടാൻ റഷ്യൻ സൈനികരുടെ ശവശരീരത്തിൽ പറ്റിപ്പിടിച്ചു കിടന്നു... യുദ്ധമുഖത്തുനിന്നു രക്ഷപ്പെട്ടു നാട്ടിൽ തിരിച്ചെത്തിയ അഞ്ചുതെങ്ങ് കുന്നുംപുറത്ത് പനിയമ്മയുടെയും സിൽവയുടെയും മകൻ വിനീത് (22)പങ്കുവയ്ക്കുന്നത് ഭീതിജനകമായ അനുഭവങ്ങൾ.
നിർണായക ഘട്ടത്തിലേക്കു കടക്കുകയാണ് റഷ്യ - യുക്രെയ്ൻ യുദ്ധം. രണ്ടു വർഷമായി തുടരുന്ന യുദ്ധത്തിന്റെ രൂപവും ഭാവവും മാറുന്നു. സമാധാന ചർച്ചകളുടെ സാധ്യതകളെല്ലാം കാറ്റിൽപറത്തി യുക്രെയ്നിലേക്കു വീണ്ടും അമേരിക്കയുടെയും നാറ്റോയുടെയും ആയുധ സൈനിക സഹായ പ്രവാഹത്തിനും തുടക്കമായി. എന്നാൽ അവ്ദിവ്കയുടെ പതനത്തിനു പിന്നാലെ യുദ്ധഭൂമിയിൽ മതിയായ ആയുധങ്ങളും സൈനികരുമില്ലാതെ യുക്രെയ്ൻ തുടർച്ചയായി തിരിച്ചടികൾ നേരിട്ടുകൊണ്ടിരിക്കുകയാണ്. മേയ് അവസാനത്തോടെയോ ജൂൺ ആദ്യവാരത്തോടെയോ റഷ്യൻ സേന അവരുടെ ‘സമ്മർ ഒഫൻസീവിന്റെ’ ഭാഗമായി സമ്പൂർണ ആക്രമണം അഴിച്ചുവിട്ടേക്കുമെന്ന ആശങ്കയിൽ ഖാർകീവിൽനിന്നും ഒഡേസയിൽനിന്നും വൻതോതിൽ സാധാരണ ജനങ്ങൾ ഒഴിഞ്ഞുപോകുന്നു. റഷ്യയുടെ മുന്നേറ്റം തടയാൻ യുദ്ധമുന്നണിയിൽനിന്ന് ഏറെ പിന്നിലായി പ്രതിരോധ നിരയൊരുക്കാനുള്ള കഠിന ശ്രമത്തിലാണ് യുക്രെയ്ൻ. യുക്രെയ്ൻ പ്രതിരോധം തകർന്നാൽ തലസ്ഥാനമായ കീവിന്റെയും കിഴക്കൻ യുക്രെയ്നിൽ അവശേഷിക്കുന്ന ഏക തുറമുഖ നഗരമായ ഒഡേസയുടെയും സുരക്ഷ ഏറ്റെടുക്കാൻ ഫ്രാൻസിന്റെ നേതൃത്വത്തിൽ നാറ്റോ രാജ്യങ്ങൾ ഒരുക്കവും തുടങ്ങി. യുദ്ധം കൂടുതൽ കടുത്തതോടെ സ്വർണ- ക്രൂഡ് ഓയിൽ വിലകൾ ഉയർന്നു തുടങ്ങിയത് ആഗോള സമ്പദ്‌വ്യവസ്ഥയെയും പ്രതികൂലമായി ബാധിക്കാൻ തുടങ്ങി. അമേരിക്കൻ സെനറ്റ് അംഗീകരിച്ച 6100 കോടി ഡോളറിന്റെ സാമ്പത്തിക സഹായ സൈനിക പാക്കേജിന്റെ ഭാഗമായി ദീർഘദൂര മിസൈലുകളും എഫ് 16 യുദ്ധവിമാനങ്ങളും യുക്രെയ്നിന്റെ ആയുധപ്പുരകളിലേക്കും എത്തുന്നു. പ്രതിരോധത്തിനൊപ്പം ദീർഘദൂര മിസൈലുകളുപയോഗിച്ച്, റഷ്യയുടെ അധീനതയിലുള്ള ക്രൈമിയയ്ക്കു നേർക്ക് ആക്രമണം തുടങ്ങാനും യുക്രെയ്ൻ പദ്ധതിയിടുന്നു. യുക്രെയ്നിലെ യുദ്ധഭൂമിയിലും പുറത്തും എന്താണ് സംഭവിക്കുന്നത്? വിശദമായി പരിശോധിക്കാം.
അധികാരത്തിൽ കാൽ നൂറ്റാണ്ട് പൂർത്തിയാക്കിയിരിക്കുകയാണ് റഷ്യൻ പ്രസിഡന്റ് വ്ലാഡിമിർ പുട്ടിൻ. എന്നാൽ രജതജൂബിലി വർഷം അദ്ദേഹത്തിന്റെ കാൽച്ചുവട്ടിൽ മുള്ളുകളും കർണങ്ങളിൽ വിലാപവുമാണ് നിറയുന്നത്. പ്രതിപക്ഷ നേതാവ് അലക്‌സി നവൽനി മുതൽ യുക്രെയ്നിലെ പുഞ്ചുകുഞ്ഞിന്റെ വരെ മരണത്തിന് ഉത്തരം പറയേണ്ട ഉത്തരവാദിത്തം പുട്ടിനുണ്ട്. ‘ജനപ്രിയ’ നേതാവെന്ന പ്രതിച്ഛായ ഓരോ ദിവസവും ഇടിയുകയാണ്. സുതാര്യമല്ലാത്തത് എന്നു ലോക മാധ്യമങ്ങൾ ചാപ്പ കുത്തിയ തിരഞ്ഞെടുപ്പിലൂടെ ആറു വർഷത്തേയ്ക്ക് അധികാരത്തുടർച്ച ഉറപ്പാക്കിയെങ്കിലും സമീപ കാല സംഭവങ്ങൾ അദ്ദേഹത്തിന് ഒട്ടും ശുഭകരമല്ല. അതിൽ ഒടുവിലത്തേതാണ് മോസ്കോയ്ക്കു സമീപം സംഗീതശാലയിലുണ്ടായ തീവ്രവാദി ആക്രമണം. രണ്ടു പതിറ്റാണ്ടിനിടെ റഷ്യയിലുണ്ടായ ഏറ്റവും വലിയ തീവ്രവാദി ആക്രമണമായി ഇതു കണക്കാക്കുന്നു. പുട്ടിൻ ഏകാധിപത്യത്തിന്റെ ആൾരൂപമായി മാറുമ്പോഴും റഷ്യക്കാരുടെ സുരഷിതത്വം ഉറപ്പു വരുത്തുന്ന അധികാരിയെന്ന ഖ്യാതി അദ്ദേഹത്തിനുണ്ടായിരുന്നു. കമ്യൂണിസ്റ്റ് ഭരണത്തിന്റെയും അതിന്റെ തകർച്ചയുടെയും തിക്തഫലങ്ങൾ ആവോളം അനുഭവിച്ച റഷ്യക്കാർക്ക് ആഭ്യന്തര ആക്രമണങ്ങളും സോവിയറ്റ് യൂണിയനിൽനിന്നു വിട്ടുപോയ പ്രദേശങ്ങളിൽ നിന്നുമുള്ള ആക്രമണങ്ങളും ദുരിതം സൃഷ്ടിച്ചിരുന്നു. പുട്ടിന്റെ വരവോടെ റഷ്യയിൽ ആഭ്യന്തര സമാധാനത്തിന്റെ നാളുകൾ പുലരാൻ തുടങ്ങിയിരുന്നു. എന്നാൽ സംഗീതശാലയിൽ ഉതിർന്ന ഓരോ വെടിയുണ്ടയും റഷ്യക്കാരുടെ ആ സുരക്ഷിതത്വ ബോധത്തിലാണ് വിള്ളൽ വീഴ്ത്തിയത്.
കഴിഞ്ഞ ദിവസം ക്രൈമിയയിലെ വ്യോമസേനാ കേന്ദ്രത്തിലും മറ്റൊരു റഷ്യൻ അധിനിവേശ മേഖലയിലും യുക്രെയ്ൻ ടാക്ടിക്കൽ ബാലിസ്റ്റിക് മിസൈൽ ഉപയോഗിച്ച് ആക്രമണം നടത്തിയതായുള്ള വിവരങ്ങൾ പുറത്തുവരികയാണ്. 300 കിലോമീറ്ററിലേറെ ദൂരത്ത് ആക്രമണം നടത്താനാകുന്നതാണ് യുഎസ് യുക്രെയ്നു രഹസ്യമായി നൽകിയ ഈ മിസൈൽ.ആർമി ടാക്ടിക്കൽ മിസൈൽ
കീവ് ∙ റഷ്യയുടെ മിസൈലാക്രമണം രൂക്ഷമായ വടക്കു കിഴക്കൻ യുക്രെയ്നിലെ ഹർകീവിൽ 250 മീറ്റർ ഉയരമുള്ള ടിവി ടവർ നിലം പൊത്തി. ടവർ വീണതോടെ ടിവി സംപ്രേഷണം നിർത്തിവച്ചു. ഹർകീവിൽ ജനവാസം അസാധ്യമാക്കാനുള്ള തന്ത്രങ്ങളാണു റഷ്യയുടേതെന്ന് യുക്രെയ്ൻ പ്രസിഡന്റ് വൊളോഡിമിർ സെലെൻസ്കി ആരോപിച്ചു. ഹർകീവിൽ സൈന്യമിറങ്ങിയുള്ള ആക്രമണവും റഷ്യ പദ്ധതിയിടുന്നതായാണു നിഗമനം.
യുക്രെയ്നിലെ ഖാർകിവിൽ ടെലിവിഷൻ ടവറിനുനേരെ വീണ്ടും റഷ്യയുടെ മിസൈൽ ആക്രമണമെന്നു റിപ്പോർട്ട്. 240 മീറ്ററിലേറെ ഉയരമുള്ള ടവർ(അഞ്ചാമത്തെ ഏറ്റവും വലിയ ടിവി ടവറായിരുന്നു) തകർന്നു വീഴുന്ന വിഡിയോ ദൃശ്യങ്ങൾ പുറത്തുവന്നു. യുക്രെയ്നിലെ രണ്ടാമത്തെ വലിയ നഗരം വാസയോഗ്യമല്ലാതാക്കാനുള്ള റഷ്യയുടെ ബോധപൂർവമായ
തിരുവനന്തപുരം∙ മരണം മുന്നിൽക്കണ്ട യുദ്ധമുഖത്തുനിന്ന് അവർ പ്രിയപ്പെട്ടവരുടെ തണലിലണഞ്ഞു. മത്സ്യത്തൊഴിലാളി യുവാവ് അഞ്ചുതെങ്ങ് സ്വദേശി പ്രിൻസ് സെബാസ്റ്റ്യനും പൂവാർ സ്വദേശി ഡേവിഡ് മുത്തപ്പനുമാണ് വീടുകളിൽ തിരിച്ചെത്തിയത്. ഏജന്റിന്റെ ചതിയിൽപെട്ട് റഷ്യയിലെത്തിയ ഇരുവരെയും റഷ്യൻ സൈന്യം യുക്രെയ്നെതിരായ
തിരുവനന്തപുരം∙ പതിനഞ്ചാം വയസ്സു മുതൽ തുഴ പിടിച്ചു തഴമ്പിച്ച കയ്യിലേക്കാണു റഷ്യൻ പട്ടാളം തോക്കെടുത്തുവച്ചത്. മൂന്നാഴ്ച പരിശീലനം കിട്ടിയെങ്കിലും മറ്റൊരാളുടെ നെഞ്ചിലേക്കു തോക്കു ചൂണ്ടി കാഞ്ചിവലിക്കാനുള്ള മനക്കരുത്തില്ലായിരുന്നു. എല്ലാ പ്രതീക്ഷയും നഷ്ടപ്പെട്ട്, കുടുങ്ങിപ്പോയതിന്റെ ഗതികേടിലാണു റഷ്യൻ
തിരുവനന്തപുരം∙ ആശങ്കകൾക്കും നാടകീയതകൾക്കും ഒടുവിൽ, റഷ്യയിൽ കുടുങ്ങിയ മലയാളി യുവാവ് പ്രിൻസ് സെബാസ്റ്റ്യൻ വീട്ടിൽ തിരിച്ചെത്തി. റഷ്യ - യുക്രെയ്ൻ യുദ്ധത്തിൽ ഗുരുതര പരുക്കേറ്റ പ്രിൻസിന്, ഇന്ത്യൻ എംബസി താല്‍ക്കാലിക യാത്രാരേഖ നല്‍കിയതോടെയാണ് മടക്കം സാധ്യമായത്. പ്രിന്സിനൊപ്പമുണ്ടായിരുന്ന ഡേവിഡ്
രണ്ട് വർഷം മുൻപ് യുക്രെയ്ൻ തലസ്ഥാന നഗരം കീവ് ഉൾപ്പെടുന്ന മേഖല പിടിക്കാനായി റഷ്യ കനത്ത അക്രമവും അധിനിവേശവും നടത്തി. എന്നാൽ ഒരുമാസത്തിലധികം നീണ്ടുനിന്ന ഈ ആക്രമണ പരമ്പരയ്ക്കും കീവിനെ കീഴ്പ്പെടുത്താൻ സാധിച്ചില്ല.കീവ് മേഖലയിൽ നിന്ന് റഷ്യൻ സൈന്യത്തെ തുരത്തിയതിന്റെ രണ്ടാം വാർഷികം ആചരിക്കുകയാണ് യുക്രെയ്ൻ.
ന്യൂഡൽഹി∙ റഷ്യയിൽ കുടുങ്ങിയ മലയാളി യുവാവ് പൂവാർ പൊഴിയൂർ കല്ലി സ്വദേശി ഡേവിഡ് മുത്തപ്പൻ ഇന്ത്യയിൽ തിരിച്ചെത്തി. ഇന്ന് രാവിലെയാണ് ഡേവിഡ് ഡൽഹിയിലെത്തിയത്. ഇന്ത്യൻ എംബസി താൽക്കാലിക യാത്രാ രേഖ നൽകിയതോടെയാണ് മടക്കം സാധ്യമായത്. റഷ്യ–യുക്രെയ്ൻ യുദ്ധത്തിൽ ഡേവിഡിന് പരിക്ക് പറ്റിയിരുന്നു. വ്യാജ റിക്രൂട്ട് ഏജൻസിയുടെ
ന്യൂഡൽഹി ∙ റഷ്യയിലെ യുദ്ധഭൂമിയിൽ അകപ്പെട്ട മലയാളികളുടെ മടക്കയാത്ര ഉടനെന്ന് വിദേശകാര്യമന്ത്രാലയം. നടപടികൾ പുരോഗമിക്കുകയാണെന്നും യുദ്ധ ഭൂമിയിൽ അകപ്പെട്ടവരുടെ മോചനത്തിനു റഷ്യയുടെ മേൽ ഇന്ത്യ കടുത്ത സമ്മർദം ചെലുത്തുന്നുണ്ടെന്നും വിദേശകാര്യ വക്താവ് രൺധീർ ജയ്സ്വാൾ പറഞ്ഞു.
മോസ്കോ ∙ റഷ്യയിലെ യുദ്ധത്തില്‍ പരുക്കേറ്റ മലയാളികളിൽ രണ്ടുപേര്‍ ഉടൻ നാട്ടിലേക്കു മടങ്ങും. അഞ്ചുതെങ്ങ് സ്വദേശി പ്രിന്‍സ് സെബാസ്റ്റ്യനും പൊഴിയൂര്‍ സ്വദേശി ഡേവിഡ് മുത്തപ്പനും മോസ്കോയിലെ ഇന്ത്യൻ എംബസിയിലെത്തി. പാസ്പോര്‍ട്ട് നഷ്ടപ്പെട്ട ഇവര്‍ക്കു താല്‍ക്കാലിക യാത്രാരേഖകള്‍ നല്‍കും. മലയാളികൾ ഉൾപ്പെടെ നിരവധി ഇന്ത്യക്കാർ തൊഴിൽ തട്ടിപ്പിന് ഇരയായി റഷ്യയിലെ യുദ്ധഭൂമിയിൽ എത്തിയിരുന്നു.
യുക്രെയ്നിന്റെ തലസ്ഥാന നഗരമായ കീവിൽ റഷ്യ ശബ്ദാതിവേഗ (ഹൈപ്പർസോണിക്) മിസൈലുകൾ ഉപയോഗിച്ച് ആക്രമണം നടത്തിയതാണ് പ്രധാനവാർത്തകളിലൊന്ന്. ജനവാസകേന്ദ്രങ്ങളിൽ നിന്ന് മിസൈൽ ഭാഗങ്ങൾ കണ്ടെടുത്തു.വിമാനങ്ങളുടെയും മിസൈലുകളുടെയും മറ്റും വേഗത്തെ നാലായി തിരിച്ചിട്ടുണ്ട്. സബ്സോണിക് (ശബ്ദവേഗത്തിനെക്കാൾ കുറവ്),
കൊച്ചി ∙ മലയാളികൾ അടക്കമുള്ളവരെ റഷ്യയിലേക്ക് മനുഷ്യക്കടത്ത് നടത്തിയ കേസിലെ പ്രതി ഡോമിരാജിനെ രണ്ടാഴ്ചത്തേക്ക് അറസ്റ്റ് ചെയ്യരുതെന്നു ഹൈക്കോടതി. ജാമ്യത്തിനായി ഡൽഹി മെട്രോപൊളിറ്റൻ മജിസ്ട്രേറ്റ് കോടതിയെ സമീപിക്കാനും ഹൈക്കോടതി നിർദേശിച്ചു.
തിരുവനന്തപുരം∙ മനുഷ്യക്കടത്തിനിരയായി റഷ്യൻ കൂലിപ്പട്ടാളത്തോടൊപ്പം യുദ്ധം ചെയ്യാനായി നിയോഗിക്കപ്പെട്ടവരിൽ കൂടുതൽ മലയാളികൾ ഉൾപ്പെട്ടിരിക്കാമെന്ന സംശയത്തിൽ സിബിഐ. മനുഷ്യക്കടത്തിന്റെ സൂചന ലഭിച്ചതിനെ തുടർന്ന് കേരളത്തിൽ സിബിഐ നടത്തിയ അന്വേഷണത്തിലാണ് തട്ടിപ്പിന്റെ വ്യാപ്തി വലുതാണെന്ന് വ്യക്തമായത്. സാധാരണ
