ബ്രഡ് ചിക്കൻ ബോൾസ്, കുട്ടികൾക്ക് ഇഷ്ടപ്പെടും രുചി

കാബേജും കാരറ്റും ചിക്കനും ചേർത്തൊരു ടേസ്റ്റി പലഹാരം തയാറാക്കുന്നത് എങ്ങനെയെന്നു നോക്കാം.

ചേരുവകൾ:

• കാബേജ് ചെറുതായി നുറുക്കിയത് - 1/2 കപ്പ്‌
• സവാള  - ഒരു ചെറിയ സവാളയുടെ പകുതി
• കാരറ്റ് ഗ്രേറ്റ്‌ ചെയ്തത് - 1/2 കപ്പ്‌
• കാപ്‌സിക്കം - 1 ടേബിൾ സ്പൂൺ
• ചിക്കൻ കുരുമുളകും ഉപ്പും ചേർത്തു വേവിച്ചു പിച്ചിയെടുത്തത് - 1/2 കപ്പ്‌
• ഉപ്പും കുരുമുളകും - ആവശ്യത്തിന്
• മയോണൈസ്  - 1/2 കപ്പ്‌
• ബ്രഡ് - 6 കഷ്ണം
• എണ്ണ - വറുക്കാൻ ആവശ്യത്തിന്

തയാറാക്കുന്ന വിധം

• പച്ചക്കറികളും ചിക്കനും മയോണൈസും ഉപ്പും കുരുമുളകും ചേർത്തു നന്നായി യോജിപ്പിക്കുക. 
• ബ്രഡിന്റെ വശങ്ങൾ മുറിച്ചു മാറ്റിയശേഷം വെള്ളത്തിൽ മുക്കി അധികമായുള്ള വെള്ളം പിഴിഞ്ഞു കളയുക. 
• ബ്രഡിൽ ചിക്കൻ വെജിറ്റബിൾ മിക്സ്‌ വച്ച്  റോൾ ചെയ്തെടുക്കാം. 
• പിന്നീട് ബ്രഡ് പൊടിയിൽ മുക്കി എണ്ണയിൽ വറുത്തു കോരുക. 
• ഈ അവധിക്കാലത്തു കുട്ടികൾ ഇഷ്ടപ്പെടുന്ന നല്ലൊരു പലഹാരമാണിത്.

Content Summary : Bread chicken balls, super snack for kids.