Activate your premium subscription today
ഇന്ത്യൻ ടീമിനായി മലയാളി താരം സഞ്ജു സാംസൺ തകർത്തുകളിക്കുന്നതിനിടെ, താരത്തെക്കുറിച്ച് വർഷങ്ങൾക്കു മുൻപ് എക്സ് പ്ലാറ്റ്ഫോമിൽ നടത്തിയ പ്രതികരണം ‘പൊടിതട്ടിയെടുത്ത്’ ശശി തരൂർ എംപി. സഞ്ജുവിനെ എം.എസ്. ധോണിയുമായി താരതമ്യം ചെയ്ത് എക്സ് പ്ലാറ്റ്ഫോമിലിട്ട കുറിപ്പാണ് തരൂർ വീണ്ടും ഉയർത്തിക്കൊണ്ടുവന്നത്.
ചേലക്കര ∙ ‘‘ഞാൻ പ്രധാനമന്ത്രിയാകുമോ എന്നു ചോദിച്ചാൽ അതിന് എനിക്കു മറുപടിയില്ല. രാജ്യം നന്നാകട്ടെ. അതല്ലേ വേണ്ടത്...’’– ചേലക്കര സൗഹൃദക്കൂട്ടായ്മ സംഘടിപ്പിച്ച ‘മീറ്റ് തരൂർ’ പരിപാടിയിൽ ലിറ്റിൽ ഫ്ലവർ ഗേൾസ് ഹയർ സെക്കൻഡറി സ്കൂളിലെ അംഷാനയുടെ ചോദ്യത്തിന് ശശി തരൂരിന്റെ മറുപടിയായിരുന്നു ഇത്. വിദ്യാർഥികളും
കോഴിക്കോട് ∙ ചില നേതാക്കൾ തന്നെ ബിജെപിയിലേക്കു ക്ഷണിച്ചെന്ന് കോൺഗ്രസ് പ്രവർത്തക സമിതിയംഗം ശശി തരൂർ എംപി മലയാള മനോരമ ‘ഹോർത്തൂസ്’ വേദിയിൽ വെളിപ്പെടുത്തി.വിദേശകാര്യമന്ത്രി എസ്.ജയശങ്കറിന്റെ സ്ഥാനത്തു തന്നെ ഇരുത്താൻ ചിലപ്പോൾ അവർ തയാറായിട്ടുണ്ടാകും. ഒരിക്കലും ബിജെപിക്കാരനാകാൻ സാധിക്കില്ലെന്ന് അവർക്കു മറുപടി നൽകിയെന്നു തരൂർ പറഞ്ഞു. വർഷങ്ങളോളം ഒരു രാഷ്ട്രീയത്തിൽ പ്രവർത്തിക്കുകയും എതിരാളികളെ വിമർശിക്കുകയും ചെയ്തശേഷം അവരുടെ അടുത്തേക്ക് എങ്ങനെ പോകാൻ സാധിക്കുമെന്നതു തനിക്കു മനസ്സിലാകുന്നില്ല.
കോഴിക്കോട് ∙ ഇന്ത്യ എല്ലാവരുടേതുമല്ല, ഹിന്ദുക്കളുടേതു മാത്രമെന്നു രാജ്യം ഭരിക്കുന്നവർതന്നെ പറയുന്നത് അദ്ഭുതപ്പെടുത്തുന്നുവെന്ന് ശശി തരൂർ എംപി. ലോക്സഭാ തിരഞ്ഞെടുപ്പ് പ്രചാരണത്തിൽ നരേന്ദ്രമോദിയുടെ പ്രസംഗങ്ങളധികവും ഭരണഘടനാവിരുദ്ധമായിരുന്നു. ആദ്യമായാണ് ഒരു പ്രധാനമന്ത്രി ഇങ്ങനെ പ്രസംഗിക്കുന്നതെന്നും എ.ബി.വാജ്പേയി ഈ ഭാഷയിലല്ല സംസാരിച്ചിട്ടുള്ളതെന്നും മലയാള മനോരമ ഹോർത്തൂസ് വേദിയിൽ ശശി തരൂർ ഓർമിപ്പിച്ചു. ഗോഡ്സേ മുൻ ആർഎസ്എസുകാരനായിരുന്നുവെന്നും ഗാന്ധിജി ഹിന്ദുക്കൾക്ക് എതിരാണെന്ന ആർഎസ്എസ് പാഠം 8 വയസ്സു മുതൽ കേട്ടാണു മോദി വളർന്നതെന്നും തരൂർ ആരോപിച്ചു.
മുംബൈയിലെ സ്കൂളിൽ പഠിക്കുമ്പോഴാണ് ആദ്യമായി എന്നോട് ഒരാൾ ജാതി ചോദിക്കുന്നത്. രാജ് കപൂറിന്റെ മകൻ, പിൽക്കാലത്ത് ബോളിവുഡ് സെൻസേഷനായ ഋഷി കപൂറായിരുന്നു അത്– ‘ഏതാ നിന്റെ ജാതി?’ എന്നാണ് ഋഷി ചോദിച്ചത്. സ്കൂളിലെ ഒരു മത്സരത്തിൽ ഋഷിക്കെതിരെ ഞാനൽപം തിളങ്ങിനിന്നതിനു പിന്നാലെയായിരുന്നു പടിക്കെട്ടുകളിലൊന്നിൽ വച്ച് എന്നെ തടഞ്ഞ് അദ്ദേഹം അക്കാര്യം ചോദിച്ചത്. ‘ആർ യു എ ബ്രാഹ്മിൺ ഓർ സംതിങ്’ എന്നാണ് ചോദിച്ചത്. ഞാൻ ‘സംതിങ്’ കൂടിയാണോ എന്നെനിക്കറിയില്ല എന്നാണു ഞാൻ സരസമായി മറുപടി പറഞ്ഞത്. എന്താണ് മറുപടി കൊടുക്കേണ്ടതെന്ന് യഥാർഥത്തിൽ എനിക്കറിയില്ലായിരുന്നു. അതിനു പിന്നിലും ജീവിതവുമായി ബന്ധപ്പെട്ട ചില അനുഭവങ്ങളുണ്ട്. ഇന്ത്യയിൽ ദേശീയപ്രസ്ഥാനം ശക്തമായിരുന്ന കാലത്താണ് എന്റെ പിതാവും പ്രവർത്തിച്ചിരുന്നത്. പാലക്കാട് പഠിക്കുന്ന കാലത്ത് ഹൈസ്കൂൾ വരെ അദ്ദേഹത്തിന്റെ പേരിനൊപ്പം ജാതിപ്പേര് ഉണ്ടായിരുന്നു. അക്കാലത്ത് ഗാന്ധിജിയുടെ ഉൾപ്പെടെ വാക്കുകൾ കേട്ട് അദ്ദേഹം പേരിലെ ജാതിവാൽ ഉപേക്ഷിച്ചു, പേരിനൊപ്പം വീട്ടുപേര് മാത്രമാക്കി. സ്വാതന്ത്ര്യ സമരവുമായി ബന്ധപ്പെട്ട വിശ്വാസപ്രമാണങ്ങളായിരുന്നു അദ്ദേഹത്തെ നയിച്ചിരുന്നത്. ജാതി തനിയെ ഇന്ത്യയിൽനിന്ന് മാഞ്ഞു പോകുമെന്നാണ് നെഹ്റു പോലും അന്ന് വിശ്വസിച്ചിരുന്നത്. പിന്നീട് ഞങ്ങൾ ബോംബെയിലേക്ക് താമസം മാറി. അവിടത്തെ വീട്ടിൽ പല ജാതിയിലും മതത്തിലുമുള്ള കുട്ടികൾ എനിക്കൊപ്പം കളിക്കാൻ വരുമായിരുന്നു. എന്നാൽ അവരോടൊന്നും എന്റെ വീട്ടിലെ ആരും ജാതിയോ മതമോ ചോദിച്ചിട്ടില്ല. അതിനെപ്പറ്റി വീട്ടിലാരും സംസാരിച്ചിട്ടുമില്ല. എന്റെ 10–11 വയസ്സുവരെയൊന്നും എന്താണ് ജാതിയെന്നു പോലും എനിക്കറിയില്ലായിരുന്നു. മതവുമായി ബന്ധപ്പെട്ട് ചിലർ എന്തെല്ലാമോ പഠിക്കുന്നു, അതിൽ എന്തോ വ്യത്യാസങ്ങളൊക്കെ ഉണ്ടെന്നു മാത്രം അറിയാം. വീട്ടിൽ ജാതിയോ മതമോ ഒരു പ്രശ്നവുമായിരുന്നില്ല. ഋഷി കപൂർ എന്നോടു ജാതി ചോദിച്ചതിനെപ്പറ്റി ഞാൻ അച്ഛനോടു പറഞ്ഞു. എന്താണ് ജാതിയെന്നും ചോദിച്ചു.
ബംഗ്ലദേശിനെതിരായ മൂന്നാം ട്വന്റി20യിൽ സെഞ്ചറി നേടിയ ശേഷം നാട്ടിൽ തിരിച്ചെത്തിയ മലയാളി ക്രിക്കറ്റ് താരം സഞ്ജു സാംസണെ ആദരിച്ച് ശശി തരൂർ എംപി. തിരുവനന്തപുരത്തെത്തിയ സഞ്ജുവിന് നീല നിറത്തിലുള്ള പൊന്നാടയാണ് ശശി തരൂർ അണിയിച്ചത്. സ്വീകരണത്തിന്റെ ചിത്രങ്ങൾ ശശി തരൂർ സമൂഹമാധ്യമങ്ങളിൽ പങ്കുവച്ചിട്ടുണ്ട്.
കുവൈത്ത് സിറ്റി ∙ മലപ്പുറം ജില്ലയില്‍ നിന്നും കൂടുതല്‍ സ്വര്‍ണം പിടിച്ചതിന്റെ പേരില്‍ ജില്ലയിലെ മുഴുവന്‍ പേരെയും ദേശവിരുദ്ധരാക്കുകയാണ് മുഖ്യമന്ത്രിയെന്ന് ശശി തരൂര്‍ എം.പി. മുഖ്യമന്ത്രിയുടെ പ്രസ്താവനയില്‍ കാണുന്നത് ബിജെപിയുടെ ഭാഷയാണ്. ഈ പ്രസ്താവ എന്തടിസ്ഥാനത്തിലാണന്ന് മുഖ്യമന്ത്രി വ്യക്തമാക്കണമെന്ന്
തിരുവനന്തപുരം∙ കേരളത്തിന്റെ സാമൂഹിക രാഷ്ട്രീയ ജീവിതത്തിലേക്ക് ആഴ്ന്നിറങ്ങുന്ന വേരുകൾ അടൂർ ഗോപാലകൃഷ്ണന്റെ സിനിമകളിലുണ്ടെന്നു ശശി തരൂർ എംപി. അരനൂറ്റാണ്ടിലേറെ നീളുന്ന അദ്ദേഹത്തിന്റെ ചലച്ചിത്ര ജീവിതത്തിൽ രൂപംകൊണ്ട സിനിമകൾ മനുഷ്യാവസ്ഥയെ യാഥാർഥ്യബോധത്തോടെ അടയാളപ്പെടുത്തി.ലളിതമായ ആഖ്യാനത്തിലൂടെ
ന്യൂഡൽഹി ∙ വിദേശകാര്യ മന്ത്രാലയത്തിനായുള്ള പാർലമെന്ററി സ്ഥിരം സമിതിയുടെ അധ്യക്ഷ പദവി ശശി തരൂരിന് നൽകാൻ കോൺഗ്രസ് തീരുമാനിച്ചു. മധ്യപ്രദേശ് മുൻ മുഖ്യമന്ത്രി ദിഗ്‌വിജയ് സിങ് വിദ്യാഭ്യാസ മന്ത്രാലയത്തിനായുള്ള സമിതിയെ നയിക്കും. പഞ്ചാബ് മുൻ മുഖ്യമന്ത്രി ചരൺജിത് സിങ് ഛന്നിയെ കൃഷി മന്ത്രാലയത്തിനു വേണ്ടിയുള്ള സ്ഥിരം സമിതിയുടെയും സപ്തഗിരി ശങ്കർ ഉലകയെ ഗ്രാമവികസന മന്ത്രാലയത്തിനായുള്ള സ്ഥിരം സമിതിയുടെയും അധ്യക്ഷരാക്കും.
ക്വിസ് എന്നു കേൾക്കുമ്പോൾ മനസ്സിൽ വരുന്നതെന്താണ് ? ചോദ്യകർത്താവ് ചോദ്യം ചോദിക്കുന്നു, അറിയുന്നവർ പറയുന്നു, അറിയാത്തവർ മിണ്ടാതിരിക്കുന്നു. ജയിക്കുന്നവർ സമ്മാനം വാങ്ങിപ്പോകുന്നു. എന്നാൽ ഇതു മാത്രമാണോ ഇന്നത്തെ ക്വിസ്. അല്ലേയല്ല ! പങ്കെടുക്കുന്നവരുടെ അറിവു മാത്രം പരിശോധിക്കുന്ന മത്സരമല്ല ഇന്നു ക്വിസ്.
Results 1-10 of 768
