ജില്ലയിൽ രണ്ടുപേർക്കുകൂടി കുഷ്ഠരോഗം; നാലായിരത്തിലധികം പേർക്കു രോഗലക്ഷണങ്ങൾ

ആലപ്പുഴ ∙ ജില്ലയിൽ പുതിയ രണ്ടു കുഷ്ഠരോഗ കേസുകൾ കൂടി കണ്ടെത്തിയതായി ആരോഗ്യവകുപ്പ് അധികൃതർ അറിയിച്ചു. നാലായിരത്തിലധികം പേർക്കു രോഗലക്ഷണങ്ങൾ കണ്ടെത്തിയിട്ടുണ്ട്. വിശദമായ പരിശോധനകൾക്കു ശേഷമേ രോഗം സ്ഥിരീകരിക്കാനാവൂ. രോഗലക്ഷണങ്ങളുള്ളവരോടു വിദഗ്ധ പരിശോധനയ്ക്കു നിർദേശം നൽകിയിട്ടുണ്ട്. 

എത്ര പേർക്കു പരിശോധന നടത്തിയെന്ന കണക്കെടുപ്പ് ഇന്നുമുതൽ‍ തുടങ്ങും. മേഖലകൾ കേന്ദ്രീകരിച്ചു പരിശോധനാ ക്യാംപുകൾ സംഘടിപ്പിക്കുന്നതും ആലോചനയിലുണ്ട്.