ബെൻസിന്റെ അത്യാഡംബര എംപിവി ഗാരിജിലെത്തിച്ച് മിനി സ്ക്രീൻ താരം

ബെൻസിന്റെ അത്യാഡംബര എംപിവി സ്വന്തമാക്കി മിനി സ്ക്രീൻ താരം അങ്കിത ലോഖണ്ഡേ. സുശാന്ത് സിങ് രജ്പുത്തിന്റെ നായികയായി പവിത്ര റിഷ്താ എന്ന സീരിയലിലൂടെ അരങ്ങേറ്റം കുറിച്ച അങ്കിത ബൊളിവുഡ് ചിത്രങ്ങളിലും അഭിനയിച്ചിട്ടുണ്ട്. കഴിഞ്ഞ ഡിസംബറിൽ വിവാഹിതയായ അങ്കിതയുടെ ഏറ്റവും പുതിയ അത്യാംഡബര ബെൻസാണ് ഇപ്പോൾ സമൂഹമാധ്യമങ്ങളിലെ താരം.

പ്രീമിയം വാഹനങ്ങളുടെ സെക്കന്റ് ഹാൻഡ് കാർ ഡീലർമാരായ ബിഗ്ബോയ്സ് ടോയ്സ്‌ലില്‍ നിന്നാണ് വി ക്ലാസ് എൽഡബ്ല്യുവി അങ്കിത ഗാരിജിലെത്തിച്ചത്. ഇതുകൂടാതെ പോർഷെ 718, ജാഗ്വർ എസ്എഫ് തുടങ്ങിയ വാഹനങ്ങൾ അങ്കിതയ്ക്കുണ്ട്.

ഇന്ത്യയിൽ നിർമിക്കാതെ പൂർണമായും ഇറക്കുമതി ചെയ്യുന്ന വാഹനമാണ് വി ക്ലാസ്. ബെൻസിന്റെ ആഡംബര വാനായ വി–ക്ലാസിന്റെ മൂന്നു വകഭേദങ്ങളാണ് ഇന്ത്യൻ വിപണിയിലുള്ളത്. അടിസ്ഥാന വകഭേദത്തിന് ഏകദേശം 71.10 ലക്ഷം രൂപ മുതലാണ് വാഹനത്തിന്റെ വില ആരംഭിക്കുന്നത്. 2 ലീറ്റർ എൻജിൻ ഉപയോഗിക്കുന്ന കാറിന് 162 ബിഎച്ച്പി കരുത്തും 380 എൻഎം ടോർക്കുമുണ്ട്.

English Summary: Actress Ankita Lokhande’s latest ride is a Mercedes-Benz V-Class luxury MPV