റവ. സാം കോശി ഡാലസിൽ പ്രസംഗിക്കുന്നു

ഡാലസ്∙ മർത്തോമാ സഭയിലെ പ്രമുഖ കൺവൻഷൻ പ്രാസംഗീകനും വചനപണ്ഡിതനും സ്വിറ്റ്സർലൻഡ്, ജർമനി മർത്തോമാ കോൺഗ്രിഗേഷൻ വികാരിയുമായ റവ. സാം ടി. കോശി ജൂലായ് 26, 27 തീയതികളിൽ ഡാലസിൽ വചന പ്രഘോഷണം നടത്തുന്നു. ഡാലസ് സെന്റ് പോൾസ് മാർത്തോമാ ചർച്ച് വാർഷിക കൺവൻഷനിലാണ് ഗോഡ് ഓഫ് ഹീലിങ്ങ് എന്ന വിഷയത്തെ ആസ്പദമാക്കി പ്രഭാഷണം നടത്തുന്നത്. വൈകിട്ട് 7 മുതൽ ഗാന ശുശ്രൂഷയോടെ കൺവൻഷൻ ആരംഭിക്കും.

ജൂലായ് 27 ന് പാരിഷ് ഡെയോടനുബന്ധിച്ച് രാവിലെ നടക്കുന്ന വിശുദ്ധ കുർബാനയ്ക്കു നേതൃത്വം നൽകും. തുടർന്നു കടശ്ശി യോഗവും ഉണ്ടായിരിക്കും. വിവരങ്ങൾക്ക്: റവ. മാത്യു ജോസഫ് : 469 964 7494, തോമസ് ഈശോ : 214 435 1340.