ദിലീപ് ആരാധകന്റെ ചിത്രം; ഷിബു ട്രെയിലര്‍

ദിലീപ് ആരാധകന്റെ കഥ പറയുന്ന ഷിബു എന്ന ചിത്രത്തിന്റെ ട്രെയിലർ എത്തി. ദിലീപ് ആരാധകനും സിനിമാമോഹിയുമായ ഷിബു എന്ന ചെറുപ്പക്കാരന്റെ ജീവിതമാണ് ചിത്രം പറയുന്നത്. അര്‍ജുനും ഗോകുലും ചേർന്നാണ് സംവിധാനം. ഗോവിന്ദ് പത്മസൂര്യ നായകനായി എത്തിയ 32ാം അദ്ധ്യായം 23ാം വാക്യം ആണ് ഇതിന് മുമ്പ് ഇവർ ചെയ്ത ചിത്രം.

അഞ്ജു കുര്യനാണ് ചിത്രത്തിൽ നായിക. പാലക്കാടിന്റെ പശ്ചാത്താലത്തിലൊരുങ്ങുന്ന ചിത്രമാണിത്. തീയേറ്റര്‍ ജോലിക്കാരനായ പിതാവിലൂടെ സിനിമയെ പ്രണയിച്ചു തുടങ്ങുന്ന ചെറുപ്പക്കാരനാണ് ഷിബു. 90 കളിലെ ദിലീപിന്റെ സിനിമകൾ കണ്ട് ആരാധകനായി മാറുന്നു. പ്ലസ് ടു കഴിഞ്ഞ് ദിലീപിനെ നായകനാക്കി സിനിമാ സംവിധാനം ചെയ്യണമെന്നതാണ് സ്വപ്നം.

കഥ തയാറാക്കിയിരിക്കുന്നത് പ്രണീഷ് വിജയനാണ്. യുവഗായകന്‍ സച്ചിന്‍ വാര്യര്‍ സംഗീതമൊരുക്കുന്നു എന്ന സവിശേഷതയുമുണ്ട്.