ഗൗരി ലങ്കേഷ് വധം: സർക്കാരിന് സുപ്രീം കോടതി നോട്ടിസ്

ബെംഗളൂരു ∙ ഗൗരി ലങ്കേഷ് വധക്കേസിൽ ആറാം പ്രതിക്കെതിരെ ചുമത്തിയിരുന്ന ആസൂത്രിത കുറ്റകൃത്യ വകുപ്പ് ഒഴിവാക്കിയതിനു വിശദീകരണം തേടി കർണാടക സർക്കാരിനു സുപ്രീം കോടതി നോട്ടിസ്.

മുഖ്യപ്രതി അമോൽ കാലെയുടെ കൂട്ടാളി മോഹൻ നായകിനെതിരെ ചുമത്തിയിരുന്ന കർണാടക സംഘടിത കുറ്റകൃത്യനിരോധനനിയമം (കകോക്ക) നീക്കിയതു ചോദ്യം ചെയ്ത്, ഗൗരിയുടെ സഹോദരി കവിതാ ലങ്കേഷാണു ഹർജി നൽകിയത്. മാധ്യമപ്രവർത്തകയായിരുന്ന ഗൗരി 2017 സെപ്റ്റംബർ 5നാണു വെടിയേറ്റു കൊല്ലപ്പെട്ടത്.

English Summary: Supreme Court Issues Notice On Gauri Lankesh Murder Accused's Bail Plea