ജോഡോ യാത്രയിൽ അണിചേർ‌ന്ന് ഗൗരി ലങ്കേഷിന്റെ അമ്മയും സഹോദരിയും

ബെംഗളൂരു ∙ വെടിയേറ്റു മരിച്ച മുതിർന്ന മാധ്യമ പ്രവർത്തക ഗൗരി ലങ്കേഷിന്റെ കുടുംബാംഗങ്ങൾ കർണാടകയിലെ മണ്ഡ്യയിൽ ഭാരത് ജോഡോ യാത്രയ്ക്കൊപ്പം അണിചേർന്നു. ഗൗരിയുടെ അമ്മ ഇന്ദിരാ ലങ്കേഷ്, സഹോദരിയും സംവിധായികയുമായ കവിതാ ലങ്കേഷ് എന്നിവരാണ് യാത്രയിൽ രാഹുൽ ഗാന്ധിക്കൊപ്പം പങ്കെടുത്തത്. ഗ്രാമീണർ ഉൾപ്പെടെ ആയിരങ്ങളാണ് ഇന്നലെ യാത്രയുടെ ഭാഗമായത്. ഇന്നു തുമക്കൂരുവിലെ കെബി ക്രോസ് വരെ യാത്ര തുടരും. 

തെരുവുകളിലേക്ക് ഇറങ്ങിച്ചെന്ന് കോൺഗ്രസ് സാധാരണക്കാരുമായി സംവദിക്കുമ്പോൾ ബിജെപിയുടെ സ്വസ്ഥത നശിക്കുകയാണെന്ന് ഐസിസി ജനറൽ സെക്രട്ടറി ജയ്റാം രമേഷ് പറഞ്ഞു. 

English Summary: Gauri Lankesh mother and sister joins Bharat Jodo Yatra