എംപോക്സ്: യുവാവിന്റെ നില തൃപ്തികരം

ന്യൂഡൽഹി ∙ എംപോക്സ് ബാധിച്ച് ഡൽഹി എൽഎൻജെപി ആശുപത്രിയിൽ ചികിത്സയിലുള്ള ഹരിയാന സ്വദേശിയുടെ ആരോഗ്യനില തൃപ്തികരമാണെന്ന് കേന്ദ്ര ആരോഗ്യ മന്ത്രാലയം അറിയിച്ചു. 26 വയസ്സുള്ള ഇദ്ദേഹം ഹിസാർ ജില്ലക്കാരനാണ്. വൈറസ് ബാധയെത്തുടർന്ന് ശരീരത്തിൽ പാടുകളുണ്ട്. എംപോക്സ് വ്യാപനം രൂക്ഷമായ ആഫ്രിക്കൻ രാജ്യത്തെ യാത്രക്കിടെയാണ് രോഗബാധയുണ്ടായത്. അതിനാൽത്തന്നെ ഇന്ത്യയിൽ ഇതൊരു ഒറ്റപ്പെട്ട സംഭവമാണെന്നും ആശങ്കപ്പെടേണ്ടതില്ലെന്നും ആരോഗ്യ മന്ത്രാലയം പറയുന്നു.