പോപ്പുലർ ഐപിഒ സമാപിച്ചു; 1.23 മടങ്ങ് അപേക്ഷ

മുംബൈ∙ കേരളം ആസ്ഥാനമായ പോപ്പുലർ വെഹിക്കിൾസ് ആൻഡ് സർവീസസിന്റെ പ്രാഥമിക ഓഹരി വിൽപനയ്ക്ക്(ഐപിഒ) ലഭിച്ചത് 1.23 മടങ്ങ് അപേക്ഷ. ഐപിഒ ഇന്നലെ സമാപിച്ചു. 601.55 കോടി രൂപ സമാഹരിക്കാനുള്ള ഐപിഒയിൽ 1.78 കോടി ഓഹരിക്കുള്ള അപേക്ഷ ലഭിച്ചു. 1.44 കോടി ഓഹരികളാണ് വിൽപനയ്ക്ക് ഉണ്ടായിരുന്നത്. ഇൻസ്റ്റിറ്റ്യൂഷനൽ നിക്ഷേപകരുടേതായി 1.97 മടങ്ങ് അപേക്ഷയെത്തി. ചില്ലറ നിക്ഷേപകരുടെ അപേക്ഷ 1.05 മടങ്ങാണ്. 

280–295 രൂപയായിരുന്നു ഐപിഒ വിലനിലവാരം. ആങ്കർ നിക്ഷേപകരിൽനിന്ന് 180.17 കോടി രൂപ സമാഹരിച്ചിട്ടുണ്ട്. കടങ്ങൾ വീട്ടാനും കോർപറേറ്റ് ആവശ്യങ്ങൾക്കുമായി സമാഹരിച്ച തുക ഉപയോഗിക്കും.