റസ്പോൺസിബിൾ സിറ്റസൻ ക്യാംപെയ്ന് ഇന്ന് ഗംഭീര സമാപനം

സ്വർണവുമായി ബന്ധപ്പെട്ട് കഴിഞ്ഞ ഒരു വര്‍ഷത്തോളമായി മനോരമ ഓൺലൈൻ മലബാർ ഗോൾഡുമായി ചേർന്ന് നടത്തിവന്ന റസ്പോൺസിബിൾ സിറ്റസൻ ക്യാംപെയ്ൻ ഇന്നു സമാപിക്കും. തിരുവനന്തപുരത്ത് സംഘടിപ്പിക്കുന്ന സമാപന ചടങ്ങ് ഉദ്ഘാടനം ചെയ്യുന്നത് വ്യവസായ, നിയമമന്ത്രി പി രാജീവ് ആണ്. ഇതോടനുബന്ധിച്ച് "Gold: A safe investment beyond style statement" എന്ന വിഷയത്തിൽ സ്വർണവുമായി ബന്ധപ്പെട്ട് വിവിധ മേഖലകളിലെ വിദഗ്ധർ പങ്കെടുക്കുന്ന പാനൽ ചർച്ചയും നടക്കും. ഇന്ന് മൂന്നു മണിക്ക് തിരുവനന്തപുരത്ത് ഹോട്ടൽ ഹിൽട്ടണിൽ വെച്ചാണ് പ്രൗഢഗംഭീരമായ സമാപന ചടങ്ങ് സംഘടിപ്പിക്കുന്നത്. കൂടുതൽ വിവരങ്ങൾക്ക്

സമൂഹത്തോടും സഹജീവികളോടും കൂടുതൽ ഉത്തരവാദിത്തവും പ്രതിബദ്ധതയും ഉള്ളവരാകാൻ ജനങ്ങളെ പ്രേരിപ്പിക്കുന്ന സാമൂഹിക അവബോധന പദ്ധതിയാണ് മനോരമ ഓൺലൈൻ മലബാർ ഗോൾഡ് ആൻഡ് ഡയമണ്ട്സുമായി ചേർന്ന് ഒരുക്കിയ ഒരു വർഷം നീണ്ടുനിന്ന റസ്പോൺസബിൾ സിറ്റിസൻ. പദ്ധതിയുടെ ഒന്നാംഘട്ടത്തിൽ, നികുതി അടയ്ക്കേണ്ടതിന്റെ പ്രാധാന്യം സമൂഹത്തിലേക്കെത്തിക്കാനായി നടത്തിയ ടാക്സ്പെയർ മത്സരം വൻ വിജയമായിരുന്നു. മൽസര വിജയികൾക്കുള്ള സമ്മാനങ്ങൾ ധനമന്ത്രി കെ.എൻ.ബാലഗോപാൽ വിതരണം ചെയ്തു. ഓരോ പവൻ സ്വർണനാണയവും സർട്ടിഫിക്കറ്റുമാണ് വിജയികൾക്ക് സമ്മാനമായി ലഭിച്ചത്.

മനോരമ ഓൺലൈൻ–മലബാർ ഗോൾഡ് റസ്പോൺസബിൾ ഗോൾഡ് വിഡിയോ സീരീസ് എന്ന രണ്ടാം ഘട്ടത്തിൽ കൂടുതൽ ഉത്തരവാദിത്തത്തോടെയും ക്രിയാത്മകമായും സ്വർണം കൈകാര്യം ചെയ്യാൻ ജനങ്ങളെ പ്രാപ്തരാക്കുകയെന്ന ലക്ഷ്യത്തോടെ വിവിധ വിദഗ്ധർ സ്വർണവുമായി ബന്ധപ്പെട്ട് സാധാരണക്കാരുടെ വൈവിധ്യമാർന്ന സംശയങ്ങൾക്ക് വീഡിയോകളിലൂടെ മറുപടി നൽകി.  സ്വർണത്തെ സംബന്ധിക്കുന്ന ഏതുതരം സംശയങ്ങൾക്കുമുള്ള ഉത്തരം സ്വർണ നിക്ഷേപരംഗത്തെ വിദഗ്ധർ നൽകിയതോടെ ഈ  വിഡിയോ പരമ്പര സമൂഹത്തിൽ ശ്രദ്ധനേടിയിരുന്നു

സമാപനചടങ്ങിൽ "Gold: A safe investment beyond style statement" എന്ന പാനൽ ചർച്ചയിൽ പങ്കെടുക്കുന്ന വിദഗ്ധർ സ്വർണവുമായി ബന്ധപ്പെട്ട് ഇപ്പോഴുയർന്നു വരുന്ന ആശങ്കകൾക്ക്  മറുപടി നൽകും. ബ്യൂറോ ഓഫ് ഇന്ത്യൻ സ്റ്റാൻഡേർഡ്സ് മേധാവി എ മുഹമ്മദ് ഇസ്മയിൽ, സ്റ്റേറ്റ് ജിഎസ്ടി ജോയിന്റ് കമിഷണർ കിരൺലാൽ പി എസ്, മണപ്പുറം ഫിനാൻസ് എം ഡിയും സിഇഒയുമായ വി പി നന്ദകുമാർ, ജിയോജിത് പ്രൈവറ്റ് വെൽത്ത് വിഭാഗം വൈസ് പ്രസിഡന്റ് ദിനേശ് കെ നായർ, മലബാർ ഗ്രൂപ്പ് ഓഫ് കമ്പനീസിന്റെ ചീഫ് ഫിനാൻഷ്യൽ ഓഫീസർ നന്ദകുമാർ ടി എന്നിവരാണ് ചർച്ചയിൽ പങ്കെടുക്കുന്നത്. ഇൻവെസ്റ്റമെന്റ് എക്സ്പെർട്ടും അർത്ഥ ഫിനാൻഷ്യൽ സർവീസസിന്റെ സാരഥിയുമായ ഉത്തര രാമകൃഷ്ണൻ ചർച്ച നയിക്കും.

English Summary : Valeditory Ceremony of Responsible Citizen is Today