മെഗാസ്റ്റാർ വാർണർ ഇത്തവണ വേറെ വൈബിൽ; ഓസീസ് താരം അഭിനയിക്കുന്ന തെലുങ്കുചിത്രത്തിന്റെ റിലീസ് 28ന്
Mail This Article
×
ഐപിഎൽ പൂരം 22നു കൊടിയേറുമ്പോൾ മുൻ കാലങ്ങളിലെ ‘തിടമ്പേറ്റിയ കൊമ്പൻമാരിൽ’ ഒരാളായിരുന്ന ഡേവിഡ് വാർണർ വേറെ വൈബിലാണ്. ഓസ്ട്രേലിയൻ താരം വാർണർ കാമിയോ റോളിൽ അഭിനയിക്കുന്ന തെലുങ്ക് ചിത്രം റോബിൻഹുഡ് 28നു റീലീസ് ചെയ്യും. വെങ്കി കുടുമുല സംവിധാനം ചെയ്യുന്ന ചിത്രത്തിൽ നിതിനും ശ്രീലീലയുമാണ് പ്രധാന വേഷങ്ങളിൽ.
ചിത്രത്തിന്റെ ഫസ്റ്റ് ലുക് പോസ്റ്റർ കഴിഞ്ഞ ദിവസം വാർണർ തന്നെയാണു റിലീസ് ചെയ്തത്.
ഐപിഎലിലെ ഇതിഹാസ താരങ്ങളിലൊരാളായ വാർണർ, ഇത്തവണ ലേലത്തിൽ ആവശ്യക്കാരില്ലാതായതോടെയാണ് കളത്തിനു പുറത്തായത്. 2014 മുതൽ 2021 വരെ സൺറൈസേഴ്സ് ഹൈദരാബാദിന്റെ സൂപ്പർതാരമായിരുന്ന വാർണർ, ഹൈദരാബാദുകരുടെ കണ്ണിലുണ്ണിയായിരുന്നു.
തെലുങ്ക് സിനിമാഗാനങ്ങൾക്കൊപ്പം നൃത്തം ചെയ്യുന്ന വാർണറുടെ റീലുകൾ ആരാധക മനസ്സുകളിൽ ഇടംനേടിയിരുന്നു. 2016ൽ ഹൈദരാബാദ് കിരീടം നേടുമ്പോൾ ടോപ് സ്കോറർ വാർണറായിരുന്നു.
English Summary:
From IPL to Telugu Cinema: David Warner stars in a Telugu film cameo. His appearance in 'Robinhood,' releasing on the 28th, marks a new chapter for the cricket star after his unsold IPL auction.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.