വാട്സാപ്പിലും ട്രൂകോളർ

ന്യൂഡൽഹി∙ വാട്സാപ്പിലും മറ്റ് മെസേജിങ് ആപ്പുകളിലും വരുന്ന അജ്ഞാത കോളുകൾ തട്ടിപ്പാണോയെന്നറിയാൻ ട്രൂകോളറിൽ ഉടൻ സംവിധാനം വരുന്നു. നിലവിൽ ഫോണിൽ നേരിട്ട് വരുന്ന കോളുകളുടെ ഉറവിടം മാത്രമാണ് ട്രൂകോളർ വഴിയറിയാനാകുന്നത്. ഒന്നു രണ്ടാഴ്ചയയായി വ്യാപകമായി രാജ്യാന്തര വെർച്വൽ നമ്പറുകളിൽ നിന്ന് ധാരാളം പേർക്ക് വാട്സാപ്പിൽ മിസ്ഡ് കോൾ ലഭിക്കുന്നുണ്ട്. ഇവ സൈബർ തട്ടിപ്പിന്റെ ഭാഗമാണെന്നാണ് വിലയിരുത്തൽ. ഫോണിലെ നോട്ടിഫിക്കേഷൻ പെർമിഷൻ നൽകിയാൽ ഈ സൗകര്യം ലഭ്യമാകുന്ന തരത്തിലായിരിക്കും സംവിധാനം.