പ്ലാവില സാഹിത്യ പുരസ്കാരം അംബികാസുതൻ മാങ്ങാടിന്

കോഴിക്കോട്∙ സാഹിത്യത്തിലെ സമഗ്രസംഭാവനയ്ക്കുള്ള പ്ലാവില സാഹിത്യ പുരസ്കാരം (11,111) അംബികാസുതൻ മാങ്ങാടിന് ലഭിച്ചു. കെ.വി. മോഹൻ കുമാർ, ചന്ദ്രശേഖരൻ തിക്കോടി, ഡോ.സോമൻ കടലൂർ (ചെയർമാൻ) എന്നിവരടങ്ങിയ കമ്മിറ്റിയാണു പുരസ്കാര ജേതാവിനെ തിരഞ്ഞെടുത്തത്.

ഫെബ്രുവരി മൂന്നാം വാരം തിക്കോടി നടക്കുന്ന വിപുലമായ പരിപാടിയിൽ വെച്ച് കേരള സാഹിത്യ അക്കാദമി വൈസ് പ്രസിഡന്റ് ഡോ. ഖദീജ മുംതാസ് അവാർഡ് സമർപ്പിക്കും.

English Summary: Literature award for Ambikasuthan Mangad