യുക്രെയ്നിലെ റഷ്യൻ അധിനിവേശം: അന്വേഷണവുമായി യുഎൻ മനുഷ്യാവകാശ കൗൺസിൽ

ജനീവ ∙ യുക്രെയ്നിലെ റഷ്യൻ അധിനിവേശത്തിനെതിരെ സ്വതന്ത്ര രാജ്യാന്തര അന്വേഷണ കമ്മിഷനെ നിയോഗിക്കാൻ യുഎൻ മനുഷ്യാവകാശ കൗൺസിൽ തീരുമാനിച്ചു. മൂന്നംഗ സമിതിയാകും അന്വേഷണം നടത്തുക. 47 അംഗ കൗൺസിലിൽ 32– 2 എന്ന ഭൂരിപക്ഷത്തിനാണു പ്രമേയം പാസായത്. 

യുഎസ്, യുകെ, ഫ്രാൻസ്, ജർമനി, ജപ്പാൻ, യുഎഇ, നേപ്പാൾ തുടങ്ങിയ രാജ്യങ്ങൾ പ്രമേയത്തെ അനുകൂലിച്ചപ്പോൾ റഷ്യയും എറിട്രിയയും മാത്രം എതിർത്തു. ഇന്ത്യ, ചൈന, പാക്കിസ്ഥാൻ, സുഗാൻ, വെനസ്വേല തുടങ്ങി 13 രാജ്യങ്ങൾ വിട്ടുനിന്നു.

Content Highlight: Russia, Ukraine, Ukraine Crisis, Russia-Ukraine War